Спорт
Хамилтон и Ботас со 1-2 на Имола, Мерцедес со рекордна седма титула
Луис Хамилтон триумфираше при враќањето на Формула 1 шампионатот на славната патека Имола, а со второто место и 1-2 победата, Мерцедес го срушија рекордот на Ферари освојувајќи ја седмата титула во низа кај конструкторите, одбележувајќи една од најдоминантните ери во Ф1 историјата.
Од друга страна, главните предизвикувачи на Мерцедес последните неколку сезони, Ред бул рејсинг имаа кошмар во Итаија, откако Макс Ферстапен од третото место излета по дупната задна гума предизвикувајќи излегување на безбедносното возило, а неговиот колега Алекс Албон направи грешка при рестартот за да заврши на последното место (15.).
Ваквиот развој на ситуацијата го искористи Даниел Рикардо во Рено, освојувајќи го последното место на подиумот по тесната борба со Данил Квјат во Торо росо, а во топ 5 беше и Шарл Леклер во уште една слаба трка за Ферари. Во поени завршија и Серхио Перез (Рејсинг поинт) на шестото место, пред двојката на Мекларен, Карлос Саинс Јуниор и Лендо Норис и Кими Раиконен и неговиот колега од Алфа Ромео, Антонио Џовинаци.
Со ова остварување, Мерцедес се израмнува на четвртото место на вечната листа во Ф1 со седум титули со Лотус. Ферари остануваат најуспешниот тим со 16 титули, Вилијамс се втори со 9, а Мекларен се на третото место со 8. Ферари имаа шест титули во низа во легендарната ера со Михаел Шумахер од 1999 до 2004.
HAMILTON WINS!! ?
He takes victory #93 at the Emilia Romagna Grand Prix
Bottas second, with Ricciardo coming home P3!#ImolaGP ?? #F1 pic.twitter.com/mbmydh8EOf
— Formula 1 (@F1) November 1, 2020
LAP 59/63
Disaster for Alex Albon after the restart – he collides with Carlos Sainz and drops back to P15 ?#ImolaGP ?? #F1 pic.twitter.com/sAiFjVy8z1
— Formula 1 (@F1) November 1, 2020
LAP 51/63 – SAFETY CAR
Max Verstappen is OUT of the race from P2 – tyre trouble brings his race to a dramatic end! ?#ImolaGP ?? #F1 pic.twitter.com/an7USVqyyi
— Formula 1 (@F1) November 1, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.