Спорт
Гвардиола на засилувања потрошил 2,5 милијарди, во топ-5 се Мурињо, Анчелоти, Симеоне, Алекгри

Специјализираниот портал „Tрансфермаркт“, објави листа на тренери кои потрошиле најмногу пари за нови играчи во текот на нивните кариери. Листата ја предводи Пеп Гвардиола, како тренер на Барселона, Баерн и Манчестер сити.
Пеп Гвардиола е убедливо прв, му треба многу малку за да ја достигне бројката од околу две и пол милијарди евра. Засега, од 2008 година до денес, тренирајќи ги Барселона, Баерн и Манчестер сити, овој 54-годишен Шпанец потрошил точно 2 милијарди и 480 милиони евра според „Tрансфермаркт“.
На листата на Топ 30 тренери, објавена од „Трансфермаркт“, ниту еден друг тренер во светот не ја пробил границата од две милијарди евра за засилувања, но еден е многу блиску.
На второ место е Жозе Мурињо. Познатиот 62-годишен Португалец потрошил 1,96 милијарди евра за нови играчи.
Мурињо почнал да работи седум години пред Гвардиола и тренирал многу повеќе клубови, но јасно е дека почнал да ја „пумпа“ оваа бројка од 2004 година кога го презеде Челзи. А потоа како тренер на Интер, Реал Мадрид, Манчестер Јунајтед, Тотенхем, Рома и сега Фенербахче.
Третото место на оваа листа му припаѓа на 66-годишниот Карло Анчелоти. Познатиот Италијанец, актуелен селектор на Бразил, потрошил 1,83 милијарди евра за засилувања. Неговото тренерско патување започнало кон крајот на минатиот век, во 1995 година, а до денес ги тренирал некои од најголемите клубови на планетата: Јувентус, Милан, Челзи, Пари Сен Жермен, Реал Мадрид, Баерн, Наполи, Евертон…
Во првите пет се „вечниот“ тренер на Атлетик Мадрид, Аргентинецот Диего Симеоне со потрошени 1,52 милијарди евра и уште еден Италијанец и повратник на клупата на Милан, Масимилијано Алегри со 1,48.
На шестото место е исто така Италијанец, поранешен тренер на Јувентус, Интер, Челзи, Тотенхем… сега на Наполи, Антонио Конте со 1,36 милијарди евра. Следен е уште еден Јужноамериканец во првите десет, Чилеанецот Мануел Пелегрини, поранешен тренер на Манчестер сити и Реал Мадрид, сега Бетис. Тој потрошил 1,29 милијарди евра.
Осми на листата е уште еден Шпанец и сегашен менаџер на Астон Вила, Унаи Емери со 1,28 милијарди. Тој поминал време и во Валенсија, ПСЖ, Арсенал…
Последните две места во првите десет им припаѓаат на Германците, актуелниот селектор на Англија, Томас Тухел, со 1,22 и до минатата година менаџерот на Ливерпул, Јирген Клоп, со 1,15 милијарди евра.
Pep Guardiola's career transfer spending is close to reaching €2.5 billion 🤯🤑 pic.twitter.com/B9mDZGWQBS
— Transfermarkt.co.uk (@TMuk_news) July 30, 2025
Покрај потрошените милијарди, „Трансфермаркт“, објави и информации за тоа колку трофеи освоил секој тренер. Според тој критериум, Пеп Гвардиола ги оправда големите инвестиции бидејќи е прв меѓу споменатите тренери со 39 титули и купови, пред Карло Анчелоти со 31 и Жозе Мурињо со 27 трофеи.
Најлош учинок во Топ 10 има Антонио Конте, Италијанецот освоил само девет трофеи.
Foto/ sportklub.n1info.rs
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) ФИБА ги казни тепачите од Аргентина и Доминиканска република

Светската кошаркарска федерација (ФИБА) изрече суспензии и казни по натпреварот помеѓу Аргентина и Доминиканската Република на Купот на Америка.
Сликата на Гонзало Бресан како го напушта теренот облеан во крв по тепачката помеѓу играчите на двете репрезентации го засени натпреварот.
Тензиите што се создаваа за време на натпреварот избувнаа по последниот звук на сирената.
Инцидентот кулминираше мешу Дејвис-Џонс и Бресан, по што се вмешаа и останатите од двата тима.
ФИБА ги суспендираше двајцата на по два натпревари. Аргентинците Франциско Кафаро и Хуанпи Волет беа суспендирани на по еден натпревар, а тренерот Пабло Приџони беше казнет со 2.000 швајцарски франци. Аргентинската федерација ќе мора да плати 20.000 франци.
Во Доминиканската Република, Хуан Гереро и Хуан Суеро беа суспендирани на по еден натпревар, додека Анхел Делгадо е условно суспендиран на еден натпревар.
Tremenda trifulca luego del fin del partido donde República Dominicana venció a Argentina en tiempo extra. pic.twitter.com/PW9MHqbI8L
— 8DeportivoTN8 (@8DeportivoTN8) August 24, 2025
Pablo Prigioni's Argentina fights rival Dominican Republic after FIBA loss
2 years ago the DR kept Argentina out of the World Cup
Prigioni in 🇦🇷 huddle calls St John's 🇩🇴 Joel Soriano "the fat guy who can't move"🤣
Spurs David Jones-Garcia (#8🇩🇴blue) is provoked, throws down🥊 pic.twitter.com/d8BqnJmoGS
— New York Basketball (@NBA_NewYork) August 25, 2025
Спорт
(Видео) Каират го елиминира Селтик, ќе игра во Лигата на шампионите

Фудбалерите на Каират направија големо изненадување, први што се квалификуваа за Лигата на шампионите од клубовите кои се бореа за место во елитното европско натпреварување преку квалификациите.
Во плејофот, шампионот на Казахстан беше подобар од шампионот на Шкотска, тимот на Селтик. Откако првиот натпревар во Глазгов заврши нерешено 0:0, во реваншот во далечниот Алмати (6.000 км воздушно растојание помеѓу Глазгов и Алмати) резултатот по регуларните 90 плус дополнителни 30 минути гласеше идентично 0:0, а по изведувањето на пенали, фудбалерите на Каират славеа со 3:2.
Херој беше 21-годишниот голман Темирлан Анарбеков, тој им одбрани три пенали на играчите на Селтик и му го трасираше патото на својот тим во главната фаза од Лигата на шампионите.
Каират стана вториот тим од Казахстан кој стигна до главната фаза од Лигата на шампионите. Претходно тоа и успеа на Астана во сезоната 2015/16.
Фото/ Принтскрин
Спорт
Најскапото засилување во историјата на Аталанта се пресели во Бешикташ

Напаѓачот од Мали, Ел Билал Туре (23) ја напушти Аталанта и ќе го помине остатокот од сезоната на позајмица во редовите на Бешикташ. Турскиот клуб ќе може да го откупи неговиот догоговор по завршувањето на сезоната.
Пред две години, Туре стана најскапото засилување во историјата на Аталанта кога дојде од Алмеира за нешто повеќе од 30 милиони евра.
Сепак, тој не се снајде во Бергамо. Речиси веднаш по пристигнувањето во Италија, тој заработи сериозна повреда на тетивата, што го спречи да игра до февруари.
Минатата сезона ја помина на позајмица во Штутгарт, а сега се сели во Бешикташ.
Претходниот тренер на Аталанта, Џан Пјеро Гасперини, не беше задоволен од неговата форма, а новиот тренер на „Ла Деа“, Иван Јуриќ, очигледно не смета ниту на него.
Тој одигра вкупно 17 натпревари за Аталанта, постигнува три гола, додека минатата сезона одигра и 17 натпревари за Штутгарт, постигнува три гола.
Туре е роден во Брегот на Слоновата Коска, но игра за репрезентацијата на Мали, вза која одигра 25 натпревари и постигна девет гола.