Никола Јокиќ, со нов трипл-дабл, го предводеше Денвер Нагетс до победата над Мајами Хит 123:106.

Јокиќ, го забележа 15 трипл-дабл во сезоната, 56. во кариерата, натпреварот со Мајами го заврши со 17 поени, 10 скока и 11 асистенции. Српскиот центар успеа да забележи трипл-дабл, иако погоди само шест од 14 обиди од поле.

Сезонава повеќе трипл-дабл учиноци од Јокиќ забележал само Расел Вестбрук (23).

Денвер до триумфот, со кој ја прекинаа низата од два порази (Бостон и Голден стејт), го предводеа Мајкл Порттер јуниор со 25 поени и 10 скока, односно Џамајкл Грин со 17 поени.

Деневер се наоѓаат на четвртото место на Западот, додека Мајами се седми на Истокот.



Реал Мадрид преку Ливерпул изборија полу-финале во Лигата на шампионите. Реал победија во првиот меч со 3:1, а синоќа во реваншот, во Ливерпул одиграа 0:0. За пласман во финалето, Реал ќе игра против уште еден англиски тим, Челси.

Фудбалерот на Реал, Касемиро, смета дека во полу-финалето нема фаворит.

„Знаевме дека ќе биде тешко, посебно поради ривалот кој стоеше пред нас. Добро работевме, секој ја изврши својата задача. Знаевме дека имамме предност, но игравме за победа. Ливерпул е енергичен тим, имаат добар тренер, но клучот е во работата на теренот, тоа го реши победникот“, рекол Касемиро.

Во наредната фаза, за две недели, Реал ќе игра против Челси.

„Нема фаворит. Сега размислуваме само за наредниот меч во Ла Лига“, заклучил Бразилецот.

Полу-финалните дуели на програмата се на 27. и 28 април. Во второто полу-финале ќе играат Манчестер сити и ПСЖ.

Кошаркарите на Уникс од Казањ изборија пласман во финалето на Еврокупот и место во Евролигата наредната сезона. Уникс за титулата во ова натпреварување ќе се борат со Монако.

Уникс, во Болоња, ја доби мајсторката против Виртус со 107:100 и со 2:1 ја доби серијата. Виртус, тим во кој играат МилиошТеодосиќ и Марко Белинели повторно не успеа да стигне до Евролигата.

Рускиот тим, го контролираше натпреварот, најчесто играчите на Виртус имаа двоцифрена предност. Виртус се вратија во последниот период, но не успеаја да направат пресврт.

Теодосиќ со 25 поени и девет асистенции, односно Белинели со 24 поени го предводеа Виртус. Кај Уникс се истакнаа Смит со 24, односно Вајт и Браун со по 20 поени.

Покрај Уникс и Монако наредната сезона ќе игра во Евролигата, бидејќи Валенсија не успеа да избори четврт-финале во најквалитетното европско натпреварување.

Финалната серија ќе започне на 27.април, трофејот ќе го освои тимот што ќе забележи две победи.