Спорт
Халанд е робот, исфрлете го од Премиер лигата
Исфрлете го Ерлинг Халанд од Премиер лигата, тој е робот! Така се вика петицијата која ја покренаа навивачите во Велика Британија и бараат на норвешкиот напаѓач да му биде забрането да продолжи да игра за Манчестер сити во една од најсилните лиги во светот.
Интересно петицијата ја потпишале над 400.000 луѓе и тој број сигурно ќе продолжи да расте во наредните денови.
Со оглед на моментот кога беше покрената петицијата, се сомнева дека тоа го направиле симпатизерите на Манчестер јунајтед, бидејќи Норвежанецот неодамна постигна три гола во градското дерби во убедливата победа на тимот на Пеп Гвардиола (6:3). Иако, не е исклучено тоа да го направил и навивач на некој од другите тимови, бидејќи Халанд постигна 19 гола на 12 натпревари во сите натпреварувања, од кои 14 во Премиер лигата и пет во Лигата на шампионите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шчесни: Немам загарантирано место, дојдов да се борам
Војчех Шчесни се врати од пензија и потпиша за Барселона. Иако тој потег уследи по тешката повреда на Марк-Андре тер Штеген и затоа се очекува Полјакот веднаш да застане на голот, иако тој самиот истакнува дека нема загарантирано место.
Поранешниот голман на Арсенал, Јувентус и на полската репрезентација најави повлекување на крајот од минатата сезона. Но, тој реши на покана на Барселона повторно да се активира.
– Во фудбалот нема гаранции, така што не ми е загарантирано ниту стартерско место. Јас сум тука да се натпреварувам. Ако ја изгубам таа борба и Инаки Пења е добар оваа сезона, нема да бидам тажен. Клубот ме побара на помош и затоа сум тука, изјави Шчесни.
Негов конкурент ќе биде 25-годишниот Инаки Пења, кој порасна во Барселона, одигра 15 натпревари за првиот тим, а во 2022 година беше позајмен во Галатасарај и забележа шест натпревари.
Спорт
Ла Лига на три натпревари ја затвори јужната трибина на стадионот на Атлетико
Ла Лига ја изрече казната за Атлетико Мадрид за инцидентите кои ги предизвикаа ултрасите на овој тим во дербито против Реал Мадрид.
Дел од ултрасите на јужната трибина, наседната на провокациите на Тибо Куртоа, па почнаа да фрлаат со трврди предмети кон него.
Во следните три натпревари јужната трибина на „Сивитас Метрополитано“ ќе биде празна како казна за однесувањето дуелот против „кралевите“.
Во прашање се околу 5.000 седишта и толку навивачи нема да можат да влезат на стдионот во наредните три натпревари.
Атлетико најави дека ќе ја обжали оваа одлука.
Спорт
Јокиќ: Поразот од САД најтежок во кариерата
Актуелниот МВП на НБА лигата, Никола Јокиќ го окарактеризира поразот од Американците во полуфиналето на Олимписките игри во Париз како најголем во кариерата.
„Тоа беше добар натпревар. Веројатно најтежок пораз во мојата кариера досега. Голема шанса, но… На крајот не победија. За луѓето тоа е нормален пораз, за нас кои бевме на теренот, тоа сигурно беше најтешкиот пораз во нашите кариери“, им изјави Јокиќ на новинарите во Абу Даби.
Јокиќ беше прашан и за (потенцијалното) заминување на селекторот Светислав Пешиќ од клупата на Србија.
„Па, не знам… Јас секогаш имам добри односи со тренерот и, нормално, сакам да остане. Мислам дека зависи од него, не од нас, па сигурно, ако тој е тренер, ние ќе даде се од себе на теренот. Ако реши да не продолжи, мислам дека сигурно ќе го поддржиме, бидејќи мислам дека направи голема работа за нашата кошарка во изминатите неколку години“, додаде Јокиќ.