Спорт
Хамилтон се „загреа“ за титула со најбрзо време на вториот американски тренинг

Актуелниот светски шампион Луис Хамилтон постави неочекувано најдобро време на вториот тренинг пред Американското ГП во Остин, поставувајќи 1:33.232 во текот на 90-минутната сесија.
Хамилтон, кому во недела му е потребна осма позиција за да ја освои титулата без разлика на тоа дали неговиот колега Валтери Ботас ќе победи, беше за 0.301 секунди пред асот на Ферари, Шарл Леклер, додека Макс Ферстапен во Ред бул, кој го постави најдоброто време во втората сесија, заостана 0.315 секунди.
Ботас, на патеката на која никогаш не бил ниту на подиумот, беше само петти со 0.813 секунди заостанување, зад Себастијан Фетел, кој за малку ќе излеташе во 15-тата кривина при симулацијата на трка. Александер Албон беше шести за Ред бул, пред Пјер Гасли во Ред бул, а Карлос Саинс беше осми за Мекларен пред Ленс Строл (Торо росо) и Антонио Џовинаци (Алфа Ромео).
Тимовите продолжија со тестирањето на „Ц4“ гумите на Пирели за 2020 година во дел од сесијата – секој возач имаше по два сета гуми покрај вообичаениот избор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Клубот на најбогатиот Европеец влезе во Лига 1

По 46 години, фудбалскиот клуб Париз се врати во Лига 1, елитниот ранг на францускиот фудбал.
На коло до крајот на сезоната, Парижаните го потврдија второто место, зад Лориен, со нерешен резултат со Мартиго на гости (1:1), и со тоа овие два клуба обезбедија директен премин во Лига 1.
Клубот, кој е мнозински контролиран од семејството Арно, кој е управуван од најбогатиот Европеец во светот (Бернард Арно), сигурно нема да застане тука.
Со буџетот што го има на располагање, амбициите се големи, најголеми.
За потсетување, Париз е клуб кој е основан по одвојувањето од Пари Сен Жермен во 1972 година, последен пат играше во Лига 1 во 1978 година и оттогаш игра во пониските лиги.
Во последните години, тој играше четири пати во плејофот за пласман во Лига 1 и секој пат беше елиминиран. Тоа беше време кога семејството Арно не го водеше клубот.
Семејството Арно владее со ФК Париз од ноември 2024 година.
Спорт
Газдата на ПАО удри по судиите и челнците на Евролигата: Ако имате м***ња, добредојдовте во џунглата

Газдата на Панатинаикос, Димитрис Јанакопулос, повторно го привлече вниманието на јавноста по поразот на неговиот тим од Анадолу Ефес во четвртиот натпревар од плејоф серијата на Евролигата (85:82).
Со овој триумф, Ефес се избори за мајсторка што ќе се игра во Атина во вторник, но наместо да зборува само за кошарка, пораките на Јанакопулос на „Инстаграм“ привлекоа внимание.
Во низа објави на оваа социјална мрежа, сопственикот на „зелените“ не штедеше на зборови, отворено ги прозва судиите и челниците на Евролигата.
„Евролигата е мафија“, рече Јанакопулос, јасно ставајќи до знаење што мисли за настаните на теренот во Истанбул.
Тој особено се осврна на триото судии познати од терените во регионалната АБА лига.
„Јаворе, Радовиќ, Пукл, ако имате м***ња, добредојдовте во џунглата“, со „хаштагот“ „ова е ОАКА“.
Dimitris Giannakopoulos announced Game 5 of the playoff series between Panathinaikos and Anadolu Efes in his own unique way 👀🍀#EuroLeague #paobc #paobcaktor pic.twitter.com/0Hc8KapETy
— Basketball Sphere (@BSphere_) May 2, 2025
Тој не ги заобиколи ниту водечките луѓе на Евролигата.
„Даниел и Дејан, дојдете на петтиот натпревар. Претпоставувам дека е важен, нели?“.
Јасно е дека Јанакопулос не е задоволен, а неговиот гнев дополнително ја зголемува тензијата пред решавачкиот натпревар.
Спорт
(Видео) Кари и екипата немоќно против Хјустон

Кошаркарите на Хјустон Рокетс ги победија Голден Стејт Вориорс со 115:107 на гостински терен во плејофот на НБА.
Со победата, Рокетс ја израмнија серијата на 3:3 и обезбедија мајсторка за пласман во конференциското полуфинале пре пред своите навивачи.
Екипата на Хјустон до победата ја предводеше Фред Ванвлит со 29 поени, осум скока и исто толку асистенции, а го следеше Алперен Шенгун со дабл-дабл учинок, односно 21 поен, 14 скока и шест асистенции.
Стивен Адамс имаше двоцифрен број на поени со 17 поени и пет скока, како и Амин Томпсон со 14 поени, седум скока и две асистенции.
Стеф Кари се истакна за Вориорс со 29 поени, седум скока и две асистенции, додека Џими Батлер постигна 27 поени со девет скока и осум асистенции.
Натпреварот беше изедначен речиси до самиот крај, а Рокетс имаа минимално водство од крајот на втората четвртина.
Во ниту еден момент „Воините“ не успеаја да направат пресврт, а во текот на последната четвртина беше и +17 за гостите (106:89).
Седмиот натпревар ќе се игра ноќта помеѓу недела и понеделник во Хјустон од 02:30 часот.