Спорт
Гвардиола: Ливерпул има 1.000 бода повеќе од нас, ФА-купот нема да ни ја извади сезоната

Менаџерот на Манчестер ити, Пеп Гвардиола, му честиташе на Ливерпул за рекордната 20-та титула во англиската Премиер лига по убедливиот триумф над Тотенхем на „Енфилд“ во 34. коло.
„Апсолутно заслужено, без сомнение. Фантастичен тим. Во следната сезона, како што правевме ние во претходните четири години, тие ќе се обидат да ја одбранат титулата. Се надевам дека ќе бидеме подобри и ќе се натпреваруваме за титулата, а оваа сезона тоа беше невозможно“, се присети Гвардиола на периодот кога неговиот тим доминираше во англискиот фудбал.
Сити, минатогодишниот победник, е четврти со 61 бод, еден повеќе од Нотингем Форест, кој има одиграно натпревар помалку.
Првите пет екипи ќе се квалификуваат за Лигата на шампионите, но Шпанецот смета дека дури и освојувањето на ФА Купот нема да ја направи успешна оваа сезона.
„Оваа сезона не беше добра. Заостануваме 1.000 бодови (точно 21) зад Ливерпул и тоа не е добро. Погледнете ја Лигата на шампионите – победивме на еден или два натпревари? Не бевме добри. Клубот мора да ги донесе правилните одлуки ова лето за да биде подобра следната сезона“, ја најави Гвардиола реконструкцијата на тимот.
До крајот на сезоната во Премиер лигата остануваат уште четири кола, а „граѓаните“ ќе се борат и за трофејот во ФА купот против Кристал Палас на Вембли на 17 мај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Можат ли да се помират со поразот?

Фудбалерите на Олимпик Марсеј вербално се судрија во соблекувалната по вчерашниот пораз од Рен (1:0) во 1. коло од Лига 1. Ветувачко лето, доаѓање на нови засилувања кои се доста гласни и преоден рок кој е повеќе или помалку по вкус на Роберт де Зерби. А потоа, со уште еден играч повеќе, губење на судиското продолжение на „Роасон Парк“ против Рен во првиот натпревар од Лига 1.
Нешто што никогаш не го очекуваа во Марсеј. Тоа доведе до тепачка во соблекувалната. Жешки глави кои решија да кажат што имаат без филтрирање. Тоа беа Адриен Рабио и Џонатан Роу.
Де Зерби, кој ги критикуваше играчите, исто така не седеше со скрстени раце, туку ги остави да се расправаат, вели „RMC“. Наводно, сакал да ги разјасни работите, да каже кој што мисли и да дојде до вистината. Роу беше критикуван дека не се трудел доволно, што не го мислел иако презел дел од вината.
Спорт
Езе преферира трансфер во Тотенхем

Еберечи Езе, најдобриот играч на Кристал Палас, до крајот на преодниот рок ќе го напушти клубот.
Офанзивниот фудбалер од редот за врска, според англиските медиуми, веќе се договорил со Тотенхем.
Езе изразил желба да го напушти клубот и не се очекува да биде во составот за натпреварот против Челзи во недела. Палас е свесен за ситуацијата и веќе на пазарот бара замена за Езе.
Англичаните пишуваат дека во наредните денови може да има сериозен конфликт помеѓу играчот и клубот доколку Палас не го договори трансферот.
Фото/ Принтскрин
Спорт
Алкарас го престигна Федерер, следна мета му е Ѓоковиќ

Шпанскиот тенисер Карлос Алкараз го престигна Роџер Федерер по процент на победи на Мастерс турнирите.
Алкараз го победи Рубљов во четвртфиналето во петокот и се пласираше во ново полуфинале на турнирите од Мастерс серијата.
Ова беше неговата 82-ра победа во кариерата на Мастерс турнирите, има скор од 82-23, односно победил на 78,1% од мечевите.
Тој го престигна Федерер, кој моментално беше трет на листата на сите времиња (од 1990 година, минимум 10 одиграни натпревари). Швајцарецот ја заврши кариерата со 77,9 проценти.
Пред Алакрас се уште рекордерот Рафаел Надал, кој има 82%, и Новак Ѓоковиќ, кој е веднаш зад него со 81,5%.
Алкараз во ноќта помеѓу сабота и недела, кога ќе игра против Саша Зверев во полуфиналето на Мастерсот во Синсинати.
Фото/ Принтскрин