Спорт
Хау: Тежок период за Тонали, но тој е подготвен за игра
![](https://makfax.com.mk/wp-content/uploads/2023/10/d97e9703-b490-435c-9b11-5fd7f4422a6d_gettyimages-1610429048.jpg)
Менаџерот на Њукасл, Еди Хау, изјави дека должност на секој клуб е да му помогне на играч кој е во тешка ситуација. Токму тоа е случај со „страчките“ и нивниот играч за врска Сандро Тонали, кој е под истрага за обложување на нелегамно он-лајн платформи.
Заедно со Тонали, се води постапка и против неговите сонародници, Николо Заниоло и Николо Фаџоли. Казната на Фаџоли е веќе позната, тој доби седум месечна суспензија.
Се очекува играчот од средниот ред на Њукасл да биде поостро казнет од Фаџоли, кој признал се и ги открил детали кои не и биле познати на истрагата.
Тонали исто така соработувал со обвинителството и признал дека се обложувал на натпревари на Милан додека бил дел од тој клуб, но само на натпревари каде што не бил дел од тимот.
„Тонали е во конкуренција за натпреварот против Кристал Палас. Зад себе имаше многу тешки неколку недели. Тој се соочува соказна, и колку што можам да видам одлично се справува со околностите. Дознав за тоа кога пред неколку дена ми се јави спортскиот директор Ден Ешворт. Беше изненадување за сите нас, но тоа понекогаш се случува во овој бизнис. Веднаш помислив дека морам да се уверам дека Сандро е добро“, рече Хау, додавајќи:
„И фудбалерите се луѓе – ранливи и имаат свои пороци. Образованието е секогаш најважно – особено во младинските категории играчите треба да се информираат и да им се помогне да стекнат добри животни навики. Тоа е многу важно со професионален спортист. Мора да се обидеме да им обезбедиме услови за долга кариера, тоа е наша должност“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
![](https://makfax.com.mk/wp-content/uploads/2024/06/jonatan.jpg)
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
![](https://makfax.com.mk/wp-content/uploads/2024/06/JOKOVITS.jpg)
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва