Спорт
Хорхе ја смени плочата: Не верувам дека Лео ќе се врати во Барселона
„Сагата за Меси“ продолжува, со уште еден главен актер, таткото Хорхе, кој е менаџер на својот син. Хорхе Меси, во понеделникот, ја крена Барселона на нозе и предизвика еуфорија со изјавата дека неговиот син сака да се врати во клубот. 24 часа подоцна Хорхе „врти друга плоча“.
Вчера Шпанците објавија дека Ла Лига и дала зелено светло на Барселона за нејзиниот економски план за следната сезона, во која се отвори простор за враќање на Меси. Меси сениот, по состанокот се сретнал со Џоан Лапорта.
По состанокот, Хорхе Меси за телевизијата „Хихантес“, изјави дека неговиот син сака да се врати во Барса и дека се ќе биде познато во наредните 48 часа.
Со оваа изјава ги фрли во транс фановите на Барселона, а веќе наредниот ден врти друга приказна.
„Не се работи за пари, Лео е подготвен да игра бесплатно. Но, не верувам дека неговото враќање ќе се случи, ситуацијата околу тоа е многу тешка“, изјави Меси сениор.
Тој наводно изјавил дека еден од проблемите е начинот на кој што го следат шпанските медиуми неговиот син и начинот за кој тие известуваат за неговото можно враќање во клубот. Најдобриот играч на Мундијалот во Катар не сака неговиот трансфер во Барселона да се гледа како бегство во сигурна куќа.
„Лео имаше две многу тешки години во Париз“, додаде Меси сениор.
Она што го откриваат шпанските медиуми е дека платата на Лионел Меси во Барселона би била 13.000.000 евра, дека договорот би бил потпишан на 1+1 година и дека семејството на Аргентинецот, особено неговата сопруга Антонела, ја турка идејата за враќање во Каталонија.
Дополнителен проблем во целата приказна е што Саудијците кои му дадоа понуда на Лионел Меси е невидена во историјата на спортот (1.200.000.000 евра за две години). Тие го притискаат неодамнешниот ас на Пари Сен Жермен конечно да се изјасни дали доаѓа или не.
Семејството Меси, пак, се обидува да добие уште неколку дена во тие преговори, бидејќи очигледно е дека Лео пред се сака да биде во Барса. Па, ако не можеш да заврши во Барселона, тогаш ќе бара алтернативни решенија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Во Реал Мадрид вината за поразот ја гледаат во судиите, Анчелоти вели дека тој е одговорен

По 3:1 поразот во мадридското дерби, од Реал Мадрид се пожалија на три судиски „грешки“ во текот на мечот, иако тренерот Карло Анчелоти изјави дека тој е одговорен.
Преку официјалната телевизија „РМТВ“, клубот ги критикуваше одлуките на судијата Алберола Рохас во дербито, сметајќи дека направил три големи грешки – фаулот на Џуд Белингем пред првиот гол на Атлетико, остриот старт на Хозе Марија Хименез кој не беше казнет со црвен картон и играњето со рака на Марио Ермосо во шестнаесетникот.
„Тоа беше гол кој мораше да биде поништен. ВАР не ги разгледа снимките. Имаше јасен фаул во корист на Реал Мадрид. Засрамувачки е што тоа не беше досудено и без ВАР. Се работеше одлучувачка игра, а ВАР судијата Куадра Фернандез требаше да го прекине мечот. Тој гол го постави риттамот на игра. Судењето на Алберола Рохас беше засрамувачко и го реши мечот. Реал Мадрид требаше да има 2:2 на полувреме, а Атлетико да биде со играч помалку“, се вели во коментарот.
Од друга страна, Анчелоти изјави дека резултатот е негова одговорност.
„Не почнавме најдобро, ниту се браневме најдобро. Кога имаа 2:0, ја имаа играта која ја посакуваа. Атлети беа подобри од нас во оваа контрола. Мислам дека нашиот систем не беше погрешен, туку дека бевме ранливи во одбраната, не бевме компактни и тие го искористија тоа. Кога тимот не го прави тоа што треба да го направи, тоа е одговорност на тренерот. Затоа, тоа е моја вина“, вели Анчелоти.
Спорт
Ко-сопственикот на Челси, Егбали продолжува со посетите во соблекувалната

И покрај критиките на англиската фудбалска јавност, ко-сопственикот на Челси, Бехдад Егбали ја продолжува необичната практика на посета на соблекувалната на играчите по ужасниот старт на сезоната. Ваков притисок вообичаено се поврзува со настаните во балканскиот фудбал, и е нешто сосема невообичаено во Премиерлигата.
Неговиот партнер во бизнисот, Тод Бели беше критикуван поради ваквите посети минатата сезона, а според „Дејли телеграф“, сега посетите ги прави Егбали, како при 1:0 поразот од Астон вила во неделата. Нивните извори велат дека тој не давал мислење за играта и за тактиките, туку само се ракувал со фудбалерите и со тренерите посакувајќи им среќа.
Челси се на 14. место на табелата во Премиерлигата со само една победа оваа сезона, поставувајќи голем притисок на менаџерот Маурисио Почетино. „Сините“ имаат најлош старт на сезоната во последните 45 години.
Спорт
Рафаел Леао: Саудиските пари? Борбата во Лигата на шампиони вреди повеќе!

Ѕвездата на Милан, Рафаел Леао посочува дека сака да „освојува големи работи“ со „росонерите“ на кои е фокусиран во блиската иднина и дека не го привлекуваат високите плати кои ги добиваат фудбалерите во Саудиска Арабија.
24-годишното португалско крило потпиша нов петгодишен договор со клубот во јули и е во добра форма со три гола и две асистенции во првите шест меча во сите натпреварувања, но италијанските медиуми го критикуваа што ги избегнува дефанзивните обврски и го критикуваат тренерот Стефано Пиоли дека цела игра на тимот се врти околу него.
„Верувам дека клубот е на вистински пат, успеавме да стигнеме до полуфиналето на Лигата на шампионите, и сега целта мора да биде да продолжиме да растеме, да носиме засилувања, да бидеме посилни. Сигурен сум дека Милан ќе се врати на титулите од Лигата на шампиони, што е нашата главна цел. За мене, јас сум млад и сакам да освојувам големи работи со Милан. Имам одиграно над 20 меча во Лигата на шампионите, така што имам искуство“, вели Леао во интервју за магазинот „Џи кју“.
Потоа тој зборуваше за својата иднина.
„Никогаш не вели никогаш, но јас сум во клуб кој ме прими многу добро и затоа го обновив договорот, што немаше да го направам ако мислев на заминување. Сакам следните две три години да освојам големи работи со Милан. Не сум подготвен да одам во саудиската лига. Последните денови парите се погласни, но за мене Лигата на шампиони е поважна од плата од 10 милиони евра, на пример“, вели Леао.