Спорт
Гвардиола му се „закани“ на Реал: Сега нѐ делат само 13 трофеи во ЛШ, ќе ги стигнеме
Манчестер Сити освои тројна круна оваа сезона, бидејќи ја одбрани титулата во Премиерлигата и го освои ФА Купот, а синоќа во Истанбул го крена и пехарот во Лигата на шампионите. Така стана вториот англиски клуб што го сторил тоа, по Манчестер Јунајтед во 1999 година.
Менаџерот на Сити, Пеп Гвардиола, на прес-конференцијата по натпреварот одговараше на прашања на новинарите и истакна дека овој успех не значи дека клубот ќе запре.
„Дали тоа менува нешто? Дали сум попаметен? Дали сум подобар тренер? Што ако Едерсон не го одбранеше тој удар? Можете да кажете што сакате, но најважно е што ние сме тука. Не сакаме да ја освоиме Лигата на шампионите, а потоа да исчезнеме засекогаш. Мора да бидете постојано тука, седум или осум години. Сега е наш ред, исто како што можеше да ни дојде редот и пред две години. Ако претходно не сме ја освоиле Лигата на шампионите, значи дека противниците беа многу силни“, истакна Гвардиола.
Тој на шега го „предупреди“ Реал Мадрид кој има рекордни 14 титули европски трофеи.
„Сега ни делат само 13 трофеи во Лигата на шампионите од Реал. Само 13. Реал нека биде на готовс затоа што доаѓаме по нив! Ако спијат, ќе ги стигнеме. Шегата на страна, не можеме да се споредуваме со нив. Само што го освоивме првиот трофеј, но не сакам да исчезнеме по првиот. Мора да работиме напорно и да бидеме повторно тука следната сезона. Има тимови кои ја освојуваат Лигата на шампионите, а потоа исчезнуваат по една или две сезони. Тоа мора да го избегнеме. Знаејќи се себеси, тоа нема да ни се случи, но за клубот е големо олеснување што го освои овој трофеј, бидејќи сега нема да ме прашуваат дали ќе ја освоиме Лигата на шампионите. Сега ќе треба да најдат друго прашање“, изјави менаџерот на Манчестер Сити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино си заминува од Челзи
Од Англија пристигнуваат вести дека аргентинскиот тренер Маурисио Покетино ќе го напушти Челзи.
„Сините“ сезоната во Премиер лигата ја завршија на шестото место со 63 бодови.
Со ова изборија пласман во Конференциската лига, што секако не соодветствува со амбициите на клубот.
BREAKING: Mauricio Pochettino is leaving Chelsea as head coach after one season in charge 🚨🔵 pic.twitter.com/8Forlxrsdj
— Sky Sports Premier League (@SkySportsPL) May 21, 2024
Особено по огромните инвестиции кои ги имаше Челзи, а Покетино мораше да го плати цехот.
По завршувањето на сезоната, Аргентинецот имаше средба со челниците на клубот и со заедничка одлука беше решено двете страни да се разделат.
Се уште не е познато кој е во плановите на раководството на Челзи за негов наследник.
Спорт
Хезоња за својата иднина: „Немам идеја“
Кошаркарот на Реал Мадрид, Марио Хезоња изјави дека се уште нема поим што ќе се случува со неговата кариера во иднина.
Договорот на хрватскиот кошаркар со „кралскиот клуб“ истекува на крајот од сезоната, па прашање на сите прашања е дали тој ќе остане во Мадрид.
„Немам идеја. Флорентино Перез ми се заканува секој пат кога ќе ме види во трпезаријата дека морам да останам овде. Се надевам дека е така. Сите работиме да биде така“, изјави Хезоња за Ел Мундо.
Грчките медиуми го поврзаа со Панатинаикос, а има навестувања и за други потенцијални дестинации за најдобриот стрелец на Реал.
Хезоња сезонава имаше просек од 13,7 поени и 4,4 скока на 36 натпревари во Евролигата.
Хезоња и Реал во петок се соочуваат со фајналфорот во Евролигата, а во полуфиналето во Берлин ќе играат против Олимпијакос, што ќе биде реприза на ланското финале во кое подобри беа избраниците на Чус Матео.
Спорт
Англија со најголемите ѕвезди ќе настапи на ЕУРО 2024
Селекторот на Англија, герет Саутгејт го објави спискот на фудбалери за ЕУРО 2024. На спискот има 33. фудбалери, што значи дека до почетокот на првенството ќе седуммина од кои еден сигурно ќе биде голман.
На ЕП нема да патува долгогодишниот член на националниот тим, Џордан Хендерсон.
Списокот на Саутгејт:
Голмани: Дин Хендерсон, Џордан Пикфорд, Арон Рамсдејл, Џејмс Трафорд
Одбрана: Џеред Брантвајт, Луис Данк, Џо Гомез, Марк Гуеи, Езри Конса, Хари Мегваер, Лук Шо, Џон Стоунс, Киеран Трипиер, Кајл Вокер.
Среден ред: Трент Александар-Арнолд, Конор Галагер, Кертис Џонс, Коби Мајно, Деклан Рајс, Адам Вартон, Џерод Боувен
Напад: Џуд Белингем, Џерод Бовен, Еберечи Езе, Фил Фоден, Џек Гралиш, Ентони Гордон, Хари Кејн, Џејмс Медисон, Кол Палмер, Букајо Сака, Ајван Тони, Оли Воткинс.
Англија на ЕП е во Ц групата заедно со Данска, Словенија и Србија.