Проектот европска Суперлига, доживеа колапс, откако доцна синоќа, англиските клубови (Челси, Тотенхем, Арсена, Ливерпул, Манчестер јунајтед, Манчестер сити), потврдија дека го напуштаат ова натпреварување.

Англиските клубови, на своите официјални страници, со куси соопштенија, објавија дека ја започнале постапката за повлекување од Суперлигата. Забележливо е дека ниту еден клуб не ја наведува вистинската причина зошто се повлекува. Сите потенцираат дека попуштиле под притисок на навивачите, јавноста и Владата.

„Мундо Депортиво“, ја објави можната причина за повлекувањето на клубовите од Премиерлигата.

„Овие шест клуба и зададоа критичен, но не и конечен удар на Суперлигата. Преостанатите клубови и понатаму стојат зад овој проект, додека англиските клубови попуштија под притисок на навивачите и јавноста. Но тоа не е единствената причина. Според нашите информации, во одлуката да се повлечат клучна е улогата на УЕФА. Не се повлекоа поради заканите од УЕФА, туку поради тоа што УЕФА им понудила многу пари за да ја напуштет Суперлигата. Отсуството на врвните англиски клубови би претставувал голем финансиски удар за УЕФА. Шпанските клубови не добија таква понуда бидејќи нив, а особено Флорентино Перез, УЕФА го посочува како главни непријатели“, пишува „Мундо Депортиво“ и додава.

„Реал и Барселона веруваат дека Суперлигата ќе ги спаси од финансиски колапс. Тие веруваат дека сепак ќе успеат да ги убедат англиските клубови да им се приклучат“.

Пет натпревари се одиграа изминатата ноќ во НБА лигата. Победи забележаа Лос Анџелес Клиперс, Минесота, Њујорк, Бруклин и Атланта.

Дербито помеѓу Поертланд и Клиперси, во драматична завршница им припадна на кошаркарите од Лос Анџелес. Конечниот резултат 113:112 го постави Пол Џорџ на 4,8 секунди до крајот. Крилниот играч ан Клиперси беше прецизен од линијата за слободни фрлања. Џорџ натпреварот го заврши со 33 поени и 11 скокови. На спротивната страна се истакна Си Џеј Мекалум со 28 поени.

Резултати:

Атланта-Орландо 112:96
Њу Орлеанс-Бруклин 129:134
Њујорк-Шарлот 109:97
Сакраменто-Минесота 120:134.



Давид Алаба од наредната сезона ќе го носи дресот на Реал Мадрид. Австриецот во „кралскиот клуб“ ќе пристигне без обесштетување. Со Реал ќе потпише петгодишен договор.

Давид Алаба не успеа да се договори со Баерн околу платата, поради што реши да го напушти Минхен. Реал решија да ги исполнат финансиските барања на Австриецот. Алаба ќе стане најпалтениот дефанзивец во светот, со годишна плата од 22 милиони евра.

Алба е поливалентен играч, поради што ќе биде големо засилување за Реа. Тој може да игра како лев бек, централен дефанзивец и во редот за врска.