Спорт
Холанѓаните извлекоа реми со Хрватска во последните секунди во меч со малку значење

Холандија и Хрватска одиграа интересен меч со повеќе пресврти за на крајот да се задоволат со 28:28 реми во последниот меч по групи за двете репрезентации на Европското првенство во Унгарија и Словачка.
Холанѓаните имаа подобро прво полувреме, предводени од голманот Тајс вон Леувен го добија со 15:13, меѓутоа Хрватска имаше повеќе од играта во второто полувреме и направија пресврт за 22:19 водство пред во последната минута да се влезе со предност на Холандија од еден гол.
Тин Лучин постигна фантастичен гол за водство на Хрватска, но Холанѓаните ја зедоа последната топка и Лук Стеинс имаше фантастичен трик пред голот на Хрватите за да донесе израмнување.
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-4105-36556”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Дејли Мејл: Ѓоковиќ ги запишал своите деца на училиште во Грција, заминува од Србија

Новак Ѓоковиќ ги запишал своите деца во приватно училиште во Грција, а неговото семејство започнува нов живот во оваа земја, по извештаите дека бил цел на српската влада поради поддршка на студентските протести, пишува „Дејли Мејл“.
Освојувачот на 24 Гренд Слем титули, кој долго време се сметаше за национален херој, се соочи со остри критики во последните месеци од медиумите лојални на претседателот Александар Вучиќ откако изрази солидарност со демонстрантите.
Протестите избувнаа во ноември минатата година по уривањето на надрешницата на железничката станица во Нови Сад. Во несреќата загинаа 16 лица. Студентите ја обвинија коруптивните активности на владата се причина за несреќата и побараа политички промени.
Ѓоковиќ ја изрази својата поддршка на социјалните мрежи, кога напиша: „Како некој што длабоко верува во силата на младите луѓе и нивната желба за подобра иднина, мислам дека е важно нивниот глас да се чуе. Србија има огромен потенцијал, а нејзината образована младина е нејзината најголема сила. Она што ни треба на сите е разбирање и почит. Со вас, Новак.“
Подоцна, тој ја посвети својата победа на Австралија Опен на студентка која брутално беше претепана од активисти на владејачката партија, на кошаркарски натпревар во Белград носеше маица со натпис „студентите се шампиони“, а сподели и слики од масовните протести со коментар „Историја, неверојатно“.
Српските таблоиди одговорија нарекувајќи го „лажен патриот“ и го обвинија дека ја поддржува таканаречената „обоена револуција“.
Според порталот „Тенис24“, Ѓоковиќ сега ги запишал својот 11-годишен син Стефан и осумгодишната ќерка Тара во колеџот Сент Лоренс, британско независно училиште во Атина, и нашол постојан дом во јужните предградија на градот.
Вчера, тој беше виден во тенискиот клуб Кавури, каде што играше со својот син во апостолки и им позираше на фото репортерите, и наводно размислува за полноправно членство во тој клуб или во клубот „91 Athens Riviera“.
Гласни се и шпекулациите дека Ѓоковиќ ќе аплицира за грчка „Златна виза“, која дава престој во замена за инвестиции. Тој веќе двапати се сретнал со премиерот Киријакос Мицотакис, последниот пат на островот Тинос.
Иако српскиот претседател се обиде да ги смири тензиите, инсистирајќи дека никогаш нема да зборува лошо за Ѓоковиќ, промената во домашните извештаи означува остар пресврт за тенисерот кој некогаш беше идолизиран во својата татковина.
Foto/ epa
Спорт
Евролигата донесе одлука, Ф4 ќе се игра во Атина

Екипите од Евролигата одлучија завршниот турнир во 2026 година да се одржи во Атина, објавуваат грчките медиуми.
Со осум гласа „за“ и три „против“, екипите во натпреварувањето одлучија полуфиналната фаза и финалето да се одржат во Атина. Главниот град на Грција беше голем фаворит, и покрај обидот на Србите да го организираат настанот во Белград.
На крајот, беше донесена одлука завршниот турнир да се одржи од 22 до 24 мај наредната година.
Ова ќе биде четвртиот Фајнал Фор што Грција ќе го организира, бидејќи во 2000 година се одржа во Солун, во 1993 година во Пиреја, а во 2007 година исто така во Атина, во ОАКА Арената.
Спорт
Трансферот на Лојд во Реал зависи од Монако и Валенсија

Кошаркарот на Монако, Џордан Лојд, постигна договор со Реал Мадрид. За да биде реализиран трансферот, Реал покрај со Монако, ќе треба да се договори и со поранешниот клуб на Лојд, Валенсија.
Лојд импресионираше со своите настапи во дресот на Европското првенство, каде што заедно со Матеуш Понитка даде клучен придонес во пласманот на селекцијата на Игор Миличиќ во четвртфиналето.
Поранешниот кошаркар на Валенсија, Црвена звезда и Зенит имаше просек од 22,4 поени, 3,3 скока и 2 асистенции по натпревар.
Вчера, вицешампионот на Евролигата го официјализираше доаѓањето на плејмејкерот на Бурса, Давид Мишино, а два дена претходно во клубот пристигна и Немања Недовиќ.
Монако ги има на позаицијата плејмејкер, Мајк Џејмс, Метју Стразел и Ник Калатес, а на позицијата бек шутер Ели Окобо и Тери Тарпеј.
Лојд требаше да има важна улога во тимот и следната сезона, но поради неговите одлични игри на Евробаскетот, неколку клубови од Евролигата го контактирале неговиот менаџер.
Како што тврди шпанската „Марка“, Реал се издвојува. Лојд и „кралскиот клуб“ постигнале договор, но Монако би можел да го блокира трансферот, исто како и Валенсија.
Доколку Реал постигне договор со Монако, ќе мора да ја чека и одлуката на Валенсија.
Валенсија има право на „тантео“ ако Лојд се врати во шпанската лига – што значи дека можат да ја изедначат понудата на Реал и да го потпишат играчот под истите услови.
Лојд беше прашан по натпреварот помеѓу Турција и Полска за потенцијален трансфер во Реал Мадрид, а неговиот одговор беше: „Немам коментар“.
Треба да се напомене дека Лојд веќе соработувал со сегашниот тренер на Реал Мадрид, Серџо Скариоло, кога двајцата беа дел од шампионскиот тим на Торонто Репторс во НБА.
Фото/ Принтскрин