Спорт
Грузија постигна „брз“ гол
Се чека расплетот во групата „Ф“ на Европското фудбалско првенство.
Со максимален учинок во групата, Португалија веќе обезбеди пласман во осминафиналето, а пласман во нокаут бараат Турција, Чешка и Грузија.
Најтешка задача е пред Грузија која на полувреме води со 1:0 против Португалија.
Турција, има најголеми шанси да се пласира во елиминациската рунда, но ќе мора да го оправда епитетот втор најдобар тим во групата против борбените Чеси, кои последните две ЕП ги завршија во нокаут фазата.
Португалија има шест бода и во случај да остане прва во групата, во осминафиналето ќе игра против третопласираната селекција од групата „А“ или „Ц“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(ВИДЕО) Покрај тренинзите, тенисерот најде време и за забава
![](https://makfax.com.mk/wp-content/uploads/2024/06/NOVAK-1.jpg)
Новак Ѓоковиќ на социјалните мрежи сподели видео за инсектот и полжавот кои го носат неговото име.
Вториот тенисер во светот заедно со видеото објави и т.н „емоции“ со бубачки, полжави, српско и црногорско знаме, како и споени раце во знак на благодарност.
Во 2022 година, српските научници открија редок вид на тврдокорен инсект, именуван по Ѓоковиќ поради неговата борбеност, упорност и способност да издржи сурови и често непријатни услови.
Во 2021 година, научниците пронајдоа редок и загрозен вид полжав во Црна Гора. Тие се надеваат дека името ќе помогне да се привлече вниманието за да се спаси видот од исчезнување.
Цврст, упорен и стабилен едноставно тоа е Новак Ѓоковиќ
Вимблдон започнува на 1 јули, Ѓоковиќ во првото коло ќе игра против Чехот Вито Коприва.
The unexpected legacy of Novak Djokovic 🪲#Wimbledon pic.twitter.com/qgqwC14Xzq
— Wimbledon (@Wimbledon) June 28, 2024
Спорт
Започнува нокаут фазата на Европското првенство
![](https://makfax.com.mk/wp-content/uploads/2024/06/ITALI-1.jpg)
Репрезентациите на Швајцарија и Италија го играат првиот дуел од осминафиналето на Европското првенство во Германија.
По три кола и вкупно 36 одиграни натпревари, следува нокаут фазата на Европското првенство. Носење или пакување куфери.
Осминафиналето го отвораат Италија и Швајцарија, селекции со богата традиција на меѓусебни дуели и чести средби во претходните години. Пребројувајќи ги пријателските и официјалните натпревари, Италија забележа 29 победи, наспроти девет од Швајцарците со дури 24 нерешени.
„Азурите“ секогаш во свој стил. Речиси неизвесен старт во групата Б со постигнување соодветни резултати во дуелите во кои се очекуваше. Со поголема или помала мака беше избегнато негативното изненадување.
Рекордниот гол на Недим Бајрами во 23. секунда навистина ја отвори мрежата на Донарума, но не го поколеба остатокот од тимот. Италијанците брзо возвратија со пресврт, го „заклучија“ дуелот и ги добија очекуваните три бода.
На тимот на Мурат Јакин, полн со искусни и добро координирани поединци од ерата на Владимир Петковиќ на клупата, не им е непознато да приредат сензација во осминафиналето на едно големо натпреварување.
На последното ЕП ги елиминираа тогашните светски шампиони Французите по изведување пенали, што беше првокласно изненадување. Имаат континуитет на пласман во нокаут фазата, со помалку или повеќе успех и знаат да играат вакви дуели.
Одлучно тргнаа во групата А, со победа од 3:1 над Унгарија, директен конкурент за втората позиција.
Се очекува дуел на две многу цврсти и дисциплинирани екипи.
Нема да биде чудно доколку видиме продолженија и пенали. Поедникот вкрстува со подобриот од дуелот Англија-Словачка.
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.