Ждрепката за дополнителните квалификации за Светското првенство во 2026 година, вчера се одржа во седиштето на ФИФА во Цирих.

Плејофот ќе се игра во март 2026 година, се игра по еден натпревар во полуфиналето и финалето, по што Европа ќе добие уште четири учесници на Светското првенство.

Македонија во полуфиналето ќе и гостува на Данска на 26 март. Доколку ја победи Данска, во финалето повторно ќе гостува, на 31 март во Чешка или Република Ирска.

Како што известува новинарот Гевин Куни, ФИФА потврди необична одлука: екипите елиминирани во полуфиналето ќе мора да играат меѓусебно на истиот ден кога ќе се играа фналето, иако натпреварот нема никакво значење.

Причината е чисто комерцијална: ФИФА мора да испорача одреден број натпревари според договорот за ТВ права, па затоа ќе добијат четири дополнителни натпревари.

На пример, доколку Македонија биде елиминирана од Данска, а Чешка од Република Ирска, натпреварот за пласман на Светското првенство Данска-Република Ирска би се играл на 31 март, додека Македонија и Чешка, во исто време би одиграле сосема неважна и „најбесмислена пријателска средба“ поради одлука со која повторно профитот е пред спортот.

Европски плејоф, полуфинале:

Патека А: 1. Италија-Северна Ирска , 2. Велс- Босна и Херцеговина
Патека Б: Украина-,Шведска Полска-Албанија
Патека Ц: Турција-Романија, 2. Словачка-Косово
Патека Д: Данска-Македонија, 2. Чешка-Република Ирска

Foto/ EPA

Фернандињо, бразилски играч од средниот ред и долгогодишен капитен на Манчестер Сити, одлучи да ја заврши својата фудбалска кариера на 40-годишна возраст.

Неговиот последен клуб беше бразилскиот Атлетико Параненсе, со кого ја заврши соработката на почетокот на годината. Бразилецот не најде нова работа, па затоа одлучи да ја заврши својата професионална кариера, која траеше повеќе од 20 години.

Тој започна во гореспоменатиот Атлетико, од каде што се пресели во украинскиот Шахтјор во 2005 година. Таму блесна и освои шест титули во лигата, а го освои и Купот на УЕФА. По осум години во Донецк, се пресели во Манчестер Сити за 40 милиони евра.

Фернандињо беше стандарден играч во тимот на Пеп Гвардиола и за девет години во Манчестер освои пет титули во англиското првенство и шест Лига купови. Тој одигра 383 натпревари за Манчестер Сити и 53 натпревари за Бразил. Фернандињо играше во добротворен натпревар оваа недела кога го официјализираше крајот на кариерата.

„Уморен сум, а не трчав ни 30 минути. Ништо во фудбалот повеќе не ме мотивира. Направив сè што можев. Сега е време да уживам со моето семејство“, рече Фернандињо.

Кон средината на октомври, креаторот на популарната серија „Peaky Blinders (Пики Блајндерс)“, Стивен Најс, објави дека е дел од тимот што го подготвува проектот за изградба на новиот стадион на Бирмингем Сити. Проектот е презентиран и изгледа навистина спектакуларно.

Не станува збор само за стадион, како што беше првично најавено. Проектот вреди 1,36 милијарди евра. Претседателот на клубот, Том Вагнер, е убеден дека стадионот, кој ќе има 62.000 седишта, ќе го подигне клубот на многу повисоко ниво, како што рече „до самиот врв на светскиот фудбал“.

Стадионот „Powerhouse (Пауерхаус)“, како што ќе се нарекува, треба да биде завршен и отворен во 2030 година, а во Бирмингем се надеваат и дека еден ден во клубот ќе се врати и Џуд Белингам.

The Birmingham City Powerhouse.

A stadium that draws upon the proud heritage of the West Midlands – a heritage of industry, ingenuity and growth. pic.twitter.com/P0cnmZ0TJM

— Birmingham City FC (@BCFC) November 20, 2025

Засега, Белингам се согласи да учествува во промотивни видеа за новиот стадион.

„Мислам дека Џуд е најголемиот играч на планетата денешнината, а сè уште не сме го виделе неговиот целосен потенцијал. Тој е одличен не само како играч, туку и поради она што го прави за заедницата, што може да го направи како лидер. Кога би можеле да му дадеме платформа да го достигне својот целосен потенцијал, тоа би била одлична приказна. Одлична приказна за Бирмингем, за Англија, одлична приказна за враќање дома“, рече Вагнер.

Амбициите на Бирмингем пораснаа откако клубот беше преземен од корпорацијата Кингтајд, со поддршка на легендарниот Том Брејди. Иако сега се на 11-то место на табелата во Чемпионшип, сите во клубот веруваат дека е само прашање кога клубот ќе се врати во Премиер лигата.

Вагнер, како и Стивен Најт, се надеваат дека изградбата на комплексот ќе го промени целиот град засекогаш.

Најавено е дека комплексот ќе биде во функција 365 дена во годината. Самиот стадион е дел од спортски комплекс кој ќе вреди помеѓу 2,8 и 3,4 милијарди евра. Комплексот ќе вклучува и станбени згради, продавници, канцелариски простор, хотели и објекти за забава.