Спорт
Хамилтон ги поддржува активистите што истрчаа на патеката во Силверстоун

Седумкратниот светски шампион Луис Хамилтон ги поддржа активистите што се обидоа да ја попречат трката во Британија, но ги предупреди дека мора да се држат настрана од Формула 1-патеките за да не се случи трагедија.
Британското ГП во неделата двапати избегна катастрофа во првиот круг – прво по лудото излетување на возачот на Алфа Ромео, Кинезот Жоу Гванју, на првата кривина, кога тој се преврте и отиде во оградата предизвикувајќи прекин на трката, а потоа кога болидите се враќаа во боксот, пет активисти на Just Stop Oil-иницијативата против фосилни горива излетаа на патеката пред да бидат совладани од полицијата. На чуден начин тие имаа среќа со инцидентот се случи на првата кривина бидејќи во спротивно ќе влезеа со огромна брзина.
„Како што видовме, ова е многу опасен спорт. Не бев свесен за денешните протести и иако секогаш ќе ги поддржувам тие што прават нешто за тоа што веруваат, тоа мора да се направи безбедно. Ве молам, не скокајте на патеките бидејќи не сакаме да ве повредиме“, напиша Хамилтон на „Инстаграм“.
Во интервју тој исто така даде поддршка.
„Голем поздрав за протестантите. Сакам што луѓето се борат за планетата и потребни ни се повеќе такви луѓе“, изјави тој пред Мерцедес да објави преку социјалните мрежи дека „тој го поддржува правото на протест, но не и начинот“.
We will not be spectators to government inaction. There can be NO NEW OIL in the UK. And whilst there is, action will continue. #BritishGP2022 #Formula1 #F1 #JustStopOil pic.twitter.com/5c1HXuWoXk
— JustStopOil (@JustStop_Oil) July 3, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Вест Хем го потпишаа Матеус Фернандес

Вест Хем официјално го потврди можеби најскапото засилување во историјата на клубот.
Бразилскиот играч од средниот ред Матеус Фернандес пристигна од Саутемптон за фиксна сума од 44.000.000 евра. Но, со бонуси, трансферот би можел да порасне на 51.000.000 евра, што би бил нов клупски рекорд.
Најскапиот трансфер на Вест Хем досега беше Себастијан Але од Ајнтрахт за 50.000.000 евра.
Тој одигра 46 натпревари, постигна четири гола и забележа седум асистенции за Саутемптон во последните две сезони.
Foto/ West Ham
Спорт
Фенербахче му врачи отказ на Жозе Мурињо

Жозе Мурињо повеќе не е тренер на Фенербахче, потврди клубот. Одлуката е донесена откако турскиот гигант не успеа да се пробие во Лигата на шампионите, по што соработката беше прекината. Фенер се збогува со португалскиот стручњак на социјалните мрежи и му се заблагодари за соработката.
Мурињо пристигна во Фенербахче во јули минатата година и го водеше клубот во вкупно 62 натпревари со сооднос од 37 победи, 14 нерешени и 11 порази. Тој не успеа да освои трофеј со Фенер, заврши на второто место во турското првенство, а беше елиминиран во четвртфиналето на домашниот Куп. Минатата сезона стигна до осминафиналето во Лигата на Европа, каде во два драматични натпревари по изведувањето пенали доживеа елиминација од Глазгов Ренџерс.
Бидејќи доби отказ, значи не е постигнат споодбен раскин на договорот, Фенербахче на Мурињо ќе мора да му исплати оштета од 15 милиони евра.
Мурињо се споменува во англиските медиуми како иден тренер на Нотингем Форест. Португалскиот стручњак освои три титули во англиското првенство во два мандата на клупата на Челзи. Тој ги освои Лига купот и Лигата на Европа со Манчестер Јунајтед, а потоа помина низ тежок период во Тотенхем.
Заминувањето на тренерот Нун Еспирито Санто (51) од Форест се споменува сè повеќе откако тој призна дека има нарушен однос со сопственикот Евангелос Маринакис.
Foto/ EPA/RODRIGO ANTUNES
Спорт
Симонс го чекаа во Челси, тој потпиша за Тотенхем

Тотенхем му го направи на Челзи она што го доживеа на своја кожа од Арсенал, кога соседите им го украдоа Ечебери Езе. Чави Симонс, кој неколку недели се поврзуваше со Челзи и се чинеше дека работата е завршена кариерата ќе ја продолжи во Тотенхем.
„Чави Симонс, холандскиот офанзивен играч од средниот ред, ги помина медицинските прегледи пред да потпише за Тотенхем. Англискиот клуб ќе му плати 60 милиони евра на Лајпциг за 22-годишникот“, објави Дејвид Орнштајн, новинар на „Атлетик“.
Симонс некогаш чудо од дете од школата на Барселона, во кариерата играше за ПСЖ и ПСВ пред да пристигне во германскиот клуб за кој постигна 22 гола и забележа 24 асистенции во 78 натпревари.
Симонс треба да ја пополни дупката во офанзивниот дел на Тотенхем, која настана со заминувањето на капитенот Сон и тешката повреда на најкреативниот играч во тимот, Џејмс Медисон.
Foto/ EPA/Filip Singer