Можеби им беа потребни 120 минути, но победничката низа на Баерн Минхен и серијата на освојувања трофеи продолжи и во УЕФА Суперкупот во Будимпешта, откако со 2:1 ја победија упорната Севилја за прв трофеј во новата сезона.

Дуелот на шампионот од Лигата на шампионите и шампионот на Лига Европа започна изненадувачки со водство на Севилја, откако во 13-тата минута, повратникот во тимот Иван Ракитиќ изнуди пенал, а Луис Окампос ги донесе Андалузијците во водство.

Леон Горецка, човекот кој се трансформираше во вистински столб на Баварците, во 34. минута успеа да израмни на 1:1, а во 50-тата минута, Роберт Левандовски ја смести топката во мрежата, но голот беше поништен поради офсајд.

Севилја успеа да се одбрани дo крајот на мечот, пред во 104. минута, Хави Мартинез по мешаница по еден корнер со гол со глава донесе трофеј за својот клуб, и покрај шпекулациите кои ги поврзуваат со заминување од Германија.



Javi Martinez on his farewell 👋 pic.twitter.com/Fdm0P7k3Zn

— Utd Interest (@Utdlnterest) September 24, 2020

Фил Фоден очигледно ги надмина фрустрациите по исфрлањето од англиската репрезентација по „авантурата“ во Исланд, откако постигна еден гол и асистираше на уште еден за Манчестер сити со 2:1 го победат Бурнемаут во 1/16 финалето на Англискиот лига куп.

Шампионите од Премиер лигата, Ливерпул немаа ваков проблем и со 7:2 победија на гостувањето кај Линколн, во меч во кој голови постигнаа Кертис Џонс (2), Такуми Минамино (2), Џердан Шаќири, Дивок Ориги, како и Марко Грујиќ, првото засилување кое го донесе Јирген Клоп во својот тим, неверојатни 1.496 дена откако потпиша за „црвените“.

ЕФЛ КУП, 1/16 ФИНАЛЕ

Бристол сити – Астон вила 0:3

Линколн – Ливерпул 2:7

Манчестер сити – Бурнемаут 2:1

Милан успеа да влезе во баражот за влез во групната фаза на Лига Европа, откако на „Сан Сиро“ без Златан Ибрахимовиќ успеа да стигне до 3:2 победа над норвешкиот Бодо/Глимт и да обезбеди меч со португалскиот Рио Аве, кој претходно го исфрли Бешикташ.

Гостите први дојдоа во водство преку Јункер уште во 15-тата минута, но Милан одговори веднаш со израмнувањето преку Хакан Чалханоглу во 16-тата минута, пред Лоренцо Коломбо во 32. минута да ги донесе во водство. Чалханоглу повторно стрелаше во 50-тата минута, но норвешкиот тим успеа да ја заддржи неизвесноста откако пет минути подоцна намали на 3:2.

ЛИГА ЕВРОПА, 3.КВАЛИФИКАЦИСКО КОЛО

Волфсбург (Гер) – Десна (Укр) 2:0

Милан (Ита) – Бодо/Глимт (Нор) 3:2

Базел (Шва) – Анортозис (Кип) 3:2

ЛАСК (Авт) – Дунајска Стреда (Свк) 7:0

Легија Варшава (Пол) – Дрита (Кос) 2:0

Санкт Гален (Шва) – АЕК Атина (Грц) 0:1

АПОЕЛ (Кип) – Зрињски Мостар (БиХ) 2:2, 4:2 пенали

Шериф Тираспол (Мол) – Дандалк (Ирс) 1:1, 3:5 пенали

Стандард Лиеж (Бел) – Војводина (Срб) 1:1, 2:1 по продолженија

Ријека (Хрв) – Колос Коваливка (Укр) 0:0, 2:0 по продолженија

Спортинг Лисабон (Пор) – Абердин (Шко) 1:0

Вилем Втори (Хол) – Ренџерс (Шко) 0:4