Францускиот репрезентативец и поранешна ѕвезда на Милан, Тео Ернандез, отворено проговори за своето заминување од „Сан Сиро“ во интервју за италијанските медиуми.

По шест години во црвено-црниот дрес, ова лето се пресели во Ал Хилал од Саудиска Арабија. Во интервјуто откри дека бил принуден да си замине, иако сакал да остане во клубот.

„Дали некогаш би заминал? Никогаш. Мојот приоритет беше да останам. Велеа дека барам нереални услови или форсирам трансфер… сето тоа е лага“, рече Тео.

Вистинската причина за заминувањето, тврди тој, била ултиматумот на раководството:

„Заслужував подобар третман. Некои соиграчи ме наговараа да останам, но кога директорот вели „ако останеш, ќе те исфрлиме од тимот“, што друго можам да направам освен да барам нов клуб.“

⚡️ L’arrière gauche d’Al-Hilal Théo Hernandez revient sur son départ mouvementé de l’AC Milan cet été. L’occasion pour l’international français de tacler ses anciens dirigeants et de rappeler aux tifosi qu’il ne voulait pas partir.https://t.co/q8pKeQ01Pp pic.twitter.com/a04OH4Q2uk

— RMC Sport (@RMCsport) December 20, 2025

Ернандез верува дека работите се промениле во Милан со заминувањето на Паоло Малдини, легендата што го донесе во клубот.

„Кога пристигнав, тука беа Масара, Бобан и Малдини, мојот идол. Ибра е врвен, но откако Паоло си замина, сè тргна наопаку. На некои луѓе не им се допадна што дојдовме на тренинг во дресови на Малдини. Го уништија симболот на клубот. Ибра е тука, но се чувствува дека недостасуваат други легенди на клубот“.

Сепак, тој ги опишува годините во Милан како „магични, неповторливи“. Тој конкретно се осврна на Златан Ибрахимовиќ:

„На тренинзите не тепаше, не уништуваше… но за наше добро. По одморот, ми рече: „Каде одиш со 90 килограми?“ Нè мотивираше да бидеме најдобри и постојано ни даваше совети“.

Денес, Тео е среќен во Ријад под водство на Симоне Инзаги, но неговото срце останува во Милан:

„Сега сакам да победувам тука. Но, сè додека има одредени луѓе во клубот, нема да се вратам. Сепак, љубовта кон навивачите останува. Ако Милан го освои Скудетото, би славел со нив“, рече Тео Ернандез.

Foto/ depositphotos

Дејан Станковиќ повторно ќе стане тренер на фудбалскиот клуб Црвена звезда. Како и пред шест години, тој доаѓа на местото на Владан Милојевиќ.

Владан милојевиќ, ја напушти прес-конференцијата без да даде изјава, откако црвено-белите ја победија Младост со 4:0 во саботата, јасно посочувајќи дека натпреварот му бил последен како шеф на стручниот штаб.

Како што објави „Моцартспорт“, Дејан Станковиќ во понеделник ќе биде промовиран во нов тренер на Црвена звезда. Според овој извор тој веќе потпишал две ипол годишен договор.

„Црвена звезда го сакаше Алберт Ријера (тренер на Целје) како своја примарна желба, не успеаја да го ангажираат Шпанецот, а во исто време, Станковиќ остана без работа во московски Спартак. 47-годишниот стручњак автоматски се наметна како најлогична опција во декемвриските денови, и така по втор пат екс играчот на Лацио и Интер и еден од најомилените играчи на Звезда во ерата по Бари ќе седне на црвено-белата клупа. Интересно, како историјата да се повторува, бидејќи во декември 2019 година, Станковиќ го замени Владан Милојевиќ по завршувањето на првиот дел од сезоната“, пишува порталот.

Во својот прв мандат, Дејан Станковиќ ја тренираше Звезда од декември 2019 до август 2022 година.

Тој освои три титули во српското првенство и двапати го освои Купот на Србија, а три пати беше елиминиран во плејофот за пласман во Лигата на шампионите.

Foto/ shutterstock

Бразилскиот ветеран, Тијаго Силва (41) се врати во Европа, тој потпиша договор „еден плус еден“ со Порто. Значи тој ќе игра за португалскиот клуб до крајот на сезоната, со можност за продолжување за уште една сезона.

Минатата недела, Силва го раскина договорот со Флуминенсе од родниот Рио де Жанеиро. Во Флуминесе мина две сезони во својот втор мандат во дресот на „триколорите“ .

Силва го носеше сино-белиот дрес на клубот со „Драгао“ во сезоната 2004/05, но беше дел од Б тимот, играше во втората лига на португалскиот фудбал. Сепак, тој не доби можност да игра за првиот тим на Порто, кој го испрати во московски Динамо, но не играше ниту во познатиот руски клуб, па беше испратен на позајмица во Флуминенсе.

Клубот од неговиот роден град го задржа три години, а сонародникот Леонардо, кој го предводеше тренерскиот штаб на Милан во 2009 година, го донесе во „росонерите“, со кои Силва ја освои двојната круна во 2011 година.

Силва остана на „Сан Сиро“ три сезони, по што следеше ангажман со Пари Сен Жермен, каде што помина полни осум години, носејќи ја капитенската лента и освојувајќи седум титули и пет изданија на Купот на Франција.

Потоа четири сезони од 2020 до 2024 го носеше дресот на Челзи. Со „сините“ успеа да ја освои и Лигата на шампионите.

КОга се врати во Бразил, се чинеше дека таму и ќе ја заврши кариерата, но тој се премисли, има голема желба да избори место во бразилската селекција на Мундијало, поради што се реши да се врати во Европа.

Foto/ depositphotos