Спорт
Хамилтон стана почесен граѓанин на Бразил
Седумкратниот шампион во Формула 1, Британецот Луис Хамилтон во Бразилија ја доби титулата почесен граѓанин на Бразил, земјата на неговиот идол Аиртон Сена.
„Целиот мој живот Бразил има важно место во моето срце, тој е мојот втор дом“, рече 37-годишниот Хамилтон за време на церемонијата во бразилскиот парламент.
Облечен во син косстум, тој доби медал во жолто-зелените бои на Бразил од рацете на претседателот на Долниот дом, Артур Лир, кој за Хамилтон рече дека е „Бразилец во душа“.
Возачот на Мерцедес, кој в недела ќе се натпреварува на Големата награда на Бразил, изјави дека му е чест што добил ваква титула, прва што бразилскиот парламент му ја додели на странец.
Хамилтон остави впечаток кога му оддаде почит на Сена, трикратниот светски шампион кој трагично загина на Имола во 1994 година, по победата на Големата награда на Бразил во 2021 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Навивачи го прекинаа финалето, еден си направи „селфи“ со Винисиус
Реал Мадрид ја освои Лигата на шампионите по 15. пат во својата историја. Во финалето одиграно на стадионот „Вембли“ во Лондон пред 86.000 гледачи Реал ја победи Борусија Дортмунд со 2:0. Стрелци за Кралскиот клуб беа Дани Карвахал во 74. минута и Винисиус Жуниор во 83. минута од натпреварот.
Финалето во Лигата на шампионите беше прекинато уште во првата минута бидејќи на теренот влегоа тројца навивачи, најверојатно Реал.
😡 Embarrassing start for UEFA & Wembley as series of pitch invaders go unchallenged & disrupt start to game. Delay of 2 minutes #UCLfinal pic.twitter.com/hP3etCMJRI
— Craig Hope (@CraigHope_DM) June 1, 2024
Обезбедувањето ги бркаше натрапниците на теренот, а прекинот траеше речиси две минути. Еден навивач го извадил мобилниот телефон и направил „селфи“ со Винисиус.
Спорт
(Видео) Реал ја освои Лигата на шампионите
Фудбалерите на реал Мадрид 15.пат во клупската историја е европски првак. Вечерва во финалето на Лигата на шампионите, на „Вембли“, Реал ја победи Борусија Дортмунд со 2:0 (0:0). Реал победи во деветтото последователно финале во Лигата на шампионите.
Титулата на Реал му ја донесоа Дани Карвахал и Винисиус Жуниор со головите во 74. и 83.минута.
قول لريال
🎥- تابع الحساب الأساسي : @AZiiHD
#UCLfinal | #APorLa15 pic.twitter.com/7mZ0gmR5SD
— تغطيه MM (@feca19ea9f) June 1, 2024
Карло Анчелоти петти пат во кариерата, а трет пат со Реал стана европски клупски првак.
Борусија во своето трето финале не успеа да ја освои втората титула. „Милионерите“ ќе жалат за шансите во првиот дел, период во кој го надиграа противникот. Адејеми излезе сам пред Куртоа, но не успеа да направи ништо, а ударот на Филкруг заврши во стативата. Реал во првиот дел не упати удар во рамките на голот, кој го бранеше Кобел.
Во вториот дел Реал иамше две шанси, слободниот удар на Крос го одбрани Кобел, а волејот на Карвахал го скроти голманот на Борусија со помош на Мадсен.
Филкруг имаше уште една шанса, од не тлку помолна ситуација биеше до глава но Куртоа ја одби топката во поле.
По голот на Карвахал, Белингем не реализираше добра шанса, Кобел ги одбрани ударите на Крос и Камавинга, а потоа Винисиус стави точка на натпреварот.
Спорт
Еурофарм Пелистер ја одбрани титулата
Ракометарите на Еурофарм Пелистер ја одбранија титулата во домашното првенство. Пелистер во последното коло влезе со бод предност пред Вардар 1961. Пелистер го совладаа Алкалоид со 32:28, а во исто време Вардар славеше над Бутел со 31:25.
Против Алкалоид, Пелистер уште на полувреме дојде до предност која му обезбеди мирно второт полувреме. Пелистер на полувреме водеше 18:13, во вториот дел Алкалоид успеа да „скине“ само еден гол од таа негатива.