Европската куќа на ракометот (ЕХФ) ја донесе конечната одлука во врска со инцидентите во полуфиналниот натпревар од Купот на ЕХФ помеѓу Партизан и АЕК Атина.

Во реваншот во Белград, грчките ракометари за време на загревањето, кога експлодираа две петарди, решија да се повлечат и да не го играат натпреварот.

Подоцна, реваншот се одигра во бугарскиот град Шумен, кога Партизан го надомести дефицитот од пет гола, но потоа беше елиминиран по изведувањето пенали.

ЕХФ, одреди драконска казна за спрскиот шампион.

Црно-белите ќе ги играат следните пет европски натпревари без публика, три веднаш на почетокот на следната сезона, а две подоцна.

Српскиот шампион беше казнет и со вкупно 19.500 евра – 15.000 за однесувањето на навивачите и 4.500 за политички транспарент.

Клубот ќе ги сноси сите трошоци за организирање на натпреварот во Шумен, каде што беше одигран реваншот со Грците.

Жалбата е можна во рок од седум дена.

Слична тактика челниците на АЕК се обидоа да применат и во финалето против Алкалоид во Скопје. Откако Алкалоид го доби првиот меч во Атина (29:25), во реваншот ракоемтарите на грчкиот тим одбија да излезат на теренот во арената „Борис Трајковски“ бидејќи нивните навивачи не биле во салата.

На крајот, по речиси две недели, ЕХФ донесе одлука да го регистрира мечот со службен резултат 10:0 и да му ја додели титулата на Алкалоид.

На Дејвид Бекам му беше доделена титулата „Сер“ од британскиот крал Чарлс III.

Познатиот фудбалер на Манчестер Јунајтед го доби ова признание на доделувањето на наградите по повод роденденот на британскиот крал, привилегија што ја имаат само мал број луѓе.

Покрај Бекам, оваа титула претходно ја освоија легенди на Јунајтед како што се Боби Чарлтон и Алекс Фергусон. Бекам ја доби титулата „сер“ поради неговиот „голем придонес“ за државата.

Поранешниот фудбалер на Манчестер Јунајтед играше и за ПСЖ, Реал Мадрид, Милан и ЛА Галакси, а имаше 115 настапи за репрезентацијата на Англија.

„Растејќи во Источен Лондон со родители, баби и дедовци кои беа толку патриотски настроени и горди што се Британци, никогаш не можев да замислам дека ќе добијам толку големо признание“, рече Бекам.

Бекам е 14-ти на листата на фудбалски работници кои ја добиле титулата „Сер“ во Британија. На таа листа има и четири тренери на Англија, а последен што ја добил оваа титула е Гарет Саутгејт.

Бекам моментално е сопственик на Интер Мајами, каде што игра Лионел Меси.

Кошаркарите на Оклахома Сити Тандер успеаја да го вратат брејкот и да триумфираат на гостинскиот терен во Индијанаполис. Тандер го победија Индијана Пејсерс со 111:104.

Во натпревар полн со драма и пресврти, Пејсерс изгледаа како тим кој има целосна контрола на она што се случува на теренот, двоцифрено водство, поддршка од полна сала и моментум на нивна страна.

Сепак, сето тоа падна во вода во неизвесна завршница, во која Оклахома покажа поголема смиреност и зрелост во одлучувачките моменти. Најголемата заслуга за пресвртот оди на сметка на Шеј Гилџис-Александер, кој постигна 15 од последните 16 поени на својот тим во последните четири минути.

На крајот од натпреварот, Шеј постигна 35 поени (11/20 за двојки, 1/4 за тројки, 10/10 слободни фрлања), три скока, три украдени топки и една блокада. Покрај него, значаен придонес даде Џејлен Вилијамс со 27 поени и седум скока, додека Алекс Карусо се истакна со 20 поени и дури пет украдени топки. Чет Холмгрен доминираше во натпреварот со 14 поени и 15 скока, од кои многу дојдоа во клучни моменти на почетокот на последниот период, додека Оклахома се враќаше во игра.

Од другата страна, Пејсерс се распаднаа под притисокот. Бенедикт Матурин, херојот од третиот натпревар кога го предводеше тимот со 27 поени, беше трагичар. Во самиот финиш промаши три слободни фрлања по ред, направи два непотребни фаули.

Паскал Сиакам беше најефикасен за Индијана со 20 поени, осум скока, пет асистенции и пет украдени топки. Тајрис Халибартон запиша 18 поени и седум асистенции, Оби Топин додаде 17 поени со седум скока.

Серијата сега се сели во Оклахома Сити, каде што Тандер ќе се обидат да се приближат на чекор до титулата пред домашната публика. Петтиот натпревар е закажан за ноќта помеѓу понеделник и вторник во 2:30 часот по средноевропско време.