Спорт
Грците ќе ги ослободат уапсените навивачи на Динамо
Грчките власти одлучија да ослободат 20 навивачи на фудбалскиот клуб Динамо од Загреб со кауција, јавуваат хрватските медиуми. Тие се во затвор од август, поради нередите во Атина во кои беше убиен грчки навивач.
„Првите десет или 20 би можеле да бидат пуштени најрано во понеделник. За останатите се надеваме дека ќе биде потоа“, изјави за Јутарњи лист Атанос Кајменакис, адвокат на хрватските навивачи.
Тој прецизираше дека се следи процедурата за депонирање кауција. „Јутарњи лист“ наведува и дека на членовите на навивачката група „Бед Блу Бојс“ (БББ) им биле одобрени барањата за ослободување со кауција од 1.000 евра и забрана за влез во Грција за гледање спортски натпревари.
Вкупно 95 хрватски навивачи поднеле барања за ослободување од затвор, пишува загрепскиот весник на својата интернет страница. Се очекува грчкиот суд во текот на денот да одлучува и за другите барања по редослед на нивно поднесување.
Навивачот на фудбалскиот клуб АЕК, Михалис Кацурис, беше убиен на 7 август во нередите што се случија ден пред натпреварот од квалификациите за Лигата на шампионите, а 102 навивачи на Динамо Загреб беа уапсени во Грција и оттогаш се во затвори во Грција.
Тие се товарат за 11 кривични и прекршочни дела.
Најтешкото, убиството на навивач на АЕК пред мечот со Динамо, беше отфрлено бидејќи ДНК анализата покажа дека грчкиот навивач не бил убиен од ниту еден од приведените Бад Блу Бојс, објавија хрватските медиуми. Во последните денови сите осомничени хрватски државјани беа сослушани пред грчките судови и ја негираа вината.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Серлот во 90+7. минута ја сруши Севилја
Во еден од дерби натпреварите од 35. коло на Ла Лига, Виљареал ја совлада Севилја со 3:2.
Виљареал и Севилја се борат за место во Европа, а по триумфот на „Жолтата подморница“ има еден конкурент помалку за местото кое води во квалификациите за Конференциската лига.
Севилја пропушти голема прилика, два пати имаше водство на натпреварот. Првиот, кога во 26. минута Ел Несири беше прецизен од белата точка, неговиот гол беше поништен во 30. минута од Серлот.
Вториот пат Ел Несири погоди од поле во 44. минута, па на полувремето Севиља имаше гол вишок. И се спротивстави до крајот на мечот, се чинеше дека ќе ги добие сите три, а на крајот останаа без ниту еден бод.
Во 84. минута Москера му донесе израмнување на Виљареал, а кога голот на Тератс беше поништен поради офсајд во втората минута од судиското надополнување, се чинеше дека Севилја ќе остане непоразена. Тоа не се случи, Серлот, буквално со последниот шут на мечот во 97.минута им донесе голема радост на домашните.
Спорт
(Видео) Барнли испадна од Премиер лигата
Саботните попладневни натпревари во Премиер лигата ја разрешија дилемата кој се сели во Чемпионшип заедно со Шефилд Јунајтед. Барнли по само една сезона се враќа во Чемпионшип дивизијата.
Барнли беше поразен на гостувањето кај Тотенхем со 2:1 (1:1), додека на прагот на Чемпионшип е и Лутон, кој во Лондон беше поразен и од Вест Хем со 3:1 (0:1).
Ако Нотингем Форест освои барем бод во дуелот со Челзи, на коло пред крајот и Лутон ќе биде отпишан д Премиер лигата.
За Тотенхем мечот со Барнли беше важен и поради битката за петтата позиција која води во Лига Европа.
Тотенхем се изнамачи за да ги освои бодовите протв Барнли. Гостите водеа од 25.минута со голот на Јакоб Брун Ларсен.
Тотенхем изедначи во 32. минута преку Педро Поро, а победата им ја донесе Мики ван де Вен во 82. минута.
На стадионот на Вест Хем, Лутон имаше сè во свои раце по првите 45 минути. Од шестата минута имаше предност на Локонга.
Сепак, Вест Хем подоцна успеа да воспостваи контрола на теренот и да постигне три гола. Стрелци беа на Ворд-Проуз во 54. минута, Соучек во 66. минута и Ерти во 77. минута.
Кристал Палас како гостин славеше кај Вулвс со 3:1, додека дуелот меѓу Њукасл и Брајтон заврши без победник (1:1).
Сега е извесно дека „страчките“ ќе бидат на шестото место, што ги води во квалификациите за Конференциската лига.
Спорт
(Видео) Нестварен пресврт на Келн, живи надежта за опстанок во Бундес лигата
Фудбалерите на Келн со се вртија по неагтивата од два гола против Унион Берлин и во пресрет на последното коло во Бундес лигата ги задржаа шансите да останат во лигата.
Унион, кој сезонава одигра солидно во групната фаза од Лигата на шампионите, одлично го започна натпреварот во Келн. По 19.минути игра гостите од престолнината имаа водство 0:2. Стрелци Кнохе во 15. и Фоланд во 19.минута од пенал.
До крајот на првиот дел, Кнајц ја намали предноста на Унион.
И во моментите кога некои навивачи веќе почнаа да го напуштаат стадионот, се појави трошка надеж, во 89. минута Тигес со глава погоди за 2:2., а во третата минута од судиското надополнување ерупција од воодушевување предизвика голот на Даунс.
Келн со 27 поени остана на претпоследното место, Унион е прв над цртата со 30 бода.
Лајпциг дефинитивно е во Лигата на шампионите, но се уште е неизвесно дали ќе биде на четвртото место. Таа позиција можеа да ја потврдат и против Вердер, но освоија бод пред своите гледачи – 1:1. Македонскиот репрезентативец Елмас настапи од 64.минута кога влезе на местото на Баумгартнер.
Резултати:
Фрајбург-Ханденхајм 1:1
Борусија Менхенгладбах-Ајнтрахт 1.1
Лајпциг-Вердер 1.1
Келн-Унион Белрин 2:3.