Спорт
Хаверц донираше 200.000 евра за погодените од германските поплави
Ѕвездата на Челси, Каи Хаверц донираше 200.000 евра на германскиот Црвен крст за помош на погодените од големите поплави во неговата татковина.
Токму родниот крај на 22-годишниот Хаверц, Рајнската област беше најпогодена од полавите во јули и тој признава дека бил шокиран од состојбата на терен. Покрај донацијата, тој ќе се обиде да собере пари преку добротворни акции – ќе изработи 100 пара на копачки кои ќе бидат дадени на аукција.
Хаверц вели дека првпат слушнал за ситуацијата во телефонски разговор со неговиот татко по елиминацијата на Германија од ЕУРО 2020.
„Да бидам искрен, не ги сфатив неговите зборови сериозно, бидејќи поплавите се случуваат во тој крај. Но, кога ми ги прати фотографиите и видеата, сфатив дека е страшно. Посебно ми падна тешко бидејќи живеев на 20 минути од тоа место, пораснав там. Знам дека многумина веќе заборавија на тоа, но моето семејство живее таму и има многу бездомници кои немаат ниту каде да спијат, а нема ниту струја. Затоа мислам дека сега е добро време да се помогне“, вели Хаверц.
We are all at risk of a natural disaster hitting our homes, the places filled with childhood memories. From this video you may feel connected with my home region and the challenges we face. If you would like to learn more or support the @roteskreuz_de —> https://t.co/ZJJwh1gkij pic.twitter.com/d9Lv6REhv0
— Kai Havertz (@kaihavertz29) August 20, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.