Спорт
Грците го осудија Мегвајр!

Капитенот на Манчестер јунајтед, Хери Мегвајр е виновен за физички напад, опирање на апсење и обид за поткуп од судот по инцидентот кој го предизвика на грчкиот остров Миконос каде што беше на одмор со своите роднини и пријатели. Тој доби условна казна од 21 месец затвор
27-годишниот Мегвајр беше уапсен заедно со неговиот брат Џо и членовите на неговото друштво за физичка пресметка со група на луѓе пред ноќен клуб. На Мегвајр му беше дозволено да се врати во Британија, меѓутоа на судењето присуствуваше неговиот татко Алан. Џо Мегвајр, кој игра за фудбалскиот клуб Илкестон таун, исто така е виновен за напад, напад на полиција и обид за поткуп, а нивниот пријател Кристофер Шарман е осуден за напад и за вербална расправија.
Адвокатите на Мегвајр тврдеа дека тој бил вклучен во тепачка со група на мажи, наводно Албанци, откако на неговата сестра Дејзи луѓето и дале непозната супстанција. Полицијата тврдеше дека била нападната од Мегвајр и другите кога пристигнала на местото на настанот, а потоа Мегвајр им се обратил со зборовите: „Знаете ли кој сум? Јас сум капитен на Манчестер јунајтед. Многу сум богат. Можам да ти дадам пари, пуштете не“.
Manchester United captain Harry Maguire has been found guilty of repeated bodily harm, attempted bribery, violence against public employees and insult after his arrest on the Greek island of Mykonos.
Latest ? https://t.co/eLZrZceSHB pic.twitter.com/ZxBhsR2Q8t
— BBC Sport (@BBCSport) August 25, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Бенфика го отпушти Бруно Лаж

Фудбалскиот клуб Бенфика го отпушти тренерот Бруно Лаж по шокантниот пораз од Карабаг во првото коло од Лигата на шампионите.
Бенфика претрпе пораз во Лисабон по пресврт, иако по 16 минути игра домашниот тим водеше со 2:0.
Карабаг во Лисабон испиша историја на азербејџанскиот фудбал. Стана првиот клуб од Азербејџан што ги освои сите три бода во натпревар од Лигата на шампионите- и тоа на своето деби во елитното континентално фудбалско натпреварување.
„Постигнавме договор со Бруно Лаж, тој повеќе не е тренер на Бенфика. Сакам да му се заблагодарам за сè што се обиде да направи, за целата посветеност што ја покажа оваа година“, рече првиот човек на клубот, легендарниот Руи Кошта и додаде:
„За жал, дојде време за промена. Што се однесува до новиот тренер, очекуваме тој да биде на клупата уште во сабота, на Вила дас Авеш.“
Ова беше втор мандат на Бруно Лаж во Бенфика, кој започна во септември 2024 година.
Минатата сезона Бенфика го освои Лига купот. Оваа сезона, Бенфика го освои португалскиот Суперкуп и забележа три победи и едно реми во првенството.
„Орлите“ поминаа низ две квалификациски фази за Лигата на шампионите, ги елиминираа Ница и Фенербахче.
Токму неодамнешниот тренер на турскиот клуб, Жозе Мурињо, е моментално главен кандидат да го замени Лаж на клупата на Бенфика.
Лаж претходно ја водеше Бенфика од јануари 2019 до јуни 2020 година, откако ги тренираше и јуниорскиот и Б-тимот на клубот. 49-годишникот работеше и како главен тренер во Вулверхемптон и Ботафого.
Foto/ EPA
Спорт
Манчестер сити го отпиша Бернардо Силва
Португалскиот играч од средниот ред Бернардо Силва (31), кој е еден од клучните играчи на Манчестер сити осум години, веќе знае дека ќе мора да бара нов клуб на крајот од сезоната. Клубот нема намера да го продолжи договорот со Силва, кој истекува во јуни следната година, објавија британските медиуми.
Силва ќе ја доживее истата судбина како и Белгиецот Кевин Де Брујне (34), кој беше отпуштен по десет години. Де Брујне потпиша за италијанскиот шампион Наполи како слободен агент ова лето.
Во осум сезони на „Етихад“, Силва постигна 72 гола и имаше 74 асистенции, а освои и шест титули во англиското првенство, два ФА купа и Лигата на шампионите (2023).
Тој е втор најплатен играч на Сити, со годишна плата од 18 милиони евра. Само норвешкиот голгетер Ерлинг Халанд има поголема плата, односно околу 32 милиони евра по сезона.
Бенфика, каде што Силва почнал да тренира на 13-годишна возраст, се споменува како најверојатна опција за продолжување на кариерата. Сепак, големи шанси му се даваат и на Јувентус.
Фото/ Принтскрин
Спорт
(Видео) Судијата од БиХ е под жестоки критики поради пеналот за Реал

Реал го победи Марсеј со 2:1 во првото коло од Лигата на шампионите на домашен терен. Тимоти Веа ги доведе гостите во водство во 22-та минута, а Килијан Мбапе ги постигна двата гола за домашниот тим од пенал, во 29-та и 81-ва минута. Реал од играше со еден играч помалку од 72-та минута откако Дани Карвахал беше исклучен од Ирфан Пељто.
Судијата од БиХ е под критики од Французите за вториот пенал за Реал, од кој Мбапе постигна гол за голема победа.
Пељто досуди пенал за Реал бидејќи тврди дека играчот на Марсеј, Факундо Медина, играше со рака. Сепак, има многумина кои не се согласуваат со одлуката на Ирфан Пељто. Спорната ситуација можете да ја погледнете овде.
„Пеналот беше малку срамен и би рекол дека дури и да беше во наша корист. Тоа не е пенал“, рече тренерот на Марсеј, Роберто де Зерби.
Дури и „Марка“, шпански медиум кој е нескриено наклонет кон Реал, тврди дека судијата не требало да му досуди пенал на домашниот тим.
Перез Бурул, судиски аналитичар на „Марка“, рече: „Пеналот не е добро досуден бидејќи е природна акција. Играчот се фрла на земја, а раката не ја бара топката“.
Пељто (41) е судија во елитната категорија на УЕФА. Минатата сезона, тој го судеше четвртфиналето од Лигата на шампионите помеѓу Арсенал и Реал Мадрид, а круната на неговата кариера беше судењето на финалето од Конференциската лига, кое го играа Челзи и Бетис.
Foto/ EPA