Премиер лигата го отфрли планот да се заддржат пет замени во тек на еден меч и во новата 2019/20 сезона, правило кое беше направено за да се намали влијанието на повредите на фудбалерите по долгата пауза поради корона вирусот.

Наместо тоа, во англискиот фудбал ќе се вратат на три замени во натпревар и седум фудбалери кои ќе седат на клубата, откако мнозинството тимови се противеле на продолжувањето на пет замени, а за предлогот за повеќе фудбалери на клупата било нерешено (10-10).

Планот да се продолжи со пет замени од клупа на која има девет фудбалери не го доби потребното мнозинство, откако Астон вила ги предводеше понископласираните тимови кои сметаа дека големите клубови со огромен број на играчи на располагање ќе добијат поголема предност.

Мерцедес потврди дека Валтери Ботас ќе биде нивни возач и во 2021 година давајќи му на Финецот шанса за петта сезона со светските шампиони и во исто време ставајќи крај на надежите на Себастијан Фетел дека ќе добие место во „сребрената стрела“.

Финецот беше донесен од Вилијамс по шокантното пензионирање на Нико Розберг по освојувањето на титулата во 2016 и минатата сезона тој го имаше својот најдобар пласман на второто место во генерален пласман. Ботас има остварено осум победи за Мерцедес, кои продолжуваат со преговорите со Луис Хамилтон за продолжување на договорот.

„Презадоволен сум што останувам во Мерцедес во 2021. Им благодарам на сите во тимот за поддршката и за довербата што ја имаат во мене“, вели Ботас.

Леброн Џејмс повеќе е загрижен за коментарите на американскиот претседател Доналд Трамп отколку за формата на неговите Лос Анџелес лејкерс откако по 105:86 поразот од Оклахома Сити, изјави дека никому не му е грижа дали Трамп ќе гледа НБА.

Трамп повторно ги повика НБА-кошаркарите за одлуката да клечат за време на американската химна нарекувајќи го потегот срамен и додаде дека никој од претходните претседатели не направил повеќе за црната заедница во САД. Џејмс беше брутален.

„Се обидувате да ме насмеете по поразот? Го почитувам тоа. Навистина сметам дека никој во кошаркарската заедница не е загрижен што ќе го загуби него како гледач. Тоа е сè што ќе кажам. Не сакам да влегувам во дискусија бидејќи знам каде ќе отиде тоа“, вели Џејмс.

Сепак, тој посочи дека претседателските избори во САД се на неколку месеци.

„Се надевам дека сите, без разлика на расата, на бојата, на величината, ќе видат какво лидерство имаме во моментот и ќе сфатат дека ноември е многу блиску и ќе биде важен момент за Американците. Ако продолжиме да зборуваме дека сакаме подобро, сакаме промена, ќе имаме шанса за тоа“, додаде Џејмс.

Ова не е првпат Леброн да влезе во конфликт со Трамп. Кога Трамп не го повика НБА-шампионот Голден Стејт вориорс во Белата куќа во септември 2017 по изјавите на Стивен Кари, Џејмс го нарече губитник, а во февруари 2018 година посочи дека на Трамп не му е грижа за Американците.

LeBron’s response to me asking him about President Trump calling NBA players kneeling during the national anthem “disgraceful” and saying no one has done more for the Black community than him:

“Are you trying to make me laugh right now? I appreciate that.” https://t.co/UhGbgz4YFL

— Melissa Rohlin (@melissarohlin) August 6, 2020