Лучано Спалети со обеда во Крмеона го запошна мандатото на клупата на Јувентус. „Старата дама“ го победи Кремонезе со 2:1, со головите на Костиќ и Камбијасо, стрелец за домашниот тим беше англискиот ветеран Варди.

„Првото полувреме беше добро. Ми се допаѓа начинот на кој се однесувавме, очигледно е дека имаме потенцијал во тимот, па затоа мора брзо да растеме.

Им верувам на групата, на играчите што ги имам. Сепак, постои притисок што го имам затоа што сме Јувентус“, рече Спалети.

„Јуве изгледа како одлична работа, но кога мора да бидете на клупско ниво, тогаш некои луѓе го чувствуваат притисокот. Да речеме дека победата нè става во добра позиција пред почетокот на авантурата“, рече Спалети.

Тој исто така вели дека неговите емоции брзо исчезнале кога почнал натпреварот.

„Не ми е прв пат на клупата, но доаѓам по разочарувачко искуство со националниот тим. Мислам дека сите треба да растеме како група“, рече Спалети.

Премиер лигата е позната по ниската толеранција на тренерски грешки, а на крајот од 10-то коло беше објавен четвртиот отказ од почетокот на сезоната. Вулверхемптон во моментов не изгледа како тим што ќе биде во елитата следната сезона, па затоа челниците решија цехот да го плати тренерот.

Витор Переира не издржа ниту една година на позицијата шеф на стручниот штаб на Вулверхемптон, а овој потег на раководството не претставува големо изненадување токму поради формата во која се наоѓа тимот.

Вулвс се последни на табелата и се уште се без победа оваа сезона. Вулверхемптон успеа да освои само два бода во 10 натпревари, има најмалку постигнати и најмногу примени голови, а последната капка беше поразот од 3:0 против Фулам во саботата.

Во декември претходната година, Переира ја презеде тренерската палка од Гари О’Нил, а во 38 натпревари оствари учинок од 14 победи, шест нерешени резултати и 18 порази.

Сè уште не е познато кој ќе биде неговиот наследник, но едно е сигурно, кој и да дојде се соочува со тешка задача.

Португалецот е четвртиот стручњак што е отпуштен оваа сезона, а во прашање се три тима што моментално се наоѓаат во зоната за испаѓање:

Тренери кои беа отпуштени оваа сезона во Премиер лигата

Нуно Еспирито Санто: Нотингем Форест – 8 септември
Греам Потер: Вест Хем – 27 септември
Ангелос Постекоглу: Нотингем Форест – 18 октомври
Витор Переира: Вулверхемптон – 1 ноември

Ламин Јамал има сериозни здравствени проблеми кои би можеле да влијаат на неговата кариера во иднина.

Според информациите објавени од каталонските медиуми „Спорт“ и „Мундо Депортиво“, традиционално првирзани за Барселона, Ламин Јамал се бори со пубалгија, непријатна повреда на препоните која предизвикува болка и директно влијае на неговите перформанси на теренот.

Тоа е проблем кој не е краткорочен и не се решава преку ноќ. Потребна е долгорочна работа, прилагоден тренинг и внимателно управување со оптоварувањето.

Пубалгијата, позната и како спортска хернија, е хронична болка во препоните која најчесто ги погодува спортистите чии движења вклучуваат многу промени на насоката, експлозивни движења и оптоварувања на долниот дел од телото – како што се фудбал, хокеј, тенис, ракомет и атлетика.

Овој 18-годишник има проблеми и на лично ниво, поради бурна емотивна врска со девојка постара од него, но овој здравствен проблем е секако посериозен предизвик за него.

Оваа сезона, тој има три гола и пет асистенции во осум натпревари, што статистички е одличен настап, но општиот впечаток е дека тинејџерот не е на нивото на кое играше во претходната година или година и пол.

Што знаеме за повредата?

Природа на повредата: Пубалгијата е комплексна и многу непријатна повреда за спортистите. Таа влијае на пубичната област и долниот дел од грбот и често се опишува како една од најлошите што може да ги доживее еден фудбалер.

Причини: Голем број фактори можат да придонесат за развој на пубалгија – во случајот на Јамал, тоа се ненадејни физички промени поврзани со раст, лошо држење на телото и мускулни нерамнотежи во трупот и карлицата.

Како влијае на играта на Џамал?

Болка и ограничувања: Според физиотерапевтот Луис Пухо, Јамал веројатно ќе мора да „научи да живее со тоа“ и постојано да работи на превенција и компензација.

Губење на капацитетот: Лекарите известуваат дека болката што ја чувствува може да ја намали неговата мобилност и точност на шутирање до 50%.

Пропуштени натпревари: Младиот фудбалер веќе мораше да пропушти неколку натпревари, а дури и кога игра, тоа го прави со специјални третмани за да ја држи болката под контрола.

Како се третира пубалгијата?

Нема брзо решение: Експертите предупредуваат дека пубалгијата не се решава сама по себе за еден месец. Често е состојба која бара долгорочна адаптација, а не „класично“ закрепнување.

Одморот и намалувањето на оптоварувањето, специфичниот тренинг за зајакнување на стабилизаторите на трупот, редовна физикална терапија и постепено враќање на полн интензитет помагаат.

Можни последици: Доколку не се третира правилно, пубалгијата може да стане хронична и да предизвика дегенеративни промени во ткивото, што дополнително ја комплицира кариерата на играчот, пишува „Спорт“.