Чаирскиот прволигаш Шкупи е новиот лидер на табелата во ПМФЛ по првиот меч од 10 коло. Триумф на Шкупи на својот стадион против Силекс со 1-0 за лидерска позиција барем до утре кога Шкендија може повторно да се врати на врвот.

По 0-0 на полувремето на лошиот терен во Чаир, во второто полувреме единствениот гол го постигна Бесир Исени по катастрофалната грешка на дефанзивецот на Силекс, Карчески.

И двете екипи имаа шанси до крајот на мечот, но резултатот не се промени.

Сега Шкупи е прв на табелата со 22 бода, пред Шкендија која има 21, но и меч помалку.

По денешниот пораз, Силекс останува на петтата позиција.

Фото: FC SHKUPI

Реал Мадрид одлично го отвори дуелот против Барселона на „Ноу Камп“. Во 5-тата минути Валверде по одличната асистенција на Бензема погоди високо во десниот агол за 1-0 за „Кралевите“.

По само 3 минути, четата на Лео Меси израмнува на 1-1. По левата страна се проби Алба, одлично го пронакде Ансу Фати, а тинејџерот го совлада Куртоа за 1-1.

Поранешниот италијански фудбалер, Лука Тони член на златната генерација од 2006-та и неговото семејство биле жртви на вооружен грабеж во четвртокот вечерта, во нивниот дом. Екс-напаѓачот на Верона, Баерн и Фиорентина за тоа ја информираше јавноста на Инстаграм.

„Затоа што се вртат разни приказни, сакам да потврдам дека во четвртокот вечерта меѓу 19.30 и 21.30 часот тројца крадци кои имале маски на лицата и биле вооружени го ограбиле мојот дом. Најважното е дека моето семејство е добро и никој не е повреден, иако се под стрес поради трауматичното искуство. Тажно е што крадците украле работи кои имаат сентиментална вредност за мене. Полицијата изврши увид, најверојатно по повик од соседите кои виделе нешто, но камерите не забележале ништо чудно. Ве молам да се почитува приватноста на моето семејство“ напиша 43-годишниот Тони.

Италијанецот е само еден во низата фудбалери кои се ограбени изминатиот период. Сличен проблем имаше и играчот на „виолетовите“, Франк Рибери пред неколку месеци.