Спорт
Гувернерот на Флорида подготвен со брод да го донесе Ѓоковиќ во Мајами

Рон Десантис, гуврнерот на Флорида, побара американскиот претседател Џо Бајден да му дозволи на Новак Ѓоковиќ да настапи на Мастерсот во Мајами од 19 март до 2 април, порачувајќи дека е подготвен да му организира „чартер лет или брод“ за тој да настапи на тенис турнир.
„Тој претставува нула ризик за сите во САД, нула ризик за Флорида и нула ризик за Мајами. Ќе земам брод да го донесам од Бахамите до Мајами“, изјави Десантис.
Тренерот на Ѓоковиќ, Горан Иванишевиќ потврди дека Србинот останува на планот да игра на Мастерсот во Мајами и покрај тоа што не доби дозвола да влезе во САД поради тоа што во земјата уште важат правилата за забрана за влез на тие кои не се вакцинирани против Ковид.
„Уште не сме се откажале. Тој го има тоа во умот, сака да игра. Би сакал да го пуштат, бидејќи тоа ќе биде добро за него и за турнирот, но нема да биде крај на светот ако не го пуштат. Но, би било добро да добиеме брз одговор за да направиме план“, изјави Иванишевиќ за „Спорт клуб“.
DeSantis is ready to charter a boat to get Djokovic into the US to play at the Miami Open:
"He poses zero risk to the United States, zero risk to the state of Florida, and zero risk to Miami. I would run a boat from the Bahamas here for him."pic.twitter.com/swgIvbsQPI
— Citizen Free Press (@CitizenFreePres) March 8, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Аморим: Нема да има распродажба во Манчестер јунајтед

Тренерот на Манчестер јунајтед, Рубен Аморим, изјави дека заинтересираните клубови нема да можат да добијат играчите, на кои клубот повеќе не смета, по „дисконтни“ цени објави денес Би-Би-Си.
Откако Маркус Рашфорд се пресели на позајмица во Барселона, Ентони, Џејдон Санчо, Алехандро Гарначо и Тирел Маласија беа изоставени од турнејата на Јунајтед во САД и се вратија на индивидуални тренинзи во тренинг центарот во Карингтон.
Бетис сака да го врати Ентони, каде што играше на позајмица минатата сезона, додека Јувентус е заинтересиран за Санчо, но тој прво мора да ослободи место во тимот. Гарначо се поврзува со неколку европски клубови.
Сепак, засега нема конкретни понуди, а се шпекулира дека клубовите ќе чекаат до последните денови од преодниот рок, надевајќи се дека Јунајтед ќе мора да ги намали цените.
„Техничкиот директор Џејсон Вилкокс, извршниот директор Омар Берада и целиот клуб јасно поставија цени за тие играчи. Доколку другите клубови не ги достигнат, тие остануваат играчи на Манчестер јунајтед, нема сомнение“, рече Аморим.
Аморим додаде дека некои играчи сакаат нов предизвик и дека клубот им дава време да размислат, но исто така рече дека потенцијалните купувачи не треба да се надеваат дека ќе може да ги добие овие играчи речиси за џабе.
Јунајтед веќе ги донесе новите засилувања Брајан Мбеумо, Матеуш Куња и Диего Леон ова лето, но сè уште бараат напаѓач и централен играч од средниот ред за да ги пополнат празнините во составот.
Аморим истакна дека е задоволен од сегашниот состав и дека е подготвен да ја започне сезоната со него. Манчестер јунајтед новата сезона ќе ја отвори со дербито против Арсенал.
Foto/ EPA
Спорт
(Видео) Шокираниот Медведев искрши сè по елиминацијата во Вашингтон

Дуелот помеѓу Данил Медведев и Корентан Муте ја донесе најлудата завршница и најлудиот поен на меч топка оваа сезона.
Муте, сензационално го победи Медведев во четвртфиналето на Вашингтон по пресврт и речиси два и пол часа борба со 1:6, 6:4, 6:4.
Апсолутно никој, а веројатно ни самиот Французин, не очекуваше таков исход, особено откако експресно го загуби првиот сет.
Погледнате како се одвиваше последниот поен на мечот.
😱 One of the most DRAMATIC match points you’ll see all year
🇫🇷 Moutet X Medvedev 🇷🇺 pic.twitter.com/FNnB4ACDmu
— Olly Tennis 🎾🇬🇧 (@Olly_Tennis_) July 25, 2025
Пред поздравот, Медведев лут го фрли рекетот на трибините, а што направи веднаш потоа… Па, погледнете го и тоа.
You can always recognize Russian psychopaths, even when they compete “without a flag.”
Given how fragile the Russian economy is, smashing rackets after humiliating losses has gotten too expensive. So Medvedev switched to bottles instead. pic.twitter.com/sHlx6M10tj
— Victoria (@victoriaslog) July 25, 2025
Спорт
Де Пол ја зголеми аргентинската колонија во Мајами

Родриго Де Пол кариерата ќе ја продолжи во Интер Мајами. Аргентинецот по четири сезони го напушти Атлетико Мадрид, чии дрес го носеше на 187 натпревари.
Де Пол, член на шампионскиот тим на Аргентина од Катар 2022 година, за сума од 15 милиони евра се пресели во Интер. Ја прифати понудата бидејќи соиграч ќе му биде Лионел Меси.
Во текот на кариерата играчот од редот за врска го доби прекарот „телохранителот на Меси“, бидејќи неретко влегува во конфликт со противничките фудбалери, кога неговиот капитен е жртва на брутални стартови.
Де Пол само ја зголеми аргентинската колонија. Покрај Меси дресот на Интер го носат голамнот Устарис, Аљенде, Редондо, а тренер е Хавиер Маскерано.
Фото/ Принскрин