Спорт
Холанѓаните пристојно ја намачија Норвешка, високи победи за Хрватска и Србија
Норвешка го обезбеди првото место во групата Ф во првата фаза на Светското првенство во Полска и Шведска, откако мораше да направи камбек во второто полувреме за тесна 27:26 победа над Холандија. Србија и Хрватска пак, стигнаа до убедливи победи за да пренесат по два поени во втората фаза на Мундијалот.
Холандија, која претходно убедливо ја совлада и македонската репрезентација, покажа дека е сосема сериозна репрезентација, откако на полувреме имаа четири гола предност (17:13) против еден од фаворитите за медал. Норвежаните, полека ја „стопија“ оваа предност, за да поведат со 21:20 и потоа во интересна завршница да ја заддржат оваа предност. Сандер Сагосен заврши со седум гола, Бартолд додаде четири за Норвешка, додека Кеј Смитс имаше седум гола за „оранје“.
Србија, пак стигна до доминантна 34:24 победа над Катар за да обезбеди втора фаза, каде што ги очекуваат мечеви токму со Норвешка, Холандија и Аргентина. Хрватска, која започна лошо со шокантен пораз од Египет, ја заврши првата фаза со 36:24 победа над Мароко, за во втората фаза да игра со Данска, Тунис и Белгија.
СП РАКОМЕТ ПОЛСКА/ШВЕДСКА
ГРУПА Е
Алжир – Германија 21:37 (9:16)
Катар – Србија 24:34 (14:17)
ГРУПА Ф
Македонија – Аргентина 26:35 (11:18)
Холандија – Норвешка 26:27 (17:13)
ГРУПА Г
Египет – САД 35:16 (19:7)
Хрватска – Мароко 36:24 (15:13)
ГРУПА Х
Белгија – Бахреин 28:30 (12:15)
Тунис – Данска 21:34 (14:19)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Хет-трик на Гризман за место во ЛШ, пресврт на Селта за опстанок во Примера
Фудбалерите на Атлетико Мадрид славеа на гости кај градскиот ривал Хетафе, додека Селта како домаќин во Виго забележа победа над Атлетик Билбао во натпреварите од 36. коло на шпанската Примера.
Тимот на Чоло Симеоне го победи Хетафе со 3:0 Хет-трик постигна Антоан Гризман.
Со овие три бода мадридските црвено-бели го потврдија четвртото место и пласман во Лигата на шампионите следната сезона.
Тоа стана јасно и математички бидејќи во исто време Атлетик Билбао беше поразен во Виго од Селта со 2:1.
Баскијците поведоа преку Алекс Беренгер во 23. минута, но светло сините го свртеа резултатот во вториот дел. Јунак на победата беше 20-годишниот Уго Алварез. Тој влезе во игра во паузата меѓу двете полувремиња и најпрво му асистираше на Швеѓанецот Вилиот Сведберг за израмнување во 68.минута, а три минути подцна постигна убав гол за 2:1.
Селта сега има пет бода повеќе од Кадиз, кој се наоѓа на 18.место на табелата.
Спорт
(Видео) Челзи на чекор до Лига Европа, Јунајтед подобар од Њукасл
Фудбалерите на Челзи направија значаен чекор кон Лига Европа со победата од 2:1 (1:0) во Брајтон, додека Манчестер Јунајтед на домашен терен го победи Њукасл со 3:2 (1:0).
Со нови три бода, избраниците на Маурисио Покетино ја задржаа предноста од три бода пред Њукасл и Манчестер Јунајтед.
На југот на Англија, Челзи поведе со голот на Кол Палмер во 34. минута, за Кристијан Нкунку во 64. да зголеми на 0:2.
Рис Џејмс заработи црвен картон во 88. минута, а Челзи до крајот играше со десет играчи, а во осмата минута од судиското надополнување, Дени Велбек успеа само да го ублажи поразот на Брајтон.
Многу возбудувања имаше на „Олд Трафорд“, на крајот славеше домаќинот.
Во 31. минута Коби Мајну погоди за водство на Манчестер Јунајтед, а Арон Гордон по брз контранапад во 48. минута успеа да израмни на 1:1.
Во 57. минута Амад Диало со одличен удар од далечина зголеми на 2:1, а потоа Ерик тен Хаг направи три измени пред крајот на натпреварот.
Тој во 83. минута ги внесе Расмус Хојлунд, Маркус Рашфорд и Лисандро Мартинез, а само минута подоцна беше постигнат третиот гол за домашните.
Хојлунд, го постигна 15. гол во сезоната.
Во судиското надополнување, Луис Хол во 92. минута намали на 3:2, но не можеше целосно да го избегне поразот.
Во последното коло Њукасл гостува кај Брентфорд, Манчестер Јунајтед кај Брајтон, додека Челзи го пречекува тимот на Бурнмут.
Спорт
(Видео) Рајо обезбеди опстанок, Димитриевски стана клупска легенда
Фудбалерите на Рајо Ваљекано на две кола до крајот на сезоната обездени опстанок во шпанската Примера.
Рајо во 37.коло ја победи Гранада со 2:1 и покрај тоа што од петтата минута играше со фудбалер помалку. Трехо доби црвен картон.
Лежен погоди за домашните во 23.минута, а во 80. предноста ја зголеми Де Фрутос. Почесниот гол за Гранада го постигна Боје во претпоследната минута.
На оовј натпревар македонскиот репрезентативец Столе Димитриевски влезе во историјата на рајо Ваљекано. Тој го одигра 190. натпревар и стана голман со најмногу натпревари во клупската историја.