Спорт
Халанд против „неговите“, Потер дебитира на клупата на Челси

Второто коло во Лигата на шампионите ќе биде комплетирано вечерва, со натпреварите во групите Е, Ф, Г, Х, а ќе се одигра и дуелот Глазгов ренџерс – Наполи во групата А, кој беше одложен за еден ден поради смртта на британската кралица Елизабета.
Дерби натпревари нема, интерес привлекува дуелот Манчестер сити – Борусија Дортмун и дебито на новиот тренер на Челси.
Во центарот на вниманието на „Етихад“ ќе биде напаѓачот на Сити, Ерлинг Халанд, кој летово му се приклучи на англискиот шампион од Дортмунд. Халанд постигна два гола во победата од 4-0 против Севиља во првото коло.
Тој оваа сезона постигна дури 12 гола на седум натпревари и во просек ја погодува мрежата на секои 54 минути за Сити.
Шанса да се врати во борбата за второто место во групата ќе бара Севиља, која по очајниот старт на сезоната конечно викендов успеа да го победи Еспањол и со тој триумф патува во Копенхаген.
Во групата Е беа забележани два неочекувани резултати во првото коло. Динамо Загреб во второто коло влегува како лидер со три бода, Челзи е на нула, а Милан и Салцбург имаат по еден бод.
Челзи го пречекува Салцбург и едноставно мора да победи на дебито на новиот менаџер Греам Потер.
Динамо оди на „Сан Сиро“ во одлично расположение, но сè освен триумф на италијанскиот шампион на тој меч би било првокласно изненадување.
Реал Мадрид ја започна одбраната на титулата со победата од 3:0 на гости кај Селтик во групата Ф, а сега го има Лајпциг, кој минатата недела на својот стадион шокантно беше поразен од Шахтјор со 4:1. Реал најверојатно ќе биде ослабен со отсуството на повредениот Карим Бензема.
Шахтјор е номинален домаќин на Селтик во Варшава, а доколку освои нови три бода ќе направи огромен чекор кон нокаут фазата и без оптоварување ќе може да влезе во двомечот со Реал во третото и четвртото коло.
Јувентус ќе ѝ гостува на Бенфика, во дуелот меѓу екипите кои ќе се борат за второто место во групата Х. Јуве стартуваше со очекуван пораз во Париз, Бенфика го победи Макаби Хаифа во Лисабон.
Ренџерс и Наполи ќе го комплетираат колото во А групата. Италијанскиот тим во првото коло го декласира Ливерпул, додека Ренџерси доживеаја тежок пораз во Амстердам д Ајакс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Арсенал го договори трансферот на Инкапие

Спортскиот директор на Арсенал беше исклучително активен во преодниот рок. Резултатот на таа активност е рекордно трошење за засилувања, што беше заокружено со договорот за трансфер на Пјер Инкапие од Баер Леверкузен.
Постигнат е договор помеѓу Арсенал и Баер Леверкузен. Според него, Арсенал ќе му плати на Баер 52 милиони евра со бонуси.
Со овој трансфер, бројката што „топџиите“ ја потрошија за трансфери ова лето е 345 милиони евра, што е клупски рекорд. Во клубот пристигнаа осум нови фудбалери.
Мартин Зубименди беше платен најскапо, 70 милиони евра на Реал Сосиедад. Еберечи Езе беше платен малку помалку на Кристал Палас (69,3 милиони евра), а над 60 милиони беа платени за Виктор Ѓекереш Спортинг (65,8 милиони евра). Нони Мадуеке од Челзи беше платен 56 милиони евра.
Кристијан Москера беше доведен од Валенсија за 15 милиони евра, Кристијан Норгард од Брентфорд за 11,6 милиони евра, а уште еден играч беше доведен од Челзи. Кепа Аризабалага за само 5,8 милиони евра.
Фото/ Принтскрин
Спорт
(Видео) Србија ја победи Португалија – Петрушев исклучен, Богдановиќ се повреди, а селекторот Пешиќ во клинч со Мициќ

Најголемиот фаворит за златниот медал на Евроското првенство во кошарка, Србија, потешко од очекувањата ја победи Португалија во второто коло со 80:69.
Србите не беа на ниво, селекторот Пешиќ реше дека со „главите биле на некое друго место“, до победата ги предводеа Никола Јокиќ со 23 поен и 10 скока, односно Никола Јовиќ со 18 поени.
Покрај лошата игра Србите се соочија со неколку проблеми по овој натпревар.
На почетокот на мечот поради неспортски потег, удриање на противнички играч беше исклучен Филип Петрушев. Медиумите шпекулираат дека крилниот центар ќе нема да помине само со исклучувањето, туку и дека ќе добие суспензија од ФИБА.
Isključen Petrusev pic.twitter.com/c572wGNqXv
— sportnadlanu (@klikclick191174) August 29, 2025
Во финишот на првото полувреме се повреди капитенот Богдан Богдановиќ. Веднаш го нашушти теренот и повеќе не се врати во игра. Селекторот Пешиќ на прес конференцијата информира дека Богдановиќ ќе мора да оди на дополнителни прегледи за да се утврди степенот на повредата.
— OvoOno (@OvoOnoX) August 29, 2025
И за крај, на почетокот на последната четвртина, селекторот Пешиќ остро реагираше кога Василије Мициќ нерезонки заврши една акција во нејзиниот зачеток, шутна тројка во раната фаза од нападот. Пешиќ го повлече Мициќ од игра, а на клупата имаше жесток разговор со него.
Србија во сабота од 17 часот игра против домаќинот Летонија.
Foto/ FIBA
Спорт
(Видео) Милан ги победи Лече и ВАР-от

Милан ја оствари својата прва победа во Серија А оваа сезона, откако го победи Лече со 2:0 во второто коло.
Исклучително важна победа за Милан. Не само поради поразот во првото коло на „Сан Сиро“ против Кремонезе, туку и поради значителни персонални проблем. Сепак, Масимилијано Алегри ја забележа првата победа во својот повратнички мандат.
Рубен Лофтус-Чик го отвори резултатот во Лече во 66-та минута. Со асистенција на најголемото засилување Лука Модриќ. Сепак, пред тоа Милан постигна уште два гола, но двата беа поништени од ВАР. Прво, веќе во четвртата минута, голот на Габија поради прекршок, а потоа во 60-та минута, голот на Хименез поради офсајд.
Кристијан Пулишиќ му го зададе последниот удар на Лече во 86-та минута.
Фото/ Принтскрин