Спорт
Хамилтон супериорен во Катар, Ферстапен сега води со само 8 поени!
Луис Хамилтон без мака стигна до победа на првото Катарско ГП на патеката Лосаил, откако од пол-позицијата ја искористи својата супериорна брзина за да стигне до победа пред ривалот од Ред бул, Макс Ферстапен и Фернандо Алонсо во Алпине, во негов прв подиум по камбекот во Ф1, така намалувајќи ја предноста на Ферстапен во генерален пласман на само 8 поени пред последните две трки од сезоната, откако Холанѓанецот го зеде поенот за најбрз круг на трката.
Хамилтон во ниту еден момент не беше под закана на Ферстапен, кој стартуваше од седмото место по казната од пет места која ја доби за игнорирање на двојно жолто знаме во саботните квалификации. И покрај ваквиот старт, Ферстапен успеа да стигне до второто место по првите 5 круга, но не можеше да се доближи до британскиот ривал.
По ваквиот развој на настаните, и очигледната разлика во брзина, Ферстапен и Ред бул се обидоа двапати со „андеркат“ да добијат предност, односно двапати беше повикан порано во боксот, но Мерцедес одговорија и Хамилтон ја заддржа победата.
Во поени беа и Серхио Перез на четвртото место во вториот Ред бул, пред Естебан Окон (Алпине), Ленс Строл (Астон Мартин), двојката на Ферари, Карлос Саинс и Шарл Леклер, Лендо Норис во Мекларен и Фетел во вториот Астон Мартин.
Ова е седма победа оваа сезона за светскиот шампион, втора во низа и вкупно 102. во кариерата, додека Ферстапен има 9 триумфи на две трки пред крајот – во Саудиска Арабија на 5 декември и во Абу Даби на 12 декември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Кошаркарите во Даблин ја победија Ирска
Кошаркарска репрезентација на Македонија ја постигна втората победа во претквалификациите за Евробаскет 2029. Македонија, во Даблин ја совлада Република Ирска со 76:88 (27:20; 13:22; 22:19, 14:27).
Лоша прва, одлична втора и брилијнтан последна четвртина одиграа македонските кошаркари, во мечот од второто коло, во А групата.
Лошо влегоа во натпреварот играчите на селекторот Марјан Илиевски, имаа негатива од седум поени по првите 10 минути, а на почетокот на вториот период, Ирска ја оствари најфисоката предност (31:20).
Двоцифрениот минус ги разбуди макеоднските репрезентативци, кои во продолжението го презедоа водството благодарение на серијата 15:2.
Во третиот перио
д двете репрезентации се менуваа во водство, па Ирците во решавачката четвртина влегоа со предност од еден поен.
Македонија го заклучи мечот со серијата 18:5, ја забележаа втората победа со која се лидери во групата.
Андреј Јакимовски со 26 и Џејкоб Вајли со 20 поени беа најефикасни во македонската репрезентација.
Следниот натпревар, Македонија ќе го одигра на 27.февруари 2026 против Луксембург во Скопје.
Фото/ Кошаркарска федерација на Македонија
Спорт
Аталанта ја продолжи агонијата на Фиорентина
Во дуел меѓу два тима од кои се очекуваше многу повеќе оваа сезона, Аталанта успеа да ја победи Фиорентина со 2:0 (1:0).
Ова е прва победа на Аталанта во Серија А од 21 септември, а Фиорентина и по 13-то коло се уште е без победа.
Во првото полувреме немаше сериозни шанси, Аталанта беше малку поконкретна, но без реализација до 41-та минута.
Потоа, по сосема обична акција на Аталанта и вратена топка од Де Кетеларе, Косону се обиде да центрира, а на крајот топката заврши во мрежата за 1:0.
Веќе на почетокот на второто полувреме, беше 2:0, карамбол по изведен корнер, топката стигна до Локман, кој рутински постигна гол за 2:0.
Foto/ EPA
Спорт
(Видео) Челзи со играч помалку му зеде бод на Арсенал
Без победник заврши лондонското дерби на „Стемфорд Бриџ“, Челзи и Арсенал одиграа 1:1.
Исклучително добар натпревар одиграа Челзи и Арсенал, ма крајот освоија по еден бод. И двата тима можат да бидат задоволни, особено домашниот тим, со оглед на тоа што останаа непоразени, иако играа со десет играчи на теренот од 37-та минута кога Каиседо беше исклучен.
Првото полувреме не беше толку квалитетно, играчите на двата тима беа доста груби, а тоа резултираше со црвен картон за играчот на Челзи, Каиседа, по исклучително груб прекршок. Судијата Ентони Тејлор првично му покажа жолт картон, но по повик од ВАР собата и прегледано видео, заслужено го исклучи Еквадорецот во 37-та минута.
Во првото полувреме имаше уште две ситуации вредни за споменување, по кои Арсенал можеше да поведе. Прво, кога Сака имаше добра шанса во 13-та минута, но неговиот удар го одбрани Санчез без поголеми проблеми.
Потоа, на крајот од првиот дел од играта, „се обиде Рајс од од 17 метри, но интервенцијата на голманот на Челзи беше фантастична.
На почетокот од првото полувреме, во 48-та минута, голема радост за домашните навивачи. По корнерот на Џејмс, Чалоба ја испрати топката во противничката мрежа со глава – 1:0.
Сепак, Арсенал брзо израмни, веќе во 59-та минута, овој пат Сака создаде шанса, прекрасно центрираше од десната страна, а изедначи Микел Мерино.
Потоа немаше големи шанси, иако се играше во жестоко темпо. Повеќе напаѓаше Арсенал, логично поради нивната бројчена предност, но имаа само сериозна шанса за водство на крајот од натпреварот.
Поточно, во 89-тата минута, Мерино шутираше прецизно од 16 метри, а Санчез повторно брилијантно одбрани исто како на крајот од првото полувреме.
Арснеал остана лидер на табелата со 30 поени, пет повеќе од Манчестер Сити и шест од Ќелзи и Астон Вила.
Foto/ EPA

