Спорт
Гвардиола откри за кој играч жали: Не сакаше да му се приклучи на Сити за целото злато на светот
Англиската Премиер лига викендов се врти околу големото дерби помеѓу Манчестер Сити и Арсенал, кое може многу да влијае на исходот на првенството.
Арсенал моментално е лидер со 64 бода, исто колку и Ливерпул.
Манчестер Сити е трет со бод помалку.
Во пресрет на натпреварот, менаџерот на Сити, Пеп Гвардиола, зборуваше за играчот од средниот ред на Арсенал, Деклан Рајс како негова најголема неостварена желба.
„Има многу играчи кои не одбија. Рајс не е првиот кој го сакавме и не сакаше да ни се придружи. Има долга листа. Всушност, Рајс не сакаше да дојде за целото злато во светот, па тоа не се случи. Донесен ја донесе својата одлука и му посакуваме многу среќа“, рече Гвардиола, а потоа додаде:
„Секој тим би потпишал со Рајс. Тој е капитен на националниот тим и млад играч кој игра многу натпревари редовно. Затоа Арсенал направи голем притисок да го ангажира“.
Рајс пристигна во Арсенал за 116.000.000 евра и одигра 39 натпревари оваа сезона.
Постигна шест гола и имаше седум асистенции, а ќе биде еден од главните столбови против Гвардиола и Сити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Вирц откри зошто го избрал Ливерпул пред Баерн

Флоријан Вирц го оствари рекордниот трансфер ова лето. Така и ќе остане доколку Њукасл не се согласи да му го продаде на ливерпул, Александер Исак. Ливерпул со трансферот на Вирц го урна англискиот рекорд, на Баер Леверкузен му плати 125 милиони евра.
За многумина вистински шок предизвика одлуката на Вирц да се пресели на „Енфилд“. Најмногу шокирани беа челниците на Баерн Минхен. Долго време се шпекулираше дека тлентираниот играч од редот за врска кариерата ќе ја продолжи во најтрофејниот германски клуб.
„Исто како пред пет години, кога го напуштив Келн на 16 години и отидов во Леверкузен, барав место каде што најдобро ќе можам да ги развијам моите фудбалски вештини и каде што ќе можам да станам најуспешен играч“, рече Флоријан Вирц и додаде:
„Затоа го избрав Ливерпул. Сè уште не сум се покајал. Интензивно ги истражував двата клуба, не беше лесно да донесам одлука. Но, ја донесов со 100 проценти убедување и сум среќен поради тоа.“
Тој сакаше да ја промени земјата, бидејќи верува дека тоа е поголем предизвик, дека на тој начин ќе напредува побрзо и повеќе. И како играч и како личност.
„Голем чекор е да се оди во друга земја и да се соочиш со сите промени. Исто така, да се прифати нова улога во тим со различен стил. Дефинитивно би рекол дека е поголем предизвик, свесно го избрав за да станам подобар играч.“
Foto/ EPA/ADAM VAUGHAN
Спорт
Милан се откажа од Бонифејс, тргна по наследникот на Ѓекереш

Фудбалскиот клуб Милан се откажа од трансферот на Виктор Бонифејс поради проблемите со повредата на Нигериецот. Бонифејс беше во Милано, се појави на медицинските прегледи, по што клубот реши да се откаже од напаѓачот. Откако им пропада обидот да го донесат Бонифејс, челниците на милан го катиираа „планот Б“, а тој се вика Конрад Хардер.
Хардер е 20-годишниот напаѓач на Спортинг Лисабон. Талентираниот Данец пристигна во главниот град на Португалија од Нордсјеланд пред помалку од една година, во трансфер вреден 19.000.000 евра.
Оттогаш, тој одигра 51 натпревар за португалскиот шампион, забележа 12 гола и седум асистенции. Физички и во однос на стилот на игра, тој наликува на Виктор Ѓекереш. Хардер беше проектиран за наследник на швеѓанецот кој се пресели во Арсенал.
Милан за трансферот на младиот Данец ќе треба да издвои 27.000.000 евра.
Спорт
(Видео) Општа тепачка на Американскиот куп, не се знае кој кого удира

„Третото полувреме“ од натпреварот помеѓу Аргентина и Доминиканската Република беше скандалозно.
Играчите започнаа физичка пресметка, на центарот од теренот и за момент не беше јасно кој кого удира.
Речиси половина минута траеше сериозниот инцидент во салата во Никарагва, каде што се одржува Американското првенство.
Доминикана славеше по драмата и продолжението (84:83), во второто коло од Групата Ц.
Се очекува реакција од Светската кошаркарска федерација (ФИБА), како и можни санкции.
I campionati americani sono iniziati all'insegna della sportività. Questi sono i dominicani e gli argentini che si salutano dopo il match vinto dai primi. È commovente vedere tutti questi baci e abbracci tra giocatori.
(via @Eurohoopsnet)pic.twitter.com/7RAG22GEyH
— La Giornata Tipo (@parallelecinico) August 25, 2025