Спорт
Грилиш е слободен за 35 милиони евра

Манчестер сити ја игра најслабата сезона откако Пеп Гвардиола ја презеде функцијата пред девет години. Моментално се петти тим во англискиот шампионат со два бода помалку од Нотингем Форест и дури 21 од лидерот Ливерпул. Во Лига купот испаднаа во четвртото коло, во Лигата на шампионите испаднаа во плејоф рундата, а единствена шанса за трофеј им е ФА Купот каде во полуфиналето ќе се соочат со Форест.
На клубот во пресрет на наредната сезона му е потребен ремонт. Некои британски медиуми шпекулираат со двоцифрена бројка на играчи кои би можеле да го напуштат Сити, а некои како Кевин де Брујне веќе најавија заминување. Меѓу оние кои заминуваат е и Џек Грилиш, најскапиот играч во историјата на клубот.
29-годишниот англиски офанзивен играч за врска пристигна во Сити летото 2021 година од Астон Вила за 118 милиони евра, што го прави убедливо најскапиот играч во историјата на клубот. Втор на таа листа е Јошко Гвардиол кој е платен 30 милиони евра помалку. Грилиш е и деветти најскап играч во историјата на фудбалот.
Според британските медиуми, три клуба се издвојуваат како најверојатна следна дестинација на Грилиш. Тоа се Тотенхем, Њукасл (кој стана најбогатиот клуб во светот откако Саудијци го презедеоа) и „неговата“ Астон Вила.
„Трансфермаркт“, моментално го проценува на 35 милиони евра, а околу таа сума се шпекулира во локалните медиуми. Тоа значи дека Сити ќе го продаде за три пати помалку од она за што го донесе.
Од доаѓањето во Манчестер Сити, Грилиш одигра вкупно 155 натпревари, постигнувајќи 17 голови и 23 асистенции во сите натпреварувања. Во сезоната 2024/2025, Грилиш настапи на 19 натпревари во Премиер лигата, со скромна статистика, гол и асистенција.
Тој го постигна својот единствен првенствен гол на 2 април 2025 година против Лестер Сити, негов прв гол во Премиер лигата по 16 месеци. Во другите натпреварувања додаде уште еден гол во ФА Купот и еден во Лигата на шампионите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Барселона не знае каде за две недели ќе ја пречека Валенсија

Барселона е во трка со времето за да го игра натпреварот против Валенсија во 4. коло од Ла Лига на реновираниот „Камп Ноу“. Натпреварот е закажан за 13 или 14 септември, но сè уште не е сигурно дали Каталонците дотогаш ќе ги добијат сите потребни дозволи.
Доколку враќањето на кулниотт стадион не е можно, „Монтиливи“, стадионот на Џирона, се разгледува како резервна опција, додека играњето на „Монжуик“, односно Олимпискиот стадион, е откажано бидејќи концертот на Пост Мелоун ќе се одржи таму на 12 септември, а стадионот нема да биде подготвен за фудбалски натпревар.
Ла Лига нема да дозволи промена на распоредот или промена на домаќинствата, па Барселона не може да игра натпревар на „Местаља“ во Валенсија.
Стадионот „Јохан Кројф“, исто така не е во игра бидејќи со своите 6.000 седишта не го исполнува минималниот капацитет од 8.000 седишта потребни за натпреварите од Примера.
Клубот јасно стави до знаење дека опцијата за играње без публика не доаѓа предвид. Одлучувачка ќе биде инспекцијата на Градскиот совет на Барселона, најавена за вторник.
Потоа ќе се одлучи дали „Камп Ноу“ може повторно да се отвори за навивачите.
Во понеделникот, градежниот инспекотрат, геодетите и компанијата „Лимак“ го потпишаа сертификатот за фаза 1А од работите, со кои стадионот е опремен за 27.000 гледачи.
Технички, ова остава можност дербито со Валенсија да се игра на „Камп Ноу“, но клубот сè уште чека конечни дозволи.
Фото/ Принтскрин
Спорт
Таткото на Белингем се карал со директорот на Борусија откако неговиот син бил заменет на полувремето

Борусија Дортмунд одлучи да ги заостри протоколите во соблекувалната и им забрани на сите членови на семејствата на фудбалерите влез во таа зона. Клубот се реши на ваков чекор, по инцидентот што го направија родителите на Џоб Белингам во саботата.
Дортмунд имаше предност во дуелот со Сент Паули од 3:1 во 85-та минута од натпреварот, но не успеа да победи. Дуелот заврши со резултат 3:3.
Тензијата по натпреварот, само ја зголемија родителите на Џобе Белингам, Марк и Дениз, кои биле незадоволни откако го видоа својот син како останува во соблекувалната на полувремето.
Тие го чекале во тунелот по завршувањето на натпреварот раководството на Дортмунд за да се соочат со нив. Според новинарите на „Скај Спортс Германија“, Марк Белингам прво имал емотивен разговор со спортскиот директор на Дортмунд, Себастијан Кел.
Тој ја изрази својата фрустрација од од одлуката на тренерот неговиот син да остане во сблекувалната по првите 45 минути. Но, според овој извор, си зел за право да ги критикува играчите на тимот за кој игра неговиот син.
„Билд“, објави дека Марк Белингам побарал итен состанок со тренерот Нико Ковач.
Џоб Белингам е помалдиот брат на играчот на Реал, Џуд. Тој пристигна во Дортмунд од Сандерленд ова лето за 32 милиони фунти.
Фото/ Принтскрин
Спорт
Тотенхем тргна по потписот на Инкапие, Арсенал би можел да му го украде
Арсенал е подготвен да му зададе уште еден тежок удар на Тотенхем. Во финишот на преодниот рок Арсенал се распрашува за Пјеро Инкапие. Еквадорецот кој може даигра како лев бек, но и како лев стопер е на радорот на Тотенхем.
Тотенхем се обидува да се засили во финишот на преодниот рок. Мета им е Инкапие, клубот е подготвен да ја активира откупната клаузула во неговиот договор од 60 милиони евра.
„Скај Спортс“, тврди дека за Еквадорецот постои интерес и кај Арсенал, бидејќи во клубот работата на трансферите на неколку играчи од одбраната (Зинченко, Виеира, Нелсон).
Минатата недела, Арсенал го „украде“ Ечебери Езе од Кристал Палас, со кого Тотенхем веќе имаше постигнато договор.
Инкапие има уште четири години од договорот со Баер, а германскиот клуб сака да го задржи. Но, „Скај Спорт Германија“ пишува дека 22-годишниот Еквадорец одлучил да го напушти Леверкузен.
Инкапие е уште еден играч од најславната генерација на клубот од Леверкузен кој ова лето сака да замине. Претходно Баер го напуштија голманот Храдецки, капитенот Тах, Вирц, Џака, Фримпонг, Адли.