Спорт
Холандските медиуми откриваат зошто се приведени играчите на Легија

Холандските медиуми објавија неофицијални информации за апсењето на фудбалерите на Легија од Варшава, Радован Панков и Жосуе.
Легија синоќа гостуваше во Алкмар во рамките на второто коло во Конференциската лига. По натпреварот делегацијата на Легија влегла во пресметка со полицијата.
Како што првично беше објавено, дел од делегацијата на Легија, која остана на стадионот, не можеше да влезе во автобусот, по што почна судир со полицијата.
Како што пренесува порталот „Voetboalzone“, во таа прилика е повреден еден од припадник на обезбедувњето. Тој наводно се здобил со потрес на мозокот, како и скршеница во лактот. Удрил во ѕидот на излезот од стадионот што водел кон автобусот на играчите.
Тој е префрлен во болница, а Панков и Жосуе во меѓувреме се приведени. Тие ја поминаа ноќта во притвор, а холандската полиција има право да ги задржи 72 часа.
Според изворите на „Де Телеграф“, тие двајца се одговорни за тоа дело.
„По нападот на обезбедувањето, фудбалерите насилно ги отвориле затворените врати на стадионот АФАС за да влезат во автобусот. Тогаш вооружена полициска единица решила да влезе во возилото за да ги спречи осомничените да избегаат“, пишуваат холандските медиуми.
На сајтот „Легија.нет“ беше пренесено сведочењето на новинар од весникот „Факту“ во кое се нагласува дека Панков го оттурнал човекот кој влегол во вербална пресметка со него, по што тој паднал и се здобил со фрактура на лактот. И покрај тоа, припадникот на обезбедувањето станал и се обидел да го нападне српскиот стопер.
Кога бил пренесен во болница, полицијата го опколила автобусот и барала Панков и Жосуе да излезат. Според полските медиуми, тие ќе одговараат за нарушување на јавниот ред и мир и за напад на службено лице.
Според локалните медиуми, АЗ Алкмар се подготвува да преземе правни мерки против Легија.
Легија најави дека во 14 часот ќе се одржи прес-конференција на која ќе зборува претседателот на клубот, Дариуш Миодуски, кој се здоби со полесни повреди во пресметката со полицијата, тој со пендрек бил удрен по главата.
Takie obrazki 𝗡𝗜𝗚𝗗𝗬 nie powinny mieć miejsca w sporcie❗ Piłkarze Legii w 𝗞𝗔𝗝𝗗𝗔𝗡𝗞𝗔𝗖𝗛, prezes Dariusz Mioduski 𝗦𝗭𝗔𝗥𝗣𝗔𝗡𝗬 przez holenderską policję… 😱
Podsumowanie nocnych wydarzeń w Alkmaar okiem @PKamieniecki znajdziecie 𝗧𝗨 👉 https://t.co/BOZuEyef4z pic.twitter.com/6ZH1khCmaZ
— TVP SPORT (@sport_tvppl) October 6, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Преговорите меѓу Реал и Винисиус се во ќорсокак

Запреа преговорите во Мадрид околу новиот договор на Винисиус Жунир. Според „ЕСПН Бразил“, преговорите меѓу Реал Мадрид и Винисиус Жуниор се во ќорсокак.
Менаџерите на фудбалерот, како што тврди овој извор, веруваат дека финансиските услови што ги нуди клубот не ги исполнуваат очекувањата.
Тековниот договор на Винисиус важи до јуни 2027 година, а неговата годишна плата со бонуси е околу 17 милиони евра.
Менаџерите на бразилскиот крилен напаѓач очекуваа зголемување на 20 милиони, со можност неговата плата, со бунусите да се зголеми на 30 милиони, но понудата на Реал Мадрид не го вклучува тоа.
Запстапниците на Бразилецот веруваат дека предложеното зголемување не е доволно за продолжување на договорот за уште три сезони. Нивната моментална стратегија е да почекаат до крајот на сезоната 2025/26 и да ја проценат улогата што Винисиус ќе ја игра во плановите на тренерот Чаби Алонсо.
Foto/ EPA/Lavandeira
Спорт
Малезија сака да ја врати Ф1

Големата награда на Малезија на патеката во Сепанг се возеше од 1999 до 2017 година и беше една од омилените на многу фанови во караванот. Сега веќе долго време е отсутна од календарот, но постои иницијатива да се врати.
Директорот на патеката, Азан Шафриман Ханиф, рече дека нема да биде лесно, Формула 1 да се врати во Малезија.
„Не сакаме да ги повториме грешките од минатото. Дозволивме Формула 1 да си оди и сега е многу тешко да се вратиме. Има листа на чекање за враќање, а секако трошоците се многу високи. Ни беше кажано дека компензациите се 70 милиони долари по трка. Тоа не ги вклучува трошоците за подготовка, кои се помеѓу 2,3 и 4,7 милиони долари за секој настан. Вкупно, враќањето на трката би нè чинело повеќе од 73 милиони“, рече Шафриман и додаде
„Има многу заинтересирани луѓе и нема да биде лесно. Но, ако сме навистина сериозни, можеби можеме да ги започнеме разговорите. Сите, од владата до корпоративниот сектор, сакаат да ја вратат Формула 1 во Малезија. Мора да погледнеме како го прави тоа Сингапур. Сите се вклучени во успехот – министерствата, корпоративниот сектор, хотелите. Сите придонесуваат. Мора да работиме на ист начин.“
Во 2017 година, Малезија се повлече од Формула 1 бидејќи трошоците на организацијата растеа, а продажбата на билети опаѓаше.
Спорт
Хојлунд или Влаховиќ – кого ќе избере Конте како замена за Лукаку

Повредата на Ромелу Лукаку може да го реши статусот на Душан Влаховиќ во Јувентус. Белгискиот напаѓач, според прогнозите од Неапол нема да игра до крајот на годината. Влаховиќ сега се појави како опција во нападот за актуелниот италијански шампион.
Трансфер пазарот во Италија влегува во својата последна фаза, се очекува дека неколку трансфери за кои се зборува во изминатиот период ќе добијат епилог.
Интер дефинитивно се откажа од Адемоле Лукман.
Преговорите со Аталанта не вродија со плод бидејќи клубот од Бергамо не сакаше да попушти, побара фиксни 50 милиони евра, без никакви бонуси.
По неуспешните разговори, Лукман се враќа во Бергамо, каде што се соочува со дисциплинска казна за пропуштање тренинзи.
Останува да се види дали Атлетико Мадрид ќе го конкретизира својот интерес до крајот на преодниот рок, иако во моментов се чини дека се поблиску до поповолно решение околу трансферот на Нико Гонзалез од Јувентус. Од друга страна, Јувентус би можел да го реши проблемот наречен , Душан Влаховиќ.
Неочекувано Влаховиќ би можел да заврши во Наполи, поради повредата на Ромелу Лукаку. Белгиецот ќе мора да се оперира и ќе биде надвор од терените најмалку четири месеци. Ова го принуди Наполи повторно да тргне во потрага по напаѓач.
Според медиумите покрај Влаховиќ во конкуренција се Расмус Хојлунд, Стеван Крстовиќ, Артем Довбик, Родриго Муниз од Фулам и Џошуа Зиркзе. Медиумите шпекулираат, но реално е Наполи да избира меѓу Хоклунд и Влаховиќ, останатите имаат цврсти договори со клубовите, што значи дека за некој од нив клубот би требало да плати голема оштетта.
Хојлунд е отпишан во Манчестер јунајтед, претпоставка е дека клубот би го пуштил за околу 25 милиони евра, додека Влаховиќ доколку сака трансфер ќе мора најпрвин да се согласи на дратично намалување на платата. Според договорот, оваа сезона треба да заработи 12 милиони евра.
Фото/ Принтскрин