Спорт
Гвардиола бара прошка од Стивен Џерард
Менаџерот на Манчестер сити, Пеп Гвардиола неодамна излезе со коментар за можното одземање на трофеите кои клубот од „Етихад“ ги освои во изминатите девет години. Премиер лигата го обвини Манчестер сити за 115 прекршувања на финансискиот фер-плеј.
„Тие моменти ни припаѓаат нам. Тие апсолутно ни припаѓаат нам, без разлика на казната, тие ни припаѓаат нам. Размислете што направивме, тоа никој не може да го одземе“, рече Гвардиола, осврнувајќи се на два иконски моменти во Премиер лигата – титулата која клубот ја освои со голот на Агуеро во 93. минута, во последното коло против КПР и несреќниот пад на Стивен Џерард против Челзи кога Сити го подигна трофејот пред Ливерпул.
„Има добри и лоши моменти кои ги живееме и секако дека не можат да се променат. Голот на Серхио Агуеро… Не знам дали е наша вина што се лизна Стивен Џерард. Дали тоа беше наша грешка? Го почитувам Џерард, но тоа моментот ни припаѓа нам“.
По тие изјави, Гвардиола се најде на удар на британската јавност, па сега реши да му се извини на Џерард.
„Му се извинувам на Стивен Џерард за моите непотребни и глупави коментари за него. Тој знае колку колку го почитувам и колку се восхитувам на неговата кариера и за се она што го направи за оваа земја. Се срамам од себе, тој не го заслужува тоа”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Чаби Алонсо не дозволува еуфорија: Уште две недели…
Со победата од 5:0 над Бохум, Баер Леверкузен стигна до неверојатната бројка од 50 натпревари без пораз во сите конкуренции.
Баер е шампион на Германија, но до крајот на сезоната го очекуваат две финалиња, во Лига Европа со Аталанта на 22 мај и Купот на Германија со Кајзерслаутерн три дена подоцна.
„Сеуште не размислуваме за тројната круна, фокусирани сме само на она што следува. Ни претстојат уште три големи предизвици, три големи цели. Ако ја завршиме Бундеслигата без пораз, тоа би било големо достигнување, бидејќи тоа досега не се случило“, вели Алонсо и додава:
„После тоа следуваат тие две големи финалиња. Засега сè оди навистина добро, но… Уште две недели“.
Баер ќе ја затвори Бундес лигата со мечот против Аугсбург во Леверкузен.
Спорт
Го пратил братот близнак во Динамо Букурешт да игра наместо него
На повидок е невиден скандал не само во романскиот туку и во светскиот фудбал. Луѓето во ФК Динамо од Букурешт се сонмеваат дека се измамени од фудбалерот Едгар Ије.
Едгар дојде во Динамо како слободен играч во средината на февруари откако ја прекина соработката со Истанбул Башакшехир.
За Динамо досега одигра пет натпревари, но во клубот започнале да се сомневаат дека натпреварите не ги играл Едгар, туку неговиот брат близнак, Еделино.
Се уште нема официјални потврди за ова, но управата на клубот е убедена дека Едгар зборува англиски, додека во моментов не можат на тој начин да комуницираат со фудбалерот. Фудбалерот кој го имаат во своите редови наводно не сака да им покаже ниту возачка дозвола, ниту каков било документ.
Во својата кариера, Едгар ги носеше дресовите на помладите категории на Спортинг Лисабон, Барселона, Виљареал. Играше за Лил, Нант, Трабзонспор…
Спорт
Кејлор Навас заминува од ПСЖ
Кејлор Навас (37) по пет сезнони реши да го напушти ПСЖ.
Трофејниот голман на Костарика забележа 113 настапи за тимот од Париз, но оваа сезона му беше резерва на Џиџи Днарума.
„Благодарен сум за сите овие години во клубот“, изјави Кејлор Навас и потврди дека си заминува од ПСЖ.
Тој е слободен да избере нов клуб, се уште нема официјални понуди, но наводно е многу блиску до италијанската Серија А, каде има конкретен интерес од неколку клубови.