Спорт
Гвардиола: Не сум доволно добар, морам, а не успевам да најдам решение

Менаџерот на Манчестер сити Пеп Гвардиола имаше кратко обраќање по неверојатниот пораз на неговиот тим во дербито на Манчестер. Сити до 87.минута имаше предност, на крајотГвардиола и неговите фудбалери доживеаја пораз 1:2.
Сити се во голема криза и Гвардиола не успева да најде начин како да излезе од неа. На последните 11 натпревари „граѓаните“ само еднаш победија, забележаа осум порази, пет од нив во Премиер лигата.
„Немам многу да кажам. Беа неверојатно упорни. Не загубивме осум натпревари во последните две сезони. Не можеме да се одбраниме. Им ги подаривме головите, дојдоа по нашите грешки. Резултатите не се добри, играта не е добра. Не сум доволно добар. Јас сум шефот. Морам да најдам решение и досега не успеав да го направам тоа. Тоа е реалноста. Мораме да играме подобро, да создаваме шанси. Но, тоа не е можно во овој момент“, рече Гвардиола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Нема да има дуел меѓу Црвена звезда и Динамо во главата фаза во Лига Европа

Регионалните великани, Црвенз звезда и Динамо Загреб се избегнаа во главната фаза во Лига Европа. Ждрепката за Лига Европа се одржа попладнево.
Црвенз звезда и Динамо добија четири исти противници, ќе играат против Лил, Малме, Селта и ФЦСБ.
Противници на Црвена звезда: Лил. Порто, Селтик, Брага, Штурм, ФЦСБ, Штурм, Малме
Противници на Динамо Загреб: Бетис, Лил, Фенербахче, Макаби Тел Авив, ФЦСБ, Митјиланд, Целта, Малме.
Првите натпревари од Лигат Европа ќе се играат на 24 и 25 септември, а последното коло од групната фаза е на 29 јануари следната година. Финалето е закажано за 20 мај 2026 година во Истанбул.
Фото/ Принтскрин
Спорт
Вест Хем го потпишаа Матеус Фернандес

Вест Хем официјално го потврди можеби најскапото засилување во историјата на клубот.
Бразилскиот играч од средниот ред Матеус Фернандес пристигна од Саутемптон за фиксна сума од 44.000.000 евра. Но, со бонуси, трансферот би можел да порасне на 51.000.000 евра, што би бил нов клупски рекорд.
Најскапиот трансфер на Вест Хем досега беше Себастијан Але од Ајнтрахт за 50.000.000 евра.
Тој одигра 46 натпревари, постигна четири гола и забележа седум асистенции за Саутемптон во последните две сезони.
Foto/ West Ham
Спорт
Фенербахче му врачи отказ на Жозе Мурињо

Жозе Мурињо повеќе не е тренер на Фенербахче, потврди клубот. Одлуката е донесена откако турскиот гигант не успеа да се пробие во Лигата на шампионите, по што соработката беше прекината. Фенер се збогува со португалскиот стручњак на социјалните мрежи и му се заблагодари за соработката.
Мурињо пристигна во Фенербахче во јули минатата година и го водеше клубот во вкупно 62 натпревари со сооднос од 37 победи, 14 нерешени и 11 порази. Тој не успеа да освои трофеј со Фенер, заврши на второто место во турското првенство, а беше елиминиран во четвртфиналето на домашниот Куп. Минатата сезона стигна до осминафиналето во Лигата на Европа, каде во два драматични натпревари по изведувањето пенали доживеа елиминација од Глазгов Ренџерс.
Бидејќи доби отказ, значи не е постигнат споодбен раскин на договорот, Фенербахче на Мурињо ќе мора да му исплати оштета од 15 милиони евра.
Мурињо се споменува во англиските медиуми како иден тренер на Нотингем Форест. Португалскиот стручњак освои три титули во англиското првенство во два мандата на клупата на Челзи. Тој ги освои Лига купот и Лигата на Европа со Манчестер Јунајтед, а потоа помина низ тежок период во Тотенхем.
Заминувањето на тренерот Нун Еспирито Санто (51) од Форест се споменува сè повеќе откако тој призна дека има нарушен однос со сопственикот Евангелос Маринакис.
Foto/ EPA/RODRIGO ANTUNES