Спорт
Гвардиола не може да сфати само една работа, како Џулија Робертс оди на „Олд Трафорд“
Менаџерот на Манчестер Сити, Пеп Гвардиола, беше феноменално расположен по убедливиот триумф од 7:0 над Лајпциг и пласманот во четврт-финалето на Лигата на шампионите. Даде објаснување зошто го повлече Халанд од игра, за да не му стане здодевен фудбалот зошто би ги урнал многу рано во кариерата сите можни рекорди, а потоа се осврна на една друга тема.
За него е многу ‘болно’ што Џулија Робертс го посетува „Олд Трафорд“, наместо да ги следи натпреварите на Манчестер Сити.
„Имам три идоли, Џордан, Тајгер Вудс и Џулија Робертс. Таа доаѓаше во Манчестер и одеше да го гледа Јунајтед, наместо Сити. За мене тоа е најголемиот пораз бидејќи ова не се деведесетите кога Сер Алекс освојуваше трофеј по трофеј. Сега сме подобри од нив во последниве години, а таа сепак оди на Олд Трафорд“, изјави Гвардиола и ги насмеа новинарите.
Инаку славната актерка беше со сопругот и синовите на „Олд Трафорд“ пред пет години кога Јунајтед ремизираше со Вест Хем, тоа попладне беше исклучен Жозе Мурињо, Ибрахимовиќ даде гол, а Џулија Робертс воопшто и не ја интересира фудбалот. Таа беше со своето семејство бидејќи сопругот Даниел Модер и трите сина се навивачи на Манчестер Јунајтед.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Затворена врата“ за Арсенал, нема понуда одличниот напаѓач што сакаат да го придобијат
Арсенал навистина сака на лето да доведе квалитетен напаѓач, а еден од играчите кои се на мета во преодниот рок е Александер Исак.
Овој фудбалер е член на Њукасл и според сите проценки така ќе остане и следната сезона.
Вредноста на Исак е огромна, според податоците на сајтот „Трансфермаркт“ неговата вредност е 70 милиони евра, а има договор до 2028 година и јасно е дека ќе биде исклучително тешко некој да го одземе од Њукасл.
Во просек постигнува гол на секои 114 минути во сите натпреварувања.
„Нема да ги продаваме нашите најдобри играчи. За нас е многу важно тоа, ако ги продадеме, тогаш одиме наназад. Тогаш мора да почнеме од почеток”, изјави Еди Хау, тренерот на Њукасл.
И се чини дека е во право…
Спорт
(Видео) Болоња на чекор до пласман во ЛШ
Фудбалерите на Болоња забележаа многу важна победа на стадионот „Диего Армандо Марадона“ во Неапол.
Болоња го победи Наполи со 2:0.
Избраниците на Тиаго Мота, победникот го решија во раната фаза од натпреварот. Најпрво Ендој погоди во деветтата минута, а три минути подцна предноста ја зголеми Пош.
Наполи можеше да ја намали предноста на гостите во 21. минута, но Матео Политано промаши пенал.
Болоња со 18. победа во сезоната дојде на чекор до пласман во Лигата на шампионите, прв во клупската историја.
Во следното коло Болоња ќе го пречека Јувентус.
Спорт
Буденхолцер e новиот тренер на Феникс Санс
Американскиот кошаркарски стручњак Мајк Буденхолцер е новиот тренер на Феникс Санс, објави НБА.
Тој го замени Френк Вогел на клупата на Феникс, кој во четвртокот доби отказ по една сезона во клубот.
Од Феникс не ги соопштија деталите од договорот, а американските медиуми објавија дека договорот е на пет години и е вреден околу 50 милиони долари.
Во 2021 година, Буденхолцер ја освои титулата со Милвоки. Тогаш Буденхолцер со Милвоки го победи токму Феникс.
Феникс никогаш не ја освоил титулата, а во својата 56-годишна историја три пати играл во големото финале.
По пет години во Милвоки, двократниот добитник на наградата за најдобар тренер на НБА, Буденхолцер доби отказ во 2023 година, по што замина на едногодишен одмор.