Спорт
Хајнер: Среќни сме што Румениге се враќа во Баерн Минхен
Две години по заминувањето од Баерн Минхен, легендата Карл-Хајнц Румениге се врати во баварскиот клуб. 67-годишниот поранешен напаѓач е избран да се приклучи на надзорниот одбор на клубот и ќе му помага на главниот тренер Томас Тухел во планирањето на изборот за следната сезона.
„Сакам да ви се заблагодарам за довербата и среќен сум што можам да бидам дел од Баерн Минхен во иднина. Имав голема среќа и чест да прославувам многу успеси со овој клуб, па затоа сум среќен со актуелното барање на бордот на директори“, изјави Румениге по враќањето.
Румениге беше шеф на Баварците од 2002 до 2021 година. На местото на легендата на германскиот фудбал дојде Оливер Кан, кој минатата недела доби отказ уште пред последното коло во Бундеслигата. Од гигантот од Минхен заминува и актуелниот спортски директор Хасан Салихамиџиќ.
Својата радост ја изразија и клубот. Претседателот Херберт Хајнер посебно го поздрави враќањето на легендата назад во Минхен, нагласувајќи ја надежта дека искуството и авторитетот на Румениге ќе им помогнат на Баварците.
„Среќни сме што го имаме Карл-Хајнц Румениге како член на нашиот надзорен одбор. Тој е една од најголемите личности во историјата на нашиот клуб, сите ги знаат неговите заслуги. Неговото искуство, стручност и меѓународна мрежа на контакти ќе ни помогнат енормно со цел Баерн да продолжи да биде успешен во иднина“, изјави Хајнер.
Во меѓувреме, Баерн Минхен го најави Јан-Кристијан Дрисен за нов извршен директор на клубот, а тој долги години работи заедно со Румениге.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
![](https://makfax.com.mk/wp-content/uploads/2024/06/jonatan.jpg)
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
![](https://makfax.com.mk/wp-content/uploads/2024/06/JOKOVITS.jpg)
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва