Спорт
Халеп и се одмазди на Швјонтек, Зверев лесно со Лајовиќ

Симона Халеп забележа победа во дуелот со шампионката од Ролан Гарос, Ига Швјонтек, и се пласира во четврт-финалето на Австралија опен. Романката за еден час и 52 минути се избори за четврт-финална пресметка со Серена Вилијамс. На машкиот дел од турнирот, пласман в четврт-финалето избори Александар Зверев. Германанецот во три сета, го победи Душан Лајовиќ од Србија.
Симона Халеп, петти пат во кариерата, избори пласман меѓу најдобрите осум на првиот Гренд слем во сезоната. Романката, во осмина-финалето, успеа да и се реваншира на Швјонтек за поразот во полу-финалето на Ролан Гарос.
Халеп, успеа со пресврт да слави против Швјонтек, откако го загуби првиот сет со 3/6, ги доби наредните два со 6/1 и 6/4.
Во машка конкуренција, на Александар Зверев му беа потребни два часа и 24 минути за да го победи Лајовиќ. Германецот во четврт-финалето ќе игра против победникот од дуелот помеѓу Новак Ѓоковиќ и Милош Раониќ.
Зверев го победи Лајовиќ со 6/4, 7/6, 6/3.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Ван Дајк херој на Ливерпул, Баерн пресилен за Челзи, ПСЖ рутински со Аталанта

Во одличен натпревар од првото коло на Лигата на шампионите, фудбалерите на Ливерпул го победија Атлетико Мадрид со 3:2 со голот на Вирџил ван Дајт во 92.минута. Во уште едно дерби, Баерн беше подобар од Челзи со 3:1, додека ПСЖ и Интер исто така победија против Аталанта односно Ајакс.
Атлетико минута го делеше од бод на „Енфилд“, иако имаше два гола негатива на од шестата минута. Шампионот на Англија го започна натпреварот фуриозно и со среќниот гол на Робертсон, а потоа и на Салах имаше водство од 2:0.
Дека Атлетико нема да се предеда најави Љоренте во третата минута од надополнувањето на времето во првиот дел. Истиот играч во 83.минута изедначи на 2:2.
До до 92-та минута тимот на Диего Симеоне имаше бод во џеб. Сепак, Ван Дајк, со одлично скона по корнерот на Доминик Собослај и го постави конечниот резултат.
Додека домашните го славеа голот тренерот на Атлетико Диего Симеоне, доби црвен картон поради конфликт со навивачите на Ливерпул.
Преостанатите три натпревари одиграни вечерва не беа толку интересни, особено не оној во кој бранителот на титулата ПСЖ ја победи Аталанта со 4:0.
Мркињос и Кварацхелија во првото полувреме, и Мендес и Рамос во второто полувреме, ја погодија мрежата на тимот од Бергамо.
Баерн покажа класа против Челзи, а два од трите гола во победата од 3:1 ги постигна Хари Кејн. Капитенот на англиската репрезентација беше особено мотивиран против поранешниот градски ривал и со овие два стигна до бројката од десет гола во дуелите со „сините“.
Во 27-та минута, Баварците имаа предност од два гола благодарение на автоголот на Чалоба и голот на Кејн, а Палмер им донесе надеж на гостите кратко откако германскиот гигант го дуплираше водството.
Сепак, резултатот не се промени сè до 63-та минута кога Кејн стави точка на натпреварот на „Алијанц Арена“.
Маркус Тирам се погрижи Интер да забележи рутинска победа во Амстердам. Францускиот напаѓач постигна два гола во рок од пет минути (42-та и 47-та).
Foto/ EPA
Спорт
(Видео) Пафос освои бод кај Олимпијакос, Бодо/Глимт се врати од 2:0 против Славија

Вчера деботантите Карабаг и Унион Сен Жилоа забележаа сензационални победи во Лисабон над Бенфика, односно во Ајндховен над ПСВ, а и вечерва клубвите што прв пат играат во Лигата на шампионите имаа успешни настапи. Пафос одигра 0:0 против Олимпијакос во Атина, а Бодо/Глимт во Прага се врати по минусот од два гола и одигра 2:2 со Славија.
Спорт
Одбраната на трофејот во Купот Вардар ќе ја почне против Новаци
Фудбалскиот клуб Вардар одбраната на титулата во Купот на Македонија ќе ја започне на домашен терен против Новаци.
Во Куќата на фудбалот со ждрепка беа одредни осминафиналните двојки. Се игра еден натпревар, а термините се 24.09.2025 и 29.10.2025.
Осминафинални двојки во Купот на Македонија:
Македонија ЃП – Струга Трим Лум
Охрид Лихнидос – Шкупи 1927
Вардар – Новаци
Башкими 1947 – Силекс
Шкендија – Тиквеш
Работнички – Брегалница 2008
Шкендија Арачиново – Пелистер
Беласица – Детонит Плачковица