Спорт
Грнчаров: Самсоненко е виновен за она што се случува во Вардар

Најторфејниот македонски фудбалски клуб Вардар се наоѓа во тешка ситуација откако Сергеј Самсоненко реши клубот да му го врати на град Скопје. Рускиот бизнисмен фудбалскиот клуб го презеде пред шест години.
На оваа тема, синоќа гостувајќи на телевизијата „ТВ 21“, говореше градоначалникот на Скопје, Петре Шилегов.
„Она што ние го знаеме е дека Вардар должи повеќе од два милиони евра. Познато е дека Вардар може да му биде вратен на град Скопје само со нула долгови. Сергеј Самсоненко без долгови го презеде клубот од градот пред шест години“, рекол меѓу другото Шилегов.
Коментар за актуелниот момент во Вардар има и поранешниот капитен Бобан Грнчаров, тој се огласи преку својот профил на „Фејсбук. Според него Сергеј Самсоненко е единствениот виновник за ситуацијата во која се наоѓа клубот.
„Многу ми е смешно кога гледам коментари Град Скопје да помогне на ФК Вардар. Као прво Вардар бара помош од Град Скопје затоа што должи над 2 милиони евра. Зошто кога земаа пари од Европа, повеќе од 5 милиони евра, не кажаа ај ќе ги поделиме со Град Скопје, за утре-задутре ако ни требаат да ни помогнат тие. Вардар е приватен клуб и кога зема пари и кога треба да се дадат пари. За ова што се случува единствено е виновен еден човек, и тој треба да го реши тоа сам (се надеваме дека денеска ќе го реши и Вардар ќе добие лиценца). А второ парите што ги земаа од Лига Европа се во РК Вардар, така да сега нека бараат помош од таму“, пишува на „Фејсбук“ Грнчаров.
Шилегов за ТВ 21: Самсоненко треба да го подмири долгот после може да го врати Вардар
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Гарначо сака да игра во Премиер лигата и во Лигата на шампионите

Алехандро Гарначо, по завршувањето на сезоната доби јасна порака да бара нов клуб. Младиот Аргентинец има план, сака да остане во Премиер лигата и да игра во Лигата на шампионите.:
Ова значи дека неговата желба е да ја продолжи кариерата во еден од петте првопласирани тимови минатата сезона: Ливерпул, Арсенал, Манчестер Сити, Челзи и Њукасл, плус Тотенхем, кој преку Лигата на Европа избори пласман во најелитното клупско натпреварување во Европа.
Сепак, „Црвените ѓаволи“ не сакаат да му ја исполнат желбата. Јасно е дека тие не сакаат да ги засилат своите ривали и затоа не се подготвени да го пуштат Гарначо во друг англиски клуб.
На „Олд Трафорд“ посакуваат клуб од Шпанија, Италија или Германија да покаже сериозен интерес за Аргентинецот, поради што наводно ги намалиле своите побарувања.
Сè уште има многу време до крајот на преодниот рок и ќе видиме како на крајот ќе се реши „случајот Гарначо“.
Талентираниот Аргентинец не беше задоволен од својот статус минатата сезона, исто како што Рубен Аморим не беше задоволен од неговите изданиеја на теренот, па по поразот во финалето на Лигата на Европа од Тотенхем, тие вербално се судрија.
Алехандро Гарначо е еден од петте непосакувани играчи на Јунајтед, на кои клубот не им дозволува да тренираат со остатокот од првиот тим. Покрај Гарначо тука се и Маркус Рашфорд, Џејдон Санчо, Ентони и Тирел Маласија.
Досега, само Маркус Рашфорд најде нов клуб, тој ќе ја помине следната сезона на позајмица во Барселона.
Фото/ Принтскрин
Спорт
Пакета ослободен од обвинувањара, Сити повторно ќе се обиде да го ангажира

Сите обвинувања против бразилскиот играч од средниот ред, Лукас Пакета, поради обложување конечно се отфрлени и тој може да продолжи нормално да игра фудбал.
Одлуката требаше да биде донесена во април, но беше одложена до летото. Сега конечно се е завршено, а за Пакета сè уште не е познато каде ќе игра од почетокот на следната сезона.
Токму поради скандалот со обложување, трансферот на Пакета во Манчестер Сити минатата сезона, вреден 80 милиони евра, пропадна.
Сепак, штом „Граѓаните“ ја дознаа одлуката на судот, повторно се активираа. Овој пат, Сити би можел да го добие играчот за двојно помала сума од претходното лето.
Имено, цената за Пакета е преполовена и сега е некаде околу 40 милиони евра. Сити започна кампања, а Вест Хем ќе се бори да го задржи, и покрај тоа што има договор до 2027 година.
Пакета одигра 36 натпревари минатата сезона и постигна пет гола.
Foto/ West Hаm „X“
Спорт
Холанѓанецот Ферстапен го надмудри Мекларен и ја оствари првата спринт победа

Возачот на Ред Бул, Макс Ферстапен, триумфираше на третата спринт трка во сезоната, која се одржа во рамките на Големата награда на Белгија, 13-то коло од овогодинешното првенство во Формула 1.
Холанѓанецот ја оствари својата прва спринт победа годинава со предност од седум и пол десетинки во однос на Оскар Пјастре од Мекларен. Третото место на подиумот го освои другиот возач на британскиот тим, Ландо Норис, кој беше нешто помалку од седум десетинки од секундата зад својот соиграч. Интересно е што спринт трката во Спа е прва во историјата откако Кристијан Хорнер повеќе не беше шеф на тимот во Ред Бул, па Верстапен му донесе триумф на тимот на дебито на Лоран Маки.
Фото: принтскрин