Спорт
Хаос на Австралија опен поради ужасниот воздух во Мелбурн
Словенечката тенисерка Далила Јакуповиќ мораше да се откаже од квалификациите за Австралија опен, откако поради лошиот квалитет на воздухот почна неконтролирано да кашла. Јакуповиќ се повлече во вториот сет од мечот со Швајцарката Штефани Фегеле и призна дека едноставно не можела да продолжи.
„Беше навистина лошо. Никогаш не сум имала вакво искуство и се плашев дека ќе колабирам бидејќи немав сила во нозете“, изјави Јакуповиќ.
This is how bad the conditions are in Australia/Melbourne from the #AustraliaBushfires
Dalila Jakupovic the tennis player had a coughing fit and had to forfeit the match. pic.twitter.com/BfV0iMiKB3
— ⚽️Sam⚽️ (@OzzyFutball) January 14, 2020
Квалификациите беа одложени еден час, а тренинзите беа привремено забранети на терените на Мелбурн парк поради лошиот квалитет на воздухот. На луѓето во Мелбурн им се советува да останат дома и да не излегуваат надвор без потреба откако во воздухот има премногу чад од катастрофалните пожари кои овој месец ја потресоа Австралија.
Канаѓанката Јуџини Бушар исто така го прекина својот квалификациски меч против Кинеската Ју Ксиаоди, жалејќи се на болки во градите, но се врати на теренот и победи со 4:6/7:6/6:1.
Safe to say Sharapova didn’t enjoy her time at the Kooyong Classic…
[getty] pic.twitter.com/RszlOgLbSg
— José Morgado (@josemorgado) January 14, 2020
Егзибицискиот меч помеѓу Марија Шарапова и Германката Лаура Зигемунд беше прекинат при 7:6/5:5 водство на Зигемунд откако двете тенисерки се пожалија на воздухот.
„Почнав да чувствувам потреба за кашлање на крајот на вториот сет, но бидејќи бев болна последните неколку недели мислев дека е поради тоа. Но, кога ја слушнав Лаура како зборува со судијата, сфативме дека е преопасно“, изјави Шарапова.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јунајтед стави 11 играчи на трансфер листата
Манчестер Јунајтед игра уште една лоша. Поради тоа Сер Џим Ретклиф и останатите челници на „црвените ѓаволи“ донеле радикална одлука, во летниот преоден рок на продажба ќе биде половина од тимот.
Шестото место, 53 бодови и 24 бодови зад лидерот Арсенал по 33 одиграни натпревари сигурно никого не задоволува на „Олд Трафорд“.
Покрај тоа, клубот го загуби финалето на Лига купот и заврши на четвртото место во групата на Лигата на шампионите во конкуренција на Баерн, Копенхаген и Галатасарај.
Пред неколку дена Манчестер Јунајтед на „мускули“, по изведувањето пенали го елиминираше Ковентри во полуфиналето на ФА Купот. За трофејот ќе игра против Манчестер Сити на 25 мај на Вембли.
Поради тоа во клубот донеле радикална одлука. 11 играчи ќе бидат ставени на трансфер листата и ќе можат да го напуштат клубот во летниот преоден рок.
На списокот има Во него има неколку звучни имиња:
Арон Ван-Бисака
Виктор Линделоф
Хари Мегваер
Рафаел Варан
Касемиро
Кристијан Ериксен
Антони
Дони Ван де Бек
Џејдон Санчо
Ентони Марсијал
Маркус Рашфорд
Спорт
Судењето на Манчестер Сити ќе започне во „блиска иднина“
Првиот човек на Премиер лигата, Ричард Мастерс, изјави дека „во блиска иднина ќе се одржи рочиште за случајот со Манчестер Сити по сите 115 точки“.
Бен Рамсби, истражувачки новинар на англиски Телеграф, ја објави веста на својот профил на мрежата „Х“.
Со коментар дека „ова е најблиску до кое Мастерс дошол да спомне конкретен датум“.
Некои информации кои се појавија во јавноста на крајот на минатата година укажуваа дека судењето би можело да започне есента 2024 година.
Сити е обвинет по 115 точки од обвинението за повеќекратни финансиски прекршоци. Истрагата започна уште во 2018 година и продолжи до почетокот на 2023 година, а беа проверени и одлуките и работењето на клубот од сезоната 2009/10.
Што значи тоа „во блиска иднина“ останува да видиме. Судењето веќе е одложено поради откривање на нови докази и сведоци подготвени да сведочат.
Спорт
Ибрахимовиќ му препорача тренер на Милан
Златан Ибрахимовиќ (42) од оваа сезона е советник за спортски прашања во фудбалскиот клуб Милан. Легендарниот шведски центарфор учествува во обликувањето на спортската политика на клубот, а наскоро „росонерите“ ќе треба да одберат нов тренер. Стефано Пиоли го напушта клубот на крајот на сезоната по пет години и едно освоено Скудето.
Италијанските медиуми пишуваат дека Златан лобира функцијата да ја преземе Марк ван Бомел (47). Поранешниот холандски играч за врска го предводи белгиски Антверпен.
Ибрахимовиќ и Ван Бомел играа заедно за Милан од јануари 2011 до јуни 2022 година. Наводно клубот веќе стапил во контакт со тренерот.
Ван Бомел во кариерата самостојно ги водеше ПСВ и Волфсбург, а работеше и како асистент во репрезентациите на Австралија и Саудиска Арабија. Во својата кариера настапуваше за Фортуна Ситард, ПСВ, Барселона, Баерн и Милан, а кариера ја заврши пред 11 години како играч на ПСВ Ајндховен.
Раководството на Милан размислува уште неколку кандидати. Според „Газета дело Спорт“, најголеми фаворити се Пауло Фонсека и Хулен Лопетеги. Фонсека е 51-годишен Португалец кој моментално раководи со Лил, а две години работеше во Италија како тренер на Рома.
Лопетеги (57) оваа сезона е без работа откако се раздели со Волвс, додека најпознат е по менаџирањето на Шпанија, Реал Мадрид и Севилја.