Фото/ EPA-EFE/CAROLINE BREHMAN

Деандре Ејтон се согласи на трансфер во Лос Анџелес Лејкерс три недели пред неговиот 27-ми роденден и три дена откако беше ослободен од договорот со Портланд Треил Блејзерс.

Ејтон, потпиша две годишен договор, а следната сезона ќе заработи 34 милиони долари.

Лејкерси го пронајдоа својот стартен центар во Ејтон, првиот избор на драфтот во 2018 година, кој е единствениот играч во историјата на НБА кој во просек постигнувал 15+ поени и имал шут од над 60 отсто во плејофот.

Тој има просек од 16,4 поени и 10,5 скока со 59 отсто шут во последните седум сезони.

Ејтон беше прв пик ма драфтот во 2018 година. На овој драфт Дончиќ беше избран како трет пик.

Фото/ X

Универзитетот во Пенсилванија објави дека ретроактивно ќе ги поништи сите резултати и рекорди поставени од трансродовата пливачка Лија Томас.

Овој универзитет, исто така, им се извини на пливачките кои, поради учеството на Лија Томас на натпреварите во пливање во САД, беа во нееднаква и подредена положба.

Одлуката е резултат на спогодба со Министерството за образование на САД и доаѓа по неколкумесечна федерална истрага која заклучи дека универзитетот ги прекршил одредбите од Законот IX, кој забранува дискриминација врз основа на пол, но сега инсистира на биолошка дефиниција на полот во спортот, дозволувајќи ѝ на Томас да се натпреварува во женска конкуренција.

Да ве потсетиме дека во својата кариера Лија настапувала и во машка и во женска конкуренција.

Како дел од спогодбата, Универзитетот во Пенсилванија се согласи да ги врати сите индивидуални рекорди, титули и почести на пливачките кои ги изгубиле поради Томас, а секоја од нив ќе добие лично извинување.

Исто така, Универзитетот „Пен“ објави официјална изјава на својата веб-страница во која се обврзува дека во иднина нема да им дозволи на мажите да се натпреваруваат во женски спортски програми или да користат женски спортски објекти, а дефинициите на полот ќе се базираат исклучиво на биологијата.

Лија Томас стана првата трансродова спортистка што освои титула во прва дивизија на NCAA, победувајќи во трката на 450 метри слободен стил во 2022 година. Пред тоа, таа настапуваше за машкиот тим на истиот универзитет три години, а се натпреваруваше во женското натпреварување една сезона, за време на која постави бројни рекорди и освои медали.

Одлуката на Универзитетот во Пенсилванија доаѓа во време кога администрацијата на претседателот Доналд Трамп води широка кампања за забрана на трансродовите спортисти од женските спортови.

Министерството за образование, под закана за задржување на федералните средства (во овој случај 175 милиони долари или 150 милиони евра), побара од „Пен“ да ги почитува новите закони.

NCAA претходно им дозволуваше на трансродовите спортисти да се натпреваруваат во женска конкуренција под одредени услови, вклучувајќи хормонска терапија и документација за нивоата на тестостерон. Сепак, правилата оттогаш се променија и станаа значително порестриктивни, а најновите извршни наредби бараат строга поделба на спортистите според биолошкиот пол.

Секретарката за образование на САД, Линда Мекмахон, ја нарече оваа одлука голема победа за жените и девојчињата, не само на Универзитетот во Пенсилванија, туку и низ целата земја.

Фото/ EPA-EFE/ERDEM SAHIN

Искусниот италијански напаѓач Чиро Имобиле (35) се враќа во Серија А.

Неговиот нов клуб е Болоња, тврди најпознатиот трансфер инсајдер Фабрицио Романо.

Имобиле ја помина претходната сезона во Бешикташ, одигра 30 натпревари и постигна 15 голови, потврдувајќи ја својата класа, но еден повик од неговата татковина го направи своето.

Чиро е играчот со најмногу титули „крал на стрелци“ во италијанското првенство, тој дури четири пати беше „Капоканониере“ на Серија А, еднаш во дресот на Торино, три пати како играч на Лацио.

Според Романо, тој ќе потпише едногодишен договор со Болоња со можност за продолжување за уште една сезона. Истиот извор претходно објави дека поранешниот играч на Јувентус, Федерико Бернардески, ќе се приклучи на Болоња ова лето.