Спорт
Холандските медиуми откриваат зошто се приведени играчите на Легија
Холандските медиуми објавија неофицијални информации за апсењето на фудбалерите на Легија од Варшава, Радован Панков и Жосуе.
Легија синоќа гостуваше во Алкмар во рамките на второто коло во Конференциската лига. По натпреварот делегацијата на Легија влегла во пресметка со полицијата.
Како што првично беше објавено, дел од делегацијата на Легија, која остана на стадионот, не можеше да влезе во автобусот, по што почна судир со полицијата.
Како што пренесува порталот „Voetboalzone“, во таа прилика е повреден еден од припадник на обезбедувњето. Тој наводно се здобил со потрес на мозокот, како и скршеница во лактот. Удрил во ѕидот на излезот од стадионот што водел кон автобусот на играчите.
Тој е префрлен во болница, а Панков и Жосуе во меѓувреме се приведени. Тие ја поминаа ноќта во притвор, а холандската полиција има право да ги задржи 72 часа.
Според изворите на „Де Телеграф“, тие двајца се одговорни за тоа дело.
„По нападот на обезбедувањето, фудбалерите насилно ги отвориле затворените врати на стадионот АФАС за да влезат во автобусот. Тогаш вооружена полициска единица решила да влезе во возилото за да ги спречи осомничените да избегаат“, пишуваат холандските медиуми.
На сајтот „Легија.нет“ беше пренесено сведочењето на новинар од весникот „Факту“ во кое се нагласува дека Панков го оттурнал човекот кој влегол во вербална пресметка со него, по што тој паднал и се здобил со фрактура на лактот. И покрај тоа, припадникот на обезбедувањето станал и се обидел да го нападне српскиот стопер.
Кога бил пренесен во болница, полицијата го опколила автобусот и барала Панков и Жосуе да излезат. Според полските медиуми, тие ќе одговараат за нарушување на јавниот ред и мир и за напад на службено лице.
Според локалните медиуми, АЗ Алкмар се подготвува да преземе правни мерки против Легија.
Легија најави дека во 14 часот ќе се одржи прес-конференција на која ќе зборува претседателот на клубот, Дариуш Миодуски, кој се здоби со полесни повреди во пресметката со полицијата, тој со пендрек бил удрен по главата.
Takie obrazki 𝗡𝗜𝗚𝗗𝗬 nie powinny mieć miejsca w sporcie❗ Piłkarze Legii w 𝗞𝗔𝗝𝗗𝗔𝗡𝗞𝗔𝗖𝗛, prezes Dariusz Mioduski 𝗦𝗭𝗔𝗥𝗣𝗔𝗡𝗬 przez holenderską policję… 😱
Podsumowanie nocnych wydarzeń w Alkmaar okiem @PKamieniecki znajdziecie 𝗧𝗨 👉 https://t.co/BOZuEyef4z pic.twitter.com/6ZH1khCmaZ
— TVP SPORT (@sport_tvppl) October 6, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024