Спорт
Хамилтон: Не правецот не можев да го стигнам Макс
Седумкратниот светски шампион Луис Хамилтон призна дека и покрај огромниот напредок, болидот на Мерцедес сепак заостанува зад болидот на Ред Бул, особено кога станува збор за максималната брзина на правците.
Тоа јасно се виде по „рестартирањето“, по возењето зад безбедносното возило на траката за Големата награда на Франција, кога Луис беше веднаш зад Верстапен, но Холанѓанецот бргу успеа да му избега.
„Макс беше многу брз по рестартот, можев да останам зад него најмногу два круга, не повеќе“, објасни Хамилтон и дополни.
„Ставив полна гас на правецот, а тој продолжи да бега од мене. Тоа е нашата најголема слабост – не сме доволно брзи на правците, губиме меѓу три и четири десетинки и не можеме ништо да направиме“.
Второто и третото место на Хамилтон и Џорџ Расел во Франција е најдобриот вкупен резултат на тимот оваа сезона, иако Луис призна дека пред трката двајцата не сметале дека ќе бидат високо пласирани.
„Направивме голем чекор напред и се надевам дека ќе бидеме уште поблиску до најбрзите тимови во Будимпешта за да ја направиме трката уште поинтересна“, додаде Хамилтон.
Големата награда на Унгарија ќе се вози во недела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Обезбедувањето го спасило Мбапе од бесните играчи на Барселона
Шпанските медиуми пренесуваат дека по реваншот од четвртфиналето на Лигата на шампионите, во кој ПСЖ победи гостувањето кај Барселона (4:1), Килијан Мбапе предизвикал сериозен инцидент.
Мбапе, кој веројатно ги игра последните натпревари за ПСЖ по натпреварт имал „блиска средаб“ со играчите на Барселона.
Според информациите на шпанските медиуми, Мбапе еуфорично ја прославил победата на ПСЖ извикувајќи: „ова е фудбал, ние зборуваме на теренот“, што некои играчи на Барселона го сфатиле како провокација.
Неколку луѓе од обезбедувањето и луѓето од двата клуба спречиле неколку играчи на Барса кои се упатиле кон Мбапе.
ПСЖ за финалето ќе игра против Борусија Дортмунд.
🚨 Ce geste de Kylian Mbappé aurait rendu furieux certains joueurs du Barça après le match.
Le Français aurait déclaré : « c’est le football et c’est sur le terrain qu’il faut parler. »
— BeFootball (@_BeFootball) April 18, 2024
Спорт
Познати сe полуфиналните термини во Лигата на шампионите
Пари Сен Жермен, Борусија Дортмунд, Баерн Минхен и Реал Мадрид се пласираа во полуфиналето, во Лигата на шампионите.
Познато е дека во полуфиналето ќе се сретнат Пари Сен Жермен и Борусија Дортмунд, односно Баерн Минхен и Реал.
Домаќини на првите натпревари ќе бидат германски клубови, додека реваншите ќе се играат на „Паркот на принцовите“ во Париз и на „Сантијаго Бернабеу“ во Мадрид.
Полуфиналните натпревари се закажани за 30 април и 1 мај, а реваншите на 7 и 8 мај.
Сите натпревари започнуваат во 21:00 часот.
Финалето на Лигата на шампионите е на 1 јуни на стадионот „Вембли“ во Лондон.
Спорт
Де Роси ќе ја води Рома и следната сезона
Даниеле Де Роси и следната сезона ќе остане на клупата на Рома. Поранешниот капитен ги оправда очекувањата и на навивачите и на клупските челници.
Поранешниот италијански репрезентативец, функцијата ја презеде од Жозе Мурињо, кој доби отказ во јануари по поразот од Милан (1:3).
Де Роси ја донесе Рома на петтото место на табелата, кое според сегашната ситуација треба да го одведе тимот во Лигата на шампионите, бидејќи Италија во моментов води на УЕФА рангирањето на најдобрите клубови и со тоа би добила уште едно место во елитното европско клупско натпреварување.
Исто така, Рома е и во четвртфиналето на Лига Европа, каде со Милан се бори за место меѓу најдобрите четири екипи.
„По средбата со Даниеле Де Роси, можеме да кажеме дека ќе остане со нас и следната сезона. Тој донесе позитивни промени и сакаме да продолжиме по тој пат“, изјавија газдите на Рома, Американците Ден и Рајан Фридкин.