Надежта на италијанскио тенис,  Јаник Синер, во петокот со 6:4/7:6(3)/6:3 го совлада американскиот ветеран Џон Изнер за пласман во третото коло на Вимблдон, но Американецот може да биде задоволен што покрај рекордот за најдолг меч во историјата на гренд слемот на трева, запиша уште еден светски рекорд.

Со својот петти ас во петокот, Изнер го сруши рекордот на Хрватот Иво Карловиќ од 13.728 аса во кариерата, запишувајќи се во историјата на тенисот со еден рекорд кој тешко дека ќе биде срушен. Пред мечот, 37-годишниот Изнер имаше 629 аса само во 2022 година, како апсолутен лидер.

„Тоа е навистина кул работа и нешто на што сум горд.  Ќе бидам лидер на сите времиња, а ако продолжам ќе можам и да го подобрам рекордот. Не знам дали некој ќе може да го сруши, може да сум на врвот долго време“, изјави пред мечот 37-годишниот Изнер, кој седум сезони е лидер на АТП турнејата по бројот на асови и кој во долгата кариера има 16 АТП титули.

Во 2010 година, на Вимблдон, Изнер и францускиот тенисер Никола Мау одиграа меч кој тешко дека ќе се повтори. Во три дена игра, тие имаа ефективни 11 часа и 5 минути тенис и победа на Изнер од 6:4/3:6/6:7(9)/7:6(3)/70:68 со вкупно 183 одиграни гемови. Бидејќи од оваа година на сите гренд слемови се сменија правилата со воведување на тај-брејк во петтиот сет, овој рекорд речиси сигурно никогаш нема да биде срушен.

Следен за Синер, пак, е уште еден тенисер од кој се очекува многу во иднина, шпанскиот ас Карлос Алкараз, кој лесно со 6:3/6:1/6:2 го „збриша“ Германецот Оскар Оте за првпат во кариерата да влезе во четвртото коло на Вимблдон.

Европската полициска организација Европол објави дека направиле рации на 14 локации низ Европа оваа недела поради „основани сомнежи за опингување во велосипедски тим кој учествува на Тур де Франс“, правејќи голем скандал пред стартот на најпознатата велосипедска трка на светот, која оваа година почува од Данска.

Оваа објава доаѓа откако вчера данската полиција, по барање на француските власти, влезе во хотелот на тимот „Бахреин-Викториус“ во Копенхаген. Европол пак, објави дека извршиле рации во Франција, Белгија, Шпанија, Хрватска, Словенија, Италија и Полска од понеделникот до четвртокот.

„Беа испитани повеќе личности, а истрагата уште трае додека доказите кои беа запленети не бидат испитани“, објавија од Европол.

Вчера навечер, откако тимот „Бахреин-Викториус“ објави дека нема запленето материјали, од француското обвинителство објаснија дека се запленети телефони, компјутери и медицински средства.

Карлос Саинс во Ферари го постави најдоброто време на вториот тренинг пред Британското ГП во Силверстоун, победувајќи ги домашните фаворити Луис Хамилтон во Мерцедес и Лендо Норис во Мекларен откако по силниот дожд во првиот тренинг.

Патеката беше целосно сува кога Саинс со меки гуми постави време од 1:28.942, за 0.163 секунди пред Хамилтон пред огромен број на Ф1 фанови на славната патека. Шампионот Макс Ферстапен во Ред бул, откако неколку пати преку радиото го изрази своето незадоволство од болидот, беше на четвртото место, пред Шарл Леклер во второто Ферари и Фернандо Алонсо во Алпине на шестото место. Во топ 10 беа и Серхио Перез (Ред бул), Џорџ Расел (Мерцедес), Даиел Рикардо (Мекларен) и Ленс Строл (Астон Мартин).

Валтери Ботас, кој изненадувачки беше прв во првата сесија на дожд, беше на 11. место.

FP2 CLASSIFICATION

1. Sainz
2. Hamilton
3. Norris #BritishGP #F1 pic.twitter.com/22sWCoPk07

— Formula 1 (@F1) July 1, 2022