Според моделот на младинската Лига на шампиони на УЕФА и Европската ракометна федерација (ЕХФ) ќе воведе натпреварување за тимови до 18 години. Натпреварувањето ЕХФ го нарече „EHF Youth Club Competition“. Во премиерното издание ќе учествува и Еурофарм Пелистер. Битолчани ќе учествуваат на турнирот во Букурешт, а противници ќе им бидат Динамо, Кјелце и Висла.

Премиерното издание ќе се игра турнирски, а завршниот турнир ќе биде во Келн.
Ќе учествуваат 16 екипи поделени во четири групи од по четири екипи. Победниците на турнирите ќе се пласираат на фајналфорот во Келн.

Турнирите ќе се одржат во Барселона, Букурешт, Веспрем и Берлин:

Турнир во Барселона: Барселона, ПСЖ, Нант, Спортинг

Турнир во Веспрем: Веспрем, Загреб, Сегед, Војводина

Турнир во Берлин: Фуксе Берлин, Магдебург, ГОГ, Савехоф

Турнир Букурешт: Динамо Букурешт, Кјелце, Висла Плоцк, Еурофарм Пелистер

Вкупно, 13 од 16. клубови кои имаат тимови во сениорската Лига на шампиони учествуваат во ова ново натпреварување до 18 години.

Алборг, Фредериција и Колштад не се дел од турнирот, а нивните места ги заземаа ГОГ, Војводина и Савехоф.

ЕХФ се надева дека новото клупско натпреварување, младинската Лига на шампиони, дополнително ќе помогне во развојот на ракометот.

Германскиот репрезентативец, Каи Хаверц, се здобил со сериозна повреда на тренинг кампот во Дубаи. Менаџерот на Арсенал Микел Артета сега има сериозен проблем, бидејќи веќе не може да смета на Букајо Сака, Габиел Мартинели и Габриел Хесус.

Новинарот на британски „Атлетик“. Дејвид Орнштајн тврди дека Каи Хаверц ја скинал тетивата.

„Атлетик“ објави дека допрва следуваат детални прегледи, дека се уште не е утврдено дали ќе биде неопходна операција, но дека сезоната 2024/25 за Хаверц е дефинитивно завршена.

Германскиот репрезентативец беше стандарден во досегашниот дел од сезоната, постигна 15 гола и забележапет асистенции на 34 настапи во сите натпреварувања.

Се додека не стане слободен играч на крајот од сезоната 2024/25. Василије Мициќ нема намера да ја напушти НБА.

Мициќ минатата недела во размена меѓу Феникс и Шарлот се пресели во Аризона. За Феникс се уште не дебитирал, поради повредата на левиот зглоб.

На прес-конференцијата на која беше претставен како нов играч на Феникс, Мициќ зборуваше токму за тоа:

„Искрено, ниту еден момент не размислував за враќање во Европа се додека имам договор со НБА“.

Се зборуваше за потенцијалното враќање на Мициќ во Европа. Се шпекулираше дека за него се интересираат Анадолу Ефес и Панатинаикос, но Мициќ засега не размислува за тоа.

„Причината поради која дојдов овде беше дефинитивно личен предизвик, излегувањето од мојата комфорна зона. Искрено, не очекував вакво нешто. Се додека имам договор ќе останам во НБА и ќе бидам целосно посветен на ова“, изјави српскиот кошаркар.

Мициќ прво пристигна во Оклахома од Ефес, ја започна сезоната 2023/24, а во јануари, во последните часови од преодниот рок Тандер го испратија во Шарлот.