Спорт

Хендерсон: Сите во Ливерпул имаат огромна почит кон Рашфорд

Објавено пред

1 месец

- 17 јануари, 2021

Од

Капитенот на Ливерпул, Џордан Хендерсон пред големото дерби против Манчестер јунајтед зборуваше за огромната почит која сите во клубот ја имаат кон противничкиот напаѓач Маркус Рашфорд за неговата работа во добротворни цели.

Рашфорд во текот на пандемијата на КОВИД-19 делумно стана активист, борејќи се со детската сиромаштија, поведувајќи неколку кампањи за доделување на храна на учениците кои не одат на училиште.

Менаџерот на Ливерпул, Јирген Клоп во октомври изјави дека е горд на Рашфорд, а сега Хендерсон иако признава дека нема да има простор за сентименалности во дербито, вели дека мора да му се оддаде почит на Рашфорд, кој ја продолжи и добрата форма на теренот со 14 гола и 9 асистенции ова сезона.

„Овојпат, ќе го ставиме ривалството на страна и ќе му оддадеме почит на еден од фудбалерите на Јунајтед, и мислам дека сите фанови ќе ме поддржат во тоа, бидејќи се работи за Маркус Рашфорд. Тоа што го направи тој во последните 12 месеци е неверојатно. Се бореше против сиромаштијата, даде глас на децата кои го немаат тоа, и ја искористи својата репутација да помогне на другите. Секоја награда и секоја пофалба која ја добива, не само што е заслужена, туку и е премалку. Енди Робертсон неодамна кажа дека Маркус би бил првиот фудбалер на Јунајтед кој би добил аплаузи и овации од публиката на ‘Енфилд’. Тоа нема да се случи сега, но се надевам дека тој знае дека сите во Ливерпул имаат целосна почит кон него. Тој е пример за сите. Имам среќа што го имам како колега во англиската репрезентација, но денеска тоа нема да важи и знам дека и тој го мисли истото. Денеска е ден за ривалство“, вели Хендерсон.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Дренте покажа дека има големо срце

Претходно

Чалханоглу и Ернандез позитивни на КОВИД-19

Спорт

Адеми и Ристовски против Тотенхем, Манчестер јунајтед ќе се соочат со Милан

Објавено пред

1 час

- 26 февруари, 2021

Од

TopSport.mk

УЕФА, во своето седиште во Нион, попладнево ги одреди двојките за осмина-финалето, во Лига Европа. Несомнено дека дерби на оваа фаза е пресметката на поранешните европски шампиони Манчестер јунајтед и Милан. Динамо Загреб, во чии редови играат македонските репрезентативци Аријан Адеми и Стефан Ристовски, за противник го доби Тотенхем.

Ждрешката во Нион реши Паоло Фонсека да ја предводи Рома против својот поранешен клуб Шахјтјор и овозможи реприза на осмина-финалето од минатата сезона, кога Олимпијакос во два драматични натпревари го елиминираше Арсенал.

Осмина-финални двојки во Лига Европа:

Ајакс-Јанг Бојс
Динамо Киев-Виљареал
Рома-Шахтјор
Олимпијакос-Арсенал
Динамо Загреб-Тотенхем
Манчестер јунајтед-Милан
Славија Прага-Глазгов Ренџерс
Гранада-Молде

Натпреварите од оваа фаза во Лига Европа на распоредот ќе бидат на 11 и 18.март.

Прикажи повеќе...

Спорт

Хендерсон успешно опериран, го чека подолга пауза

Објавено пред

2 часа

- 26 февруари, 2021

Од

TopSport.mk

Капитенот на Ливерпул, Џордан Хендерсон, денес бил опериран, соопшти клубот од „Енфилд“. Хендерсон, во саботата, на натпреварот против Евертон се здоби со повреда на препоните.

Ливерпул, во соопштението, не прецизира колкава пауза го очекува Хендерсон. Се претпоставува дека тој нема да игра еден месец, додека медиумите шпекулираат дека пред капитенот е пауза од десет недели.

Јирген Клоп, остана без уште еден важен играч во тимот, од претходно тој не може да смета на Вирџил Ван Дајк, Џо Гомез и Фабињо.

Ливерпул се шестти на табелата во Премиер лигата, со 19 поени помалку од лидерите Манчестер сити. „Црвените“ се во лоша серија, забележаа порази на последните четири натпревари и до крајот на сезоната ќе се борат за место во Лигата на шампионите.

Прикажи повеќе...

Спорт

Рома без Џеко ќе го напаѓа Милан

Објавено пред

2 часа

- 26 февруари, 2021

Од

TopSport.mk

Рома, во недела, ќе го пречека Милан, во дерби дуелот во Серија А. „Волчицата“ за овој дуел нема да може да смета на Един Џеко.

Рома, синоќа, и во реваншот ја победи Брага и се пласира во осмина-финалето во Лига Европа. Римјаните славеа со 3:1, а серијата голови ја отвори Џеко.

Сепак, напаѓачот, не издржа до крајот на теренот. Во второто полувреме замина во соблекувалната.

Рона, не информира за каква повреда станува збор, а медиумите ги пренесуваат зборовите на тренерот Паоло Фонсека, кој рекол дека Џеко ќе го пропушти дербито со Милан.

Прикажи повеќе...