Спорт
Хенес: Нема да биде лесно во наредните 10 години, Саудијците купувуваат се што ќе посакаат
Поранешниот прв човек на Баерн Минхен, Ули Хенес (71) е загрижен за тоа што го прави Саудиска Арабија во последните месеци. Оваа земја во своите клубови носи големи ѕвезди на светскиот фудбал. Ги убедува со неверојатно високи плати. Хенес тврди дека ова е огромен проблем за иднината на фудбалот.
Ули Хенес со години беше на чело на Баерн Минхен. Легендарниот спортски работник испрати бројни ѕвезди низ клубот, направи бројни трансфери со сите се движеа во границите на реалноста.
Тој смета дека потезите на Саудиска Арабија би можеле да бидат сериозен проблем. За нестварни плати во оваа земја веќе се преселија Кристијано Роналдо, Карим Бензема, Н’Голо Канте…
Хенес ја препознава големата опасност од огромните договори. Тој смета дека всушност целиот свет ги финансира овие трансфери.
„Не е проблем само Манчестер сити, туку се што доаѓа од Блискиот Исток. Многу сум загрижен за тоа што прави Саудиска Арабија. Се чини дека тие имаат неисцрпен извор на пари. Сите ние ова го плаќаме со високите вени на горивата“, изјави Хенес и дополни.
„Нема смисла да се жалиме. Мораме да најдеме начин да се спротивставиме на ова. Нема да биде лесно во следните 10 години, гледата дека куповаат што сакаат“.
Хенсе оваа изјава ја даде откако германските медиуми објавија дека тројца играчи од генерацијата која стана светски првак во 2014: Тони Крос, Томас Милер и Марио Геце, ги одбиле сите понуди од Саудиска Арабија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шортс не успеа да спречи пораз на Париз од Црвена звезда
Ти-Џеј Шортс и екипата на Париз со пораз дебитираа во Евролигата. Актуелниот освојувач на Еврокупот загуби на домашен терен од Црвена звезда со 77:80.
Париз ја имаше контролата врз натпреварот две и пол четвртини, во еден момент предноста на домашните изнесуваше 13 поени, но и тоа не им беше доволно да забележат победа.
Шортс натпреварот го заврши со 16 поени, три скока и четири асистенции. Покрај Американецот со македонски пасош, двоцифрени во редовите на Париз беа Хифи и Ло со по 12, односно Хејс со 10 поени.
Кај Црвена звезда блескаше Немања Недовиќ со 21 поен за нешто повече од 21 минута, Кенан постигна 14 поени, Калиниќ и Мекинтаер по девет, првиот имаше и пет скока и три асистенции, вториот шест скока и седум асистенции.
Kalinaaaaaa 🔥🔥🔥#kkcz #WeAreTheTeam
— KK Crvena zvezda Meridianbet (@kkcrvenazvezda) October 4, 2024
Во вториот натпревар кој започна во 21 часот, Анадолу Ефес во Болоња го победи Виртус со 76:67. Во натпревар полн со пресврти гостите ги предводеа Отуру со 14 поени и девет скока, Брајант со 12 поени и пет скока, односно Ларкин со 11 поени, шест скока и три асистенции.
Кај Виртус се истакна Кординие со 16 поени. Поранешниот играч на Ефес, Клајбурн за 18 минути не постигна ниту еден поен, во статистиката запиша пет скока и една асистенција.
Спорт
Голем удар за Фенербахче, Вилбекин тешко се повреди
Кошаркарот на Фенербахче, Скоти Вилбекин се повреди во првото коло од Евролигата. Фенер со победа над Олимпијакос 82:71 ја започна новата сезона во елитното натпреварување.
Крајот на овој натпревар го одбележа расправијата меѓу двајцата тренери Шарунас Јасикевичиус и Јоргос Барцокас, кои имаа што да си кажат и за време на натпреварот.
На овој натпревар, поточно во втората четвртина, се повреди американскиот кошаркар со турски пасош Скоти Вилбекин.
Како што се стравуваше, повредата на Скоти Вилбекин е посериозна и тој ќе ја пропушти целата сезона 2024/25, пренесува новинарот Донатас Урбонас.
Тој вели дека се Вилбекин ги оштетил предните вкрстени лигаменти на коленото.
Спорт
(Видео) Лукаку со гол и две асистенции го водеше Наполи до триумф над Комо
Наполи со победата против Комо со 3:1 во натпреварот од седмото коло во италијанската Серија А ја зголеми предноста пред Јувентус на првото место на првенствената табела. За тимот на Антонио Конте погодија Скот Мектоминеј, Ромелу Лукаку и Давид Нерес, а за гостите од Комо, Габриел Стрефеца.
Наполи одлично го започна натпреварот. Шкотскиот играч за врска Скот Мектоминеј постигна гол во првата минута на асистенција на Лукаку. Гостите израмнија во 43. минута со голот на Габриел Стрефеца.
Во второто полувреме, Лукаку реализираше пенал за 2:1 во 53. минута, а потоа му асистираше на Давид Нерес во 86. минута за конечни 3:1, со што Наполи ја постигна петтата победа во новата сезона во Серија А.
Мектоминеј и Нерес ги постигнаа дебитанските голови во дресот на Наполи.
Тимот под водство на Антонио Конте е на врвот на табелата со 16 бодови, пред Јувентус кој има 12 бодови и натпревар помалку. Комо е на десеттата позиција со осум бодови.