Бразилскиот фудбалер, Филипе Кутињо ќе се врати во редовите на Барселона по одгрувањето на мечевите од ЛШ. Тој е на позајмица во минхенски Баерн, но информациите се дека баварскиот клуб нема намера да го задржи за следната сезона.

За него по се изгледа нема место ниту на „Ноу Камп“, па челниците на Барса сакаат да го продадат и да тргнат по Аргентинецот, Лаутаро Мартинез од Интер.

Информациите од Шпанија се дека Барса им го понудила Кутињо на Арсенал и Њукасл во Премиерлигата.

Бразилецот на Островот настапуваше од 2013 до 2018, и беше еден од најдобрите во редовите на Ливерпул. Барса го купи за 145 милиони евра.

Кутињо се чини не ги оправда вложените средства, па беше испратен на позајмица во Баерн.

Шпекулациите беа дека коронавирусот ќе ги намали цените на фудбалерите, ама се чини дека од тоа нема ништо.

Челси летото 2018 година потроши високи 80 милиони евра за анонимен голман од Атлетик Билбао, Кепа Аризабалага, што до ден денес е рекорд кога станува збор за голмански трансфер.

Шпански „АС“ пишува дека менаџерот на „сините“ Френк Лампард го означил чуварот на мрежата на Атлетико Мадрид, Словенецот Јан Облак како примарна мета ова лето. Информациите од Шпанија се дека Челси е подготвен за еден од најдобрите голмани во моментов да одвои рекордни 100 милиони евра.

Челси веќе потроши сериозна сума на пари за Тимо Вернер (Лајпциг) и Хаким Зијеш (Ајакс), а се споменуваа и 100 милиони за трансфер на Каи Хаверц од Баер Леверкузен. Сепак, најверојатно Лампард овие средства ќе ги усмери кон Облак затоа што очигледно е дека не е задоволен од Кепа. Тој има најмал процент на одбрани во Премиерлигата.

Атлетико не планира така лесно да го пушти Облак, неговиот договор е до 2023 година.

Инаку, Кепа прими 53 гола на 39 меча и само на 9 ја сочува својата мрежа празна.

За разлика од него, Облак на 46 меча беше совладан 35 пати, а на 21 меч неговата мрежа мируваше.

Се одржа „Адрија тур“, тенискиот турнир во Белград, почна исто такво хуманитарно натпреварување минатиот месец и во Задар, но штом се стигна до финалето, турнирот беше откажан.

Причина – бугарскиот тенисер Григор Димитров. Тој објави дека е позитивен на коронавирусот.

Веднаш почнаа критиките, пред сè, на сметка на Новак Ѓоковиќ, кој беше организатор на турнирите. И самиот Новак, но и неговата сопруга и тренерот Горан Иванишевиќ, беа меѓу заразените. Освен нив, позитивен на вирусот се и хрватскиот тенисер Борна Чориќ и неговиот српски колега, Виктор Троицки.

По речиси еден месец од откажувањето на турнирот, првпат на јавноста ѝ се обрати Григор Димитров. Откри позитивни вести.

„Штотуку добив одлични вести од докторот од Монако, кој потврди дека сум негативен на Ковид-19. Им благодарам на сите за поддршката изминативе недели додека бев во карантин. Се радувам што набргу се враќам на тренинг и ќе бидам подготвен за американската турнеја на тврда подлога“, напиша Димитров на друштвените мрежи.

Тој потврди дека му се враќа на тенисот на средината на август кога ќе почнат АТП-турнирите во Вашингтон и Синсинати.

 

View this post on Instagram

 

I just got great news from the doctor in Monaco that I am confirmed Covid-19 negative. Thank you for all the support these past weeks during my quarantine. I look forward to getting back to training shortly in order to be ready for the US hardcourt swing.

A post shared by Grigor Dimitrov (@grigordimitrov) on Jul 13, 2020 at 12:04pm PDT