Фото/ facebook.com/hceurofarmpelister

Еурофарм Пелистер го декласира Алкалоид со 33:20 (16:11) и доколку не се случи нешто непредвидено во последните три кола од регуларниот дел на сезоната, во плејофот ќе влезе од првата позиција пред Вардар и вечерашниот ривал.

Пелистер на Алкалоид му покажа кој е актуелен шампион. Наметна ритам кој играчите на Алкалоид не можеа да го следат.

Фуризоно отвори Пелистер со 5:1, набргу стекна предност и од пет гола, а Алкалоид малку се доближи кога со серија од три гола намали на 12:9. Но Плеистер одговори со иста мерка, а на полувреме домшните водеа со 16:11.

Во вториот дел, впечатокот е дека домашните уште повеќе го засилија темпото, направија серија 6:1 со која прв пат стекнаа двоцифрена предност (24:14). До крајот разликата ја зголемија за уште три гола.

Кузмановски со 11 и Радивојевиќ осум гола ги предводеа домашните, на чии гол повторно блескаше Митревски со 12 одбрани (осум во второто полвреме). Најефикасен играч на Алкалоид беше Серафимов со осум гола.

На табелата Пелистер, Вардар и Алкалоид имаат по 34 бода. На мини табелата меѓу овие три тима Пелистер има гол разлика +5, Вардар 0, а Алкалоид -5.
Ова значи дека доколку во последните три кола вовие три екипи ги забележат планираните победи, во плејофот Пелистер ќе влезе со три, а Вардар и Алкалоид со по два бода.

Лука Дончиќ само што пристигна во Лос Анџелес, но шпекулациите за негово заминување веќе се шират во американските спортски кругови.

Во трејдот со Далас Маверикс, Лејкерси го презедоа и договорот што Дончиќ го потпиша пред сезоната 2022/23, кој важи до крајот на сезоната 2026/27. Според договорот Дончиќ има право да еднострано да излезе од него една година порано, односно во лето 2026 година.

Според правилата на НБА, Лејкерси имаат рок до 2. август оваа година да и понудат на својата нова ѕвезда продолжување на соработката за периодот по 2027 година, што според многу најави ќе го направи франшизата од Лос Анџелес.

Меѓутоа, доколку Дончиќ одбие, тој би навестил дека за година и пол ќе замине како слободен играч. Ова би го ставило во непријатна ситуација генералниот директор на Лејкерс, Роб Пелинка, бидејќи ако чека ќе загуби еден од најдобрите играчи во лигата, а за возврат нема да добие ништо.

Аналитичарот на ESPN Брајан Виндхорст воопшто не ја исклучува таквата можност, а во новата епизода на „First Take“ вели:

„Има голем притисок врз организацијата на Лејкерс да го убеди Лука да потпише продолжување на договорот од сега до 2. август. Оттаму доаѓа најголемиот притисок бидејќи се чини дека нема мотивација да потпише за ЛА. Никогаш не рекол: „Сакам да бидам играч на Лејкерс“. Трејдот му дојде како гром од ведро небо“, рече Виндхорст, посочувајќи дека Дончиќ е апсолутно во Тексас и дека трејдот не е резултат на неговото незадоволство од ситуацијата во Маверикс или неговите соништа да игра за Лејкерси.

Виндхорст вели дека не е важно како ќе заврши сезоната на Лејкерси и каков ќе биде конечниот резултат за избраниците на тренерот Џеј Џеј Редик, бидејќи непријатниот крај може да му понуди на Дончиќ дополнителни мотиви да не го продолжи договорот и да го стави Палинка во „ќорсокак“ од кој размена би била единствениот излез.

Во ова сценарио се упатени генералните менаџери на другите 29 тима, а неколку од нив наводно веќе тивко лобираат: Минесота Тимбервулфс, Милвоки Бакс и Хјустон Рокетс.

Филип Клемент повеќе не е тренер на Глазгов Ренџерс. Белгиецот доби отказ по поразот од Сент Мирен, откако претходно доживеа и елиминација од Квинс Парк во Купот на Шкотска. Ренџерси на табелата имаат 13 поени помалку од лидерот, Слетик.

Дополнително, самиот клуб е во транзиција бидејќи веќе со месеци се водат преговори за продажба, а до крајот на сезоната се очекува „49 Ентерпрајс“ да купи мнозински пакет акции.

Стивен Џерард медиумите го сметаат за прв фаворит за наследник на Клемент.