Премиер лигата е позната по ниската толеранција на тренерски грешки, а на крајот од 10-то коло беше објавен четвртиот отказ од почетокот на сезоната. Вулверхемптон во моментов не изгледа како тим што ќе биде во елитата следната сезона, па затоа челниците решија цехот да го плати тренерот.

Витор Переира не издржа ниту една година на позицијата шеф на стручниот штаб на Вулверхемптон, а овој потег на раководството не претставува големо изненадување токму поради формата во која се наоѓа тимот.

Вулвс се последни на табелата и се уште се без победа оваа сезона. Вулверхемптон успеа да освои само два бода во 10 натпревари, има најмалку постигнати и најмногу примени голови, а последната капка беше поразот од 3:0 против Фулам во саботата.

Во декември претходната година, Переира ја презеде тренерската палка од Гари О’Нил, а во 38 натпревари оствари учинок од 14 победи, шест нерешени резултати и 18 порази.

Сè уште не е познато кој ќе биде неговиот наследник, но едно е сигурно, кој и да дојде се соочува со тешка задача.

Португалецот е четвртиот стручњак што е отпуштен оваа сезона, а во прашање се три тима што моментално се наоѓаат во зоната за испаѓање:

Тренери кои беа отпуштени оваа сезона во Премиер лигата

Нуно Еспирито Санто: Нотингем Форест – 8 септември
Греам Потер: Вест Хем – 27 септември
Ангелос Постекоглу: Нотингем Форест – 18 октомври
Витор Переира: Вулверхемптон – 1 ноември

Ламин Јамал има сериозни здравствени проблеми кои би можеле да влијаат на неговата кариера во иднина.

Според информациите објавени од каталонските медиуми „Спорт“ и „Мундо Депортиво“, традиционално првирзани за Барселона, Ламин Јамал се бори со пубалгија, непријатна повреда на препоните која предизвикува болка и директно влијае на неговите перформанси на теренот.

Тоа е проблем кој не е краткорочен и не се решава преку ноќ. Потребна е долгорочна работа, прилагоден тренинг и внимателно управување со оптоварувањето.

Пубалгијата, позната и како спортска хернија, е хронична болка во препоните која најчесто ги погодува спортистите чии движења вклучуваат многу промени на насоката, експлозивни движења и оптоварувања на долниот дел од телото – како што се фудбал, хокеј, тенис, ракомет и атлетика.

Овој 18-годишник има проблеми и на лично ниво, поради бурна емотивна врска со девојка постара од него, но овој здравствен проблем е секако посериозен предизвик за него.

Оваа сезона, тој има три гола и пет асистенции во осум натпревари, што статистички е одличен настап, но општиот впечаток е дека тинејџерот не е на нивото на кое играше во претходната година или година и пол.

Што знаеме за повредата?

Природа на повредата: Пубалгијата е комплексна и многу непријатна повреда за спортистите. Таа влијае на пубичната област и долниот дел од грбот и често се опишува како една од најлошите што може да ги доживее еден фудбалер.

Причини: Голем број фактори можат да придонесат за развој на пубалгија – во случајот на Јамал, тоа се ненадејни физички промени поврзани со раст, лошо држење на телото и мускулни нерамнотежи во трупот и карлицата.

Како влијае на играта на Џамал?

Болка и ограничувања: Според физиотерапевтот Луис Пухо, Јамал веројатно ќе мора да „научи да живее со тоа“ и постојано да работи на превенција и компензација.

Губење на капацитетот: Лекарите известуваат дека болката што ја чувствува може да ја намали неговата мобилност и точност на шутирање до 50%.

Пропуштени натпревари: Младиот фудбалер веќе мораше да пропушти неколку натпревари, а дури и кога игра, тоа го прави со специјални третмани за да ја држи болката под контрола.

Како се третира пубалгијата?

Нема брзо решение: Експертите предупредуваат дека пубалгијата не се решава сама по себе за еден месец. Често е состојба која бара долгорочна адаптација, а не „класично“ закрепнување.

Одморот и намалувањето на оптоварувањето, специфичниот тренинг за зајакнување на стабилизаторите на трупот, редовна физикална терапија и постепено враќање на полн интензитет помагаат.

Можни последици: Доколку не се третира правилно, пубалгијата може да стане хронична и да предизвика дегенеративни промени во ткивото, што дополнително ја комплицира кариерата на играчот, пишува „Спорт“.

Мохамед Салах го постигна својот 250-ти гол за Ливерпул, со што „црвените“ ја прекинаа серијата од четири порази во Премиер лигата со победа над Астон Вила во еден од дерби натпреварите од десеттото коло на англиското првенство.

Египќанецот без размислување го прифати „подарокот“ од гостинскиот голман Емилијано Мартинез и на крајот од првото полувреме му донесе водство на Ливерпул.

Тој гол го стави Салах во одбраното друштво на најдобрите стрелци на клубот на сите времиња. Тој им се придружи на Ијан Раш и Роџер Хант, стана третиот играч на Ливерпул кој постигнал 250 или повеќе голови во сите натпреварувања за славниот клуб од „Енфилд“.

Исто така, тој гол го најави крајот на црната серија во која шампионот на Англија неочекувано падна губејќи четири натпревари во Премиер лигата.

По натпреварот против Астон Вила, во кој „црвените“ победија со 2:0 и стигнаа до третото место на табелата, меѓу првите што му честитаа на Салах за ова достигнување беа легендарните фудбалери на Ливерпул, Стивен Џерард и Стив Мекманаман.

Тие беа во улога на стручни аналитичари за дербито и пред да ги дадат своите коментари пред ТВ камерите, срдечно го поздравија Египќанецот.

Steven Gerrard and Steve McManaman congratulate Mo Salah on reaching 250 goals for Liverpool ❤️ pic.twitter.com/vlbHgotFLX

— Football on TNT Sports (@footballontnt) November 1, 2025

Нивните фотографии и видеа заедно ги воодушевија навивачите на „Црвените“. Многумина коментираа дека прегратката на легенда како Стивен Џерард беше токму она што му требаше на Салах за да ја почувствува поддршката по неодамнешните критики за неговите лоши резултати и неговата лоша форма во претходните натпревари.

Многу поголем предизвик го чека тимот на Ливерпул веќе во вторник – големото дерби од Лигата на шампионите против Реал Мадрид на „Енфилд“, а потоа и дербито од Премиер лигата против Манчестер Сити во недела, 9 ноември на „Етихад“.

Познатиот Велшанец Ијан Раш е најдобар стрелец на Ливерпул на сите времиња со 346 гола, втор е Англичанецот Роџер Хант со 285, а трет е Мо Салах со 250.

🇪🇬👑 pic.twitter.com/HbRgfdWNRK

— Liverpool FC (@LFC) November 1, 2025