Спорт
Хрватска и Шпанија ги освоија првите места во своите групи

И покрај тоа што повторно не „блескаа“, Хрватска влегува во втората фаза на Светското првенство во Египет како првпопласирана од својата група за пресметка со Данска, Бахреин и Аргентина во втората фаза.
Во последниот меч, по едвај избореното реми со Јапонија и тешката победа над Ангола, тимот на Лино Червар беше подобар од Катар со 26:24 (13:11), правејќи предност од стартот на мечот и оддржувајќи го до финишот. Марио Мамиќ со шест гола и Мартин Штрлек со пет беа најефикасни кај „коцкастите“.
Шпанија исто така ќе пренесе три поени во втората рунда (каде што ќе се во група со Германија, Унгарија и Уругвај), откако лесно со 36:30 ја совлада репрезентацијата на Тунис. Анхел Фернандез беше убедливо најдобриот ракометар кај Шпанците со 10 гола во противничката мрежа.
СП ЕГИПЕТ 2021, 3.КОЛО
ГРУПА А
Уругвај – Зеленортски Острови 10:0 службено
Германија – Унгарија 20.30 ч.
Табела: 1.Германија 4, 2.Унгарија 4, 3.Уругвај 2, 4.Зеленортски О. 0
ГРУПА Б
Шпанија – Тунис 36:30 (17:14)
Бразил – Полска 20.30 ч.
Табела: 1.Шпанија 5, 2.Полска 2, 3.Бразил 2, 4.Тунис 1
ГРУПА Ц
Јапонија – Ангола 30:29 (16:12)
Хрватска – Катар 26:24 (13:11)
Табела: 1.Хрватска 5, 2.Катар 4, 3.Јапонија 3, 4.Ангола 0
ГРУПА Д
Бахреин – ДР Конго 34:27 (14:12)
Данска – Аргентина 20.30 ч.
Табела: 1.Данска 4, 2.Аргентина 4, 3.Бахреин 2, 4.ДР Конго 0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сензација на 3.000 метри „стипл-чез“, Бимиш во солзи го остави фаворитот Ел Бакали

Георди Биниш од Нов Зеланд забележа сензационална победа на 3.000 метри „стипл-чез“ на Светското првенство во Токио.
Биниш во спектакуларен финиш, во последните пет метри успеа да го победи Софијан Ел Бакали, инаку двократнен олимписки и трикратен светски шампион.
Делуваше дека Ел Бакали ќе забележи лесна победа. Како и многу пати во кариерата, тој беше на задните редови, па полека забрза. На 150 метри пред целта, се проби на првото место и се чинеше дека ќе ја одбрани титулата.
Бимиш не мислеше така, кој неверојатно забрза и почна да се приближува до Мароканецот. На крајот, го помина и славеше со време од 8:33.88.
Бакали беше во апсолутен шок по трката. Легна на патеката и плачеше. Никој не можеше да го утеши за златото што му избега за пет стотинки.
Кениецот Едмунд Серем успеа да ја освои бронзата во втор план со 8:34.56.
Немаше изненадувања во финалето на фрлање кладиво за жени. Олимписката и светска шампионка Камрин Роџерс рутински ја одбрани својата круна.
Го фрли кладивото најдалеку оваа сезона 80,51, а нејзините втори и трети најдобри резултати беа повредни од постигнувањето на второпласираната Кинеска Жао (77,60) метри. Третата беше уште една репрезентатвка на Кина Жанг со 77,10.
Foto/ EPA
Спорт
Бекер: Новак, зошто играш? Не можеш да ја освоиш 25-та Гренд Слем титула

Легендарниот германски тенисер Борис Бекер и поранешен тренер на Новак Ѓоковиќ, се сомнева дека Србинот некогаш ќе стигне до 25-та Гренд слем титула.
Бекер гостуваше во подкастот, кој го води со Андреа Петковиќ, меѓудругото рече дека 2026 година вероајтно ќе биде последна во кариерата на Ѓоковиќ.
„Тој игра против Синнер или Алкараз и не знае колку долго ќе трае неговата кариера на Гренд слем турнирите. Ова е прв пат отворено да зборуваме за 2026 година како негова последна кога станува збор за четирите најголеми турнири“, рече Бекер, додавајќи:
„Тој спомена дека сè уште може да се натпреварува со најдобрите, тоа е вистина, но зошто сè уште игра тенис? Да ги освои Рим и Монте Карло или 25-та титула на Гренд слем? Мислам дека е второто. Верувам дека не може да го постигне тоа, со оглед на возраста и силата на помладите играчи.“
Во 2025 година, Ѓоковиќ играше во полуфиналето на сите четири Гренд слем турнири, но не успеа да се бори против водечкиот дуо на светскиот тенис.
Тој ја освои 100-та титула во кариерата (турнирот во Женева) и со тоа стана првиот играч кој кренал барем еден трофеј 20 години по ред.
Спорт
Панатинаикос го отпушти Руи Виторија

Португалскиот стручњак Руи Виторија повеќе не е тренер на Панатинаикос, објави клубот од Атина.
„Ти благодараме Руи. Ти посакуваме се најдобро во следната поглавје од твојата кариера“, се вели во објавата на Панатинаикос објавено на социјалната мрежа „Икс“.
Виторија (55) доби отказ по лошиот влез во сезоната. Панатинаикос освои само еден бод во првите две кола од грчкото првенство.
Следниот викенд, Панатинаикос го пречекува Олимпијакос во најголемото дерби на грчкиот фудбал, а клубот подоцна ќе објави кој ќе го наследи Виторија на клупата.
Претходно, атинските зелени беа елиминирани од Глазгов Ренџерс во квалификациите за Лигата на шампионите, но успеаја да се квалификуваат во главната фаза во Лига Европа.
Во второто најсилно европско клупско натпреварување, Панатинаикос ќе игра против Јанг Бојс, Го Ахед Иглс, Феенорд, Малме, Штурм, Викторија Пилзен, Ференцварош и Рома.