Првото коло од Европскиот клупски куп во шах донесе очекуван резултатски расплет, при што најдобро рангираните екипи, меѓу кои е и македонскиот шампион ШК Алкалоид, стартуваа со убедливи победи на турнирот, кој има само седум кола, а на крајот ќе го даде новиот клупски шампион на Европа.

За овој настап на Родос, Грција, екипата имаше две промени во однос на тимот од 2024 година, и тоа на петтата и на шестата табла, каде што настапија ВМ Абиманју Пураник и ИМ Тони Лазов, при што обајцата имаа успешно деби со освојување цел поен. Очите на македонската шаховска јавност го следеа последниот македонски државен шампион Тони Лазов (2.382), кој лани освои сребрен медал на Олимпијадата во Унгарија, а сега, водејќи ги црните фигури против Албан Красниќи (2.131), одлично се снајде во позиција со кралско фијанкето, во ситуација кога неговиот противник се обиде да импровизира со нестандарден план. При временската контрола на 40. потег, противникот се обиде со драматичен и ризичен потег да направи пресврт, но ИМ Лазов, со манир на искусен борец, ги неутрализираше заканите, па противникот се предаде.

Противничкиот тим Дарданија од Косово успеа да даде отпор само на првата табла, каде што ВМ Арјун Еригаиси (2.773) го подели поенот со ИМ Ндерим Сарачи (2.445), кој се бранеше со руска одбрана.

Од втората до четвртата табла се играа сицилијанки, при што ВМ Ји Веи (2.754) со црни фигури брилираше во најдорфовата варијанта против ФМ Матеу Бочи (2.186), додека, пак, на третата табла Јангји Ју (2.720) играше таканаречена бела сицилијанка, при што во долга борба со Кораб Сарачи (2.197) покажа класа и надмоќ. ВМ Читамбарам Аравинд (2.711) на четвртата табла играше трпеливо, постепено подобрувајќи ја позицијата против ФМ Ардијан Јашари (2.166), а на крај освои цел поен.

Единствената партија која беше решена пред играта да влезе во завршницата беше онаа на петтата табла, каде што ВМ Абиманју Пураник спроведе офанзивен напад во англиско отворање, по што со школска тактичка жртва на скокач на полето Ф5 стигна до триумф против Арменд Будима (2.169).

ШК Алкалоид е второрангиран тим според рејтингот и заедно со другите тимови од првата петорка се смета за еден од фаворитите во борбата за медалите. Најдоброрангираниот Бајеган Пендик во првото коло славеше со 5 : 1 (две ремија), додека, пак, романскиот СуперЧес, унгарскиот Нагиканжаи и чешкиот Нови Бор (кој е бранител на титулата од лани) имаа убедливи победи од 6 : 0.

На турнирот играат 102 екипи, а по првото коло 48 од нив се на делба на првото место со по 2 бода. Во согласност со швајцарскиот систем на натпреварување, во втората рунда ШК Алкалоид ќе игра со домашната екипа Ippotis Rodos Chess Club.

ФОТО: Архива на ШК Алкалоид

Натпреварот помеѓу Хетафе и Реал Мадрид беше тензичен, лидерот извојува минимална победа, а двајца домашни играчи добија црвени картони.

Оној од Ален Њом, кој францускиот дефанзивец го заработи за само 37 секунди, привлече посебно внимание.

Тој го удри Винисиус во лицето, кој почна да се превиткува и на тој начин го „принуди“ судијата да го исклучи дефанзивецот на Хетафе.

Во тој момент Бразилецот се доближи до тренерот на Хетафе, Хозе Бордалас и му рече: „Добра измена, добра“.

„Не мора да дојде и да ми каже колку добро правам измени, не мора да дојде и да провоцира“, рече Бордалас по натпреварот, лут и поради црвениот картон.

„Го слушнав четвртиот судија како вели дека ќе го исклучи. Беше блиску. И се согласувам дека фаулот беше претеран. Сериозен фаул. Но, сè лесно можеше да се реши со жолт картон, бидејќи Винисиус исто така претера. Едвај го допре по лицето. Неоправдано исклучување“, рече Бордалас.

„Затоа сите те мразат. Научи нешто од своите соиграчи“, му рече играчот на Хетафе, Хуан Иглесијас, на Винисиус по црвениот картон за Алекс Санкрис само седум минути подоцна.

„Ова се работи што остануваат на теренот, но има работи што не можат да се дозволат. А кога не се покажува почит, се случуваат вакви работи“, рече Иглесијас.

Да ве потсетиме, единствениот гол го постигна Килијан Мбапе (1:0).

Тимот на Ред Бул беше казнет со 50.000 долари и доби неколку суспензии поради несоодветно однесување на главната трка за Големата награда на Соединетите Американски Држави.

Трката за титулата во Формула 1 кулминира, откако Макс Ферстапен беше најбрз во Остин.

Сепак, неговиот тим ќе мора да ги трпи последиците, бидејќи се обидоа да ја нарушат позицијата на стартната линија во неколку наврати пред почетокот на трката.

"Thank you very much everyone!" 🥹

An appreciative Max Verstappen signs off his victory with congratulations for his Red Bull team 👏#F1 #USGP pic.twitter.com/gAM64GHaEN

— Formula 1 (@F1) October 19, 2025

Имено, Мекларен сакаше да му помогне на својот возач Ландо Норис со јасно цртање каде треба да стои неговиот автомобил.

Еден од работниците на Ред Бул го забележа ова, па влезе на стартната линија потоа и се обиде да го наруши цртањето. Тој влезе на теренот откако се затвори вратата, што е казниво дело.

Ред Бул не коментираше за овој инцидент, а точната сума на суспензијата не е позната на јавноста.

Foto/ EPA